<div class="article-content">
<p><strong>ភ្នំពេញ</strong> ៖ បុរសជនជាតិ កាណាដា វ័យ ចំណាស់ម្នាក់ ដែលគេដឹងថា ជាគ្រូបង្រៀន នៅវិទ្យាស្ថាន<br />ភាសាអង់គ្លេស ELT បានលោត សម្លាប់ខ្លួនពីលើផ្ទះ សំណាក់យីហោ យ៉ុងហួត ជាន់ទី៣ ចេញពី<br />បន្ទប់ លេខ៣០៤ ដែលជា បន្ទប់ជួលស្នាក់នៅជាយូរណាស់មកហើយ របស់ជនរងគ្រោះ បណ្ដាល<br />ឱ្យបែកក្បាល ស្លាប់ភ្លាមៗ នៅកន្លែងកើតហេតុ ប៉ុន្ដែពុំមាន ការបញ្ជាក់ពីនរណាម្នាក់ឬក៏សមត្ថកិច្ច<br /> ស្ដីពី មូលហេតុពិត ប្រាកដ នៃការលោតសម្លាប់ ខ្លួនខាងលើនេះទេ ។</p>
<p>ការភ្ញាក់ផ្អើលលោតសម្លាប់ខ្លួន ពីសំណាក់ បុរសជនជាតិកាណាដា ដែលបង្កឱ្យមានការ ភ្ញាក់ផ្អើល<br />និងគួរឱ្យរន្ធត់នេះ បានកើតឡើង នៅវេលាម៉ោង ប្រមាណ១១ និង៣០នាទីព្រឹក ថ្ងៃទី១៩ ខែសីហា<br /> ឆ្នាំ២០១៣ ស្ថិតនៅផ្ទះ សំណាក់យីហោ យ៉ុងហួត អគារលេខ២១ ផ្លូវលេខ១៤៩ សង្កាត់ផ្សារថ្មីទី៣ <br />ខណ្ឌដូន ពេញ ពោលនៅ ខាងកើតផ្សារតាប៉ាង និង នៅជិតវិទ្យាស្ថានបង្រៀនភាសាបរទេស ELT <br />ដែលគេអះអាងថា ជនរងគ្រោះធ្វើជា គ្រូបង្រៀននៅវិទ្យាស្ថានមួយនេះ ។</p>
<p>សេចក្ដីរាយការណ៍ពីសាក្សី នៅកន្លែង កើតហេតុបានឱ្យដឹងថា នៅវេលាម៉ោង១១ និង៣០នាទី ព្រឹក<br />ថ្ងៃទី១៩ ខែសីហា ឆ្នាំ ២០១៣ មានការភ្ញាក់ផ្អើលក្រោយពីគេ ប្រទះឃើញសពបុរសជនជាតិកាណា<br />ដា បានស្លាប់ ដោយបែកក្បាល ក្នុងថ្លុកឈាមនៅ ខាងមុខផ្ទះសំណាក់ ក្រោយពីជនរងគ្រោះរូបនេះ<br /> បានលោតចេញពីបង្អួច បន្ទប់លេខ ៣០៤ ជាន់ទី៣ ដោយពុំទាន់ដឹងមូលហេតុ ពិតប្រាកដនោះ។</p>
<p>ប្រភពព័ត៌មានពីប្រជាពលរដ្ឋ និងបុគ្គលិក ដែលបម្រើការងារនៅក្នុងផ្ទះសំណាក់យ៉ុងហួត បានឱ្យ<br />ដឹងថា ជនរងគ្រោះរួបនេះបាន មកជួលផ្ទះសំណាក់ស្នាក់នៅ អស់រយៈពេល ជាយូរមកហើយ ដើម្បី<br />បង្រៀនភាសានៅ សាលាឡែទ ដែលមានទីតាំងនៅក្បែរនោះ។</p>
<p>ប្រភពព័ត៌មានបានបន្ដថា ជនរងគ្រោះ បានបន្ដស្នាក់នៅ ដោយជួលបន្ទប់ក្នុងផ្ទះសំ ណាក់ខាងលើ<br /> បើទោះបីម្ចាស់ផ្ទះសំណាក់ មុន បានសេងមកឱ្យម្ចាស់ផ្ទះ សំណាក់ក្រោយ ក៏ដោយនោះ ។ ប៉ុន្ដែក្នុង<br />រយៈពេល២ខែមកនេះ ជនរងគ្រោះដូចជាគ្មានការងារធ្វើមិនដឹងថា ត្រូវបានសាលាបញ្ឈប់ឱ្យបង្រៀន<br />ឬ មួយយ៉ាង ណានោះទេ ហើយនៅមុនពេល កើតហេតុនេះ ជនរងគ្រោះបានឡើងចុះផ្ទះ សំណាក់<br />ជាធម្មតា លុះដល់ម៉ោងកើតហេតុ ក៏លោតពីលើបន្ទប់ជួលរបស់ខ្លួនតែម្ដង បណ្ដាលផ្កាប់មុខ ទៅនឹង<br />ផ្លូវបែកក្បាលហូរ ឈាមស្លាប់ភ្លាមៗតែម្ដង ។</p>
<p>បើតាមសាក្សី ដែលចោមរោមមើលនៅ កន្លែងកើតហេតុនោះ បានឱ្យដឹងថា បើសិន ជនរងគ្រោះ<br />លោតសម្លាប់ខ្លួន ហើយធ្លាក់ មកទើលើដំបូលរថយន្ដ លុច្សស៊ីស មួយគ្រឿង ពណ៌ខ្មៅ ដែលចត<br />នៅខាងក្រោមផ្ទះសំណាក់ ប្រហែលជាមិនដល់ថ្នាក់ស្លាប់នោះឡើយ ប៉ុន្ដែចៃដន្យអាក្រក់ ពេល<br />លោតពីលើផ្ទះ សំណាក់ បានហួសផុតរថយន្ដក៏បោកក្បាល ទៅនឹងផ្លូវស្លាប់តែម្ដងទៅ ។</p>
<p>ក្រោយពីទទួលសេចក្ដីរាយការណ៍ស្ដីពី ការលោតសម្លាប់របស់ជនជាតិកាណាដារូប នេះ កម្លាំង<br />សមត្ថកិច្ចមូលដ្ឋាននិងកម្លាំង សមត្ថកិច្ចជំនាញ បានចុះទៅធ្វើ កោសល្យ វិច័យ និងទាក់ទងទៅមន្ដ្រី<br />ស្ថានទូតកាណាដា ដើម្បីយកសពជនរងគ្រោះទៅតម្កល់ទុក រួច ហើយប្រគល់ជូនក្រុមគ្រួសារតាម<br />ក្រោយ។</p>
<p>ប្រភពព័ត៌មានពីសមត្ថកិច្ច ដែលចុះទៅ ជួយអន្ដរាគមន៍ នៅកន្លែងកើតហេតុបានឱ្យ ដឹងថា ជនរង<br />គ្រោះរូបនេះ ឈ្មោះ BROWN MARTIN អាយុ៦៤ឆ្នាំ ស្នាក់នៅបច្ចុប្បន្ន ក្នុងបន្ទប់នៃផ្ទះសំណាក់<br />ខាងលើនេះ ។</p>
<p>យ៉ាងណាក៏ដោយគេមិនទាន់ដឹងមូលហេតុពិតប្រាកដនៃការលោតសម្លាប់ខ្លួនឬធ្លាក់ពីលើផ្ទះសំណាក់<br />បណ្ដាលឱ្យស្លាប់នេះទេ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0228.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0229.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0230.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>