<p><span style="color: #000000;"><strong>(កំពត)៖</strong> ប្រជាពលរដ្ឋ បានប្រទះឃើញសាកសពក្មេងស្រីម្នាក់ នៅវេលាម៉ោង៧ព្រឹក ថ្ងៃទី២០ ខែមករា ឆ្នាំ២០១៦នេះ ស្ថិតនៅចំណុច គំនរចំបើងកន្លែងដាច់ស្រយាលមួយ ភូមិត្រពាំងគុយ ឃុំល្បើក ស្រុកឈូក ខេត្តកំពត។</span></p>
<p><span style="color: #000000;">មន្រ្តីនគរបាលស្រុកឈូក បានប្រាប់អង្គភាព Fresh News ថា ក្មេងរងគ្រោះបានចេញពីផ្ទះទៅរៀនតាំងពីព្រឹកថ្ងៃទី១៩ម្សិលមិញ រហូតដល់ល្ងាច បងប្អូនកុមារីរងគ្រោះមិនបានឃើញ ត្រឡប់មកផ្ទះវិញក៏បានបបួលគ្នាចេញទៅដើររក តែមិនឃើញទេលុះព្រឹកឡើង ថ្ងៃនេះទើបប្រជាពលរដ្ឋដើរប្រទះឃើញសាកសព នៅចំណុចកើតហេតុខាងលើ ហើយក៏បានទំនាក់ទំនងមកកម្លាំងនគរបាលភ្លាម ឲ្យចុះទៅជួយអន្តរាគមន៍ និងពិនិត្យសព។</span></p>
<p><span style="color: #000000;">នគរបាលដដែលឲ្យដឹងទៀតថា កុមារីរងគ្រោះមានឪពុកកំព្រាម្តាយរស់នៅជាមួយបងប្អូន ដោយឪពុកមិនបាននៅផ្ទះទេគឺចេញទៅ លេងបងប្អូននៅឯខេត្តបាត់ដំបងឯណោះ។</span></p>
<p><span style="color: #000000;">ករណីនេះត្រូវនគរបាល ដាក់ការសង្ស័យជាបឋម ជារឿងរំលោភសេពសន្ទវៈ រួចសម្លាប់ចោលដើម្បីបំបិតមាត់។ ប៉ុន្តែទោះជាយ៉ាងណា ក៏ដោយនៅវេលានេះកម្លាំងនគរបាលជំនាញនៃស្នងការដ្ឋានខេត្ត ក្រោមការបញ្ជាផ្ទាល់ពីសំណាក់ស្នងការនគរបាលខេត្តលោក ឧត្តមសេនីយ៍ ម៉ៅ ច័ន្ទមធុរិទ្ធ បានចុះទៅដល់កន្លែងកើតហេតុហើយ ដើម្បីស្រាវជ្រាវរុករកមុខសញ្ញាជនដៃដល់នាំយកមកផ្តន្ទាទោស តាមច្បាប់។</span></p>
<p><span style="color: #000000;">កុមារីរងគ្រោះ ឈ្មោះ ឃុន ណាន អាយុ១៤ឆ្នាំ រស់នៅភូមិ ឃុំកើតហេតុខាងលើ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/20/1-20-2016-1-04-25-pm-20-01-2016--13-12-30.png"><span style="color: #000000;"><img src="/FileManager/Articles/mce/2016/1/20/1-20-2016-1-04-25-pm-20-01-2016--13-12-30.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>