<p><strong>ភ្នំពេញ៖</strong> តារាសម្តែងជើងខ្លាំង ធ្លាប់ទទួលបានពានរង្វាន់ពីកម្មវិធី អាណាចក្រតារា និងកម្មវិធី អប្សរា Award អ្នកនាង ស្វែង សុជាតា ថ្មីៗនេះ បានរៀបចំពិធី ខួបកំណើតគំរប់ ៣៣ ឆ្នាំរបស់នាង នៅលើទូកទេសចរណ៍ ដោយមានការអញ្ជើញ ចូលរួមពីសំណាក់ តារាប្រុសស្រីល្បីៗទាំងក្មេង ទាំងចាស់ ជាច្រើនដួង ក្រោមបរិយាកាស សប្បាយរីករាយ នៃជំនោរត្រជាក់ ក្នុងស្បៃរាត្រី។<br />ក្នុងកម្មវិធីខួបកំណើតរបស់ អ្នកនាង ស្វែង សុជាតា បន្ទាប់ពីមិត្តភក្តិជួបជុំគ្នា និងបង្កឲ្យកម្មវិធីកាន់ តែ មានភាពសប្បាយរីករាយរួចហើយ ពេលឈានដល់កម្មវិធី ផ្លុំពន្លត់ទៀតខួបកំណើត នាងត្រូវ បានភ្ញៀវកិត្តិយស ដែលចូលរួម ភាគច្រើនជាតារាសម្ដែង តារាសចម្រៀងស្រករក្រោយ នាំគ្នា ច្រៀងបង្អាប់ លាយឡំនឹងសំណើច តាមលំនាំបទ Happy Birthday to you ថា “ចាស់ហើយធ្វើ ខួបទៀត...ចាស់ហើយធ្វើខួបទៀត... ចាស់ហើយចំរើនព្រះជន្មទៅ”។</p>
<p>ទោះបីជាយ៉ាងណា ការច្រៀងបង្អាប់ អ្នកនាង ស្វែង សុជាតា ថា ចាស់ហើយ នៅតែប្រារព្ធខួប កំណើត ដូចជាតារាស្ទាវៗ និងក្មេងស្រករក្រោយ នៅពេលនេះ ត្រូវបានគេចាត់ទុកថា គ្រាន់តែជា ចម្រៀងបន្លឺឡើង បង្កឲ្យបរិយាកាសកាន់តែ សប្បាយរីករាយខ្លាំងឡើង និងចង់បង្ហាញពីទំហំ នៃក្ដីស្រឡាញ់ពី សំណាក់តារាក្មេងៗ ចំពោះ អ្នកនាង ស្វែង សុជាតា ដែលជាតារាសម្ដែង រៀមច្បងគួរឲ្យគោរព មិនមែនជាការច្រៀង បញ្ចើចបញ្ចើទៅលើវ័យជ្រេ របស់អ្នកនាងឡើយ។</p>
<p>អ្វីដែលគួរឲ្យចាប់អារម្មណ៍នោះ គឺការតុបតែងរបស់ខ្លួន របស់អ្នកនាង ស្វែង សុជាតា ហាក់ដូចជា ប្លែកពីរាល់ៗដង។ ជាធម្មតា អ្នកនាងតុបតែងខ្លួនបែប សុភាពរាបសារ តែលើកនេះ អ្នកនាងបាន តែងខ្លួន បែបលក្ខណៈយេៗ។ មិនតែប៉ុណ្ណោះ អ្នកនាង ថែមទាំងបាន បញ្ចេញស្ទីលថត យ៉ាងសិច ស៊ីជាមួយ នឹងដបស្រាក្រហម ក្នុងថ្ងៃខួបកំណើត ប្រកបដោយទឹកមុខ ញញឹមពព្រាយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0102.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0103.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0105.jpg" alt="" width="600" /></p>
<p style="text-align: center;"><object width="500" height="400" data="http://www.youtube.com/v/cPqF4OVGMpQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/cPqF4OVGMpQ&rel=1" /></object></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/27291--video-inside.html"><span style="color: #0000ff;">ដើមអំពិល</span></a></p>