<p><span style="color: #000000;"><strong>ភ្នំពេញ៖</strong> ហាក់ខុសប្លែកពីបណ្ដាឆ្នាំមុន បទចម្រៀងអបអរសាទរបុណ្យ ចូលឆ្នាំប្រពៃណីជាតិ របស់ផលិតកម្មហង្សមាស ត្រូវបានគេចាក់ព្រោងព្រាត តាមខេត្តឆ្ងាយៗ ក៏ឮតែបទចម្រៀងរបស់ហង្សមាស ពិសេសបទចម្រៀង «ប៉ាដឹងប៉ាវ៉ៃ» បទ«ម៉ាក់ដឹងម៉ាក់វ៉ៃ» និងបទ «ពូកូមែន» ដែលត្រូវបានយុវវ័យចាក់រាំពេញភូមិ។ គ្រប់គ្នាសុទ្ធតែដឹងថា នេះជាស្នាដៃនិពន្ធទំនុកច្រៀងដោយ នាង ពេជ្រ សោភា តារាចម្រៀងស្រីចាស់វស្សាជាងគេ ក្នុងផលិតកម្មមួយនេះ ថ្វីត្បិតតែនាងជាអ្នកបញ្ចូលពាក្យពេចន៍ ក្នុងបទចម្រៀង តែអ្នកដែលធ្វើឲ្យផលិតកម្មនេះ កាន់តែឡើងកូដ គឺអ្នកនិពន្ធភ្លេងឯណោះទេ ព្រោះការនិពន្ធចម្រៀងពេលខ្លះ ត្រូវយកភ្លេងបូកជាមួយទំនុក ទើបសរសេរចេញ។ </span><br /> <br /><span style="color: #000000;">ស្ថិតក្នុងវ័យ២១ឆ្នាំ លោក ងួន ចាន់ដេវិដ ត្រូវបានគេស្គាល់ថា ជាតារារ៉េប ជំនាន់ថ្មី របស់ផលិតកម្ម ហង្សមាស តែលោកក៏ជាអ្នកនិពន្ធភ្លេង ដ៏អស្ចារ្យម្នាក់ផងដែរ ទោះលោកបញ្ចប់ការសិក្សា ត្រឹមតែថ្នាក់ទី១២មិនបានចូលមហាវិទ្យាល័យ ដូចយុវជនដទៃក្ដី ។ ដោយសារតែលោកមានចិត្ត ស្រឡាញ់វិស័យចម្រៀង ក៏ធ្វើគ្រប់បែបយ៉ាង ដើម្បីក្លាយជាអ្នកនិពន្ធម្នាក់។ លោកបានរសាត់អណ្ដែត ជាច្រើនកន្លែង មុនពេលបានមកដល់ ហង្សមាស ។</span><br /> <br /><span style="color: #000000;">លោក ងួន ចាន់ដេវិដ បាននិយាយប្រាប់គេហទំព័រកំសាន្ត LookingTODAY ឲ្យដឹងថា សម្រាប់ការនិពន្ធបទចម្រៀងនេះមិនបានចូលរៀន នៅសាលាតន្ត្រីណាទេ លោករៀនតែតាម យូធូប ប៉ុណ្ណោះ ដោយសារតែចិត្តស្រឡាញ់តន្ត្រីពេកលោកមិនបានបន្តការសិក្សា នៅមហាវិទ្យាល័យ ព្រោះលោកមានក្ដីស្រមៃដ៏ធំនេះ ។ លោកព្យាយាមដើរទៅរកវា ទីបំផុត លោកធ្វើវាបាន សម្រាប់អាជីពអ្នកនិពន្ធបទភ្លេងនេះ ក៏មានឧបសគ្គខ្លះដែរ ដូចជា ត្រូវបានគេថា បទលោកស្រដៀងបទនេះ ស្រដៀងបទនោះ តែអ្វីគ្រប់យ៉ាងលោកធ្វើមិនត្រឹមតែបំពេញក្ដីស្រមៃរបស់ខ្លួនទេ តែលោកធ្វើដើម្បីមុខមាត់ខ្មែរ លើឆាកអន្តរជាតិ ។</span></p>
<p><span style="color: #000000;">លោក ងួន ចាន់ដេវិដ ត្រូវបានទស្សនិកជន ឲ្យតម្លៃថា ជាមនុស្សមានទេពកោសល្យមិនធម្មតាមែន ព្រោះអាយុស្របាក់ស្របាលគ្នា អ្នកខ្លះមិនទាន់អាចសម្រេច ភាពជោគជ័យបាននៅឡើយទេ តែលោកបានធ្វើដោយភាពអត់ធ្មត់ បំផុត បើទោះជាកន្លងមក ធ្លាប់មានអ្នកខ្លះ បោះពាក្យសម្ដីដាក់លោកថា លោកឆ្កួតជាមួយតន្ត្រីក៏ដោយ៕</span></p>
<p><a class="thickbox" title="" href="/FileManager/Commons/2015/4/22/93-22-04-2015--11-32-55.jpg"><img src="/FileManager/Articles/mce/2015/4/22/93-22-04-2015--11-32-55.jpg" alt="" /></a></p>
<p><a class="thickbox" title="" href="/FileManager/Commons/2015/4/22/90-22-04-2015--11-33-03.jpg"><img src="/FileManager/Articles/mce/2015/4/22/90-22-04-2015--11-33-03.jpg" alt="" /></a></p>
<p><a class="thickbox" title="" href="/FileManager/Commons/2015/4/22/91-22-04-2015--11-33-11.jpg"><img src="/FileManager/Articles/mce/2015/4/22/91-22-04-2015--11-33-11.jpg" alt="" /></a></p>
<p><a class="thickbox" title="" href="/FileManager/Commons/2015/4/22/92-22-04-2015--11-33-18.jpg"><img src="/FileManager/Articles/mce/2015/4/22/92-22-04-2015--11-33-18.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>