<p><span style="color: #000000;"><strong>(ភ្នំពេញ)៖</strong> ជាថ្មីម្តងទៀត លោកអភិបាលរាជធានីភ្នំពេញ ប៉ា សុជាតិវង្ស បានបញ្ជាក់ថា រាជធានីភ្នំពេញ នឹងត្រូវបង្កើតឲ្យមាន ភូមិថ្មីចំនួន៤៧ភូមិ និងសង្កាត់ចំនួន៩បន្ថែមទៀត ដើម្បីងាយស្រួលគ្រប់គ្រង និងផ្តល់សេវាជូនប្រជាពលរដ្ឋឲ្យកាន់តែល្អប្រសើរ។</span></p>
<p><span style="color: #000000;">ការបញ្ជាក់របស់លោក ប៉ា សុជាតិវង្ស ជាថ្មីនេះ ធ្វើឡើងក្នុងកិច្ចប្រជុំគណៈអភិបាលរាជធានី លើកិច្ចការបន្ទាន់មួយនៅរសៀលថ្ងៃទី១៥ ខែមករា ឆ្នាំ២០១៦ម្សិលមិញ នេះបើតាម Facebook Page ផ្លូវការរបស់លោក ប៉ា សុជាតិវង្ស។</span></p>
<p><span style="color: #000000;">កិច្ចប្រជុំគណៈអភិបាលសាលារាជធានីភ្នំពេញ បានពិភាក្សាលើកិច្ចការបន្ទាន់ចំនួន ៣ចំណុចសំខាន់ៗ៖</span></p>
<p><span style="color: #000000;">១-ការងារបំបែកសង្កាត់ថ្មី ដើម្បីគ្រប់គ្រង និងផ្តល់សេវាជូនប្រជាពលរដ្ឋ ឱ្យកាន់តែល្អប្រសើរ ក្នុងនោះយើងនឹងមានភូមិថ្មីចំនួន ៤៧ភូមិ និងសង្កាត់ថ្មីចំនួន០៩ភូមិ។</span></p>
<p><span style="color: #000000;">២-ការងារលើកទំនប់បឹងតាមោក ដើម្បីការពារទឹកសំអុយ មិនឱ្យប៉ះពាល់ដល់បងប្អូនជុំវិញបឹង និងរៀបចំជាកន្លែងអាងចម្រោះ ប្រព្រឹត្តិកម្ម ក្នុងនោះយើងនឹងសម្រេចឱ្យបានការងារលើកទំនប់ ៥០០ហិចតា នៅក្នុងរដូវប្រាំងឆ្នាំនេះ ចំណែកក្រុមហ៊ុនត្រូវតែចាប់ផ្តើម កិច្ចការរបស់ខ្លួន នៅថ្ងៃច័ន្ទសប្តាហ៍ក្រោយតែម្តង។</span></p>
<p><span style="color: #000000;">៣-ការងារគ្រប់គ្រងបឹង និងប្រឡាយបឹងត្របែក ដើម្បីរំដោះផ្លូវអមសង្ខាងប្រឡាយ និងទប់ស្កាត់ការទន្ទ្រានយកបឹងពីសំណាក់ ប្រជាពលរដ្ឋ ក្នុងគោលដៅធ្វើយ៉ាងណា ដោះស្រាយផ្លូវទឹកមួយនេះឱ្យបានជោគជ័យ នោះតំបន់មួយចំនួនធំក្នុងរាជធានី នឹងគ្មាន ការជន់លិចដោយទឹកភ្លៀងទៀតឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/16/1-16-2016-11-38-18-am-16-01-2016--11-46-03.png"><span style="color: #000000;"><img src="/FileManager/Articles/mce/2016/1/16/1-16-2016-11-38-18-am-16-01-2016--11-46-03.png" alt="" /></span></a><a class="thickbox" title="" href="/FileManager/Commons/2016/1/16/1-16-2016-11-37-52-am-16-01-2016--11-46-27.png"><span style="color: #000000;"><img src="/FileManager/Articles/mce/2016/1/16/1-16-2016-11-37-52-am-16-01-2016--11-46-27.png" alt="" /></span></a><a class="thickbox" title="" href="/FileManager/Commons/2016/1/16/1-16-2016-11-37-38-am-16-01-2016--11-46-43.png"><span style="color: #000000;"><img src="/FileManager/Articles/mce/2016/1/16/1-16-2016-11-37-38-am-16-01-2016--11-46-43.png" alt="" /></span></a><a class="thickbox" title="" href="/FileManager/Commons/2016/1/16/1-16-2016-11-37-20-am-16-01-2016--11-46-58.png"><span style="color: #000000;"><img src="/FileManager/Articles/mce/2016/1/16/1-16-2016-11-37-20-am-16-01-2016--11-46-58.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>