<div class="article-content">
<p><strong>ភ្នំពេញ ៖</strong> ក្រុមក្មេងស្ទាវចំនួន៤នាក់ ដោយសារតែភ័យស្លន់ស្លោ នៅពេលដែល ពួកគេកំពុងជិះ<br />ម៉ូតូចំនួនពីរគ្រឿង ហើយបាន ឃើញកម្លាំងនគរបាល កំពុងចុះល្បាតនៅ តាមដងផ្លូវនោះ បាន<br />នាំគ្នាជិះរត់ ប៉ុន្ដែសំណាង អាក្រក់ ដោយសារតែជិះលឿនពេក និងភ័យ ផងនោះ បានជិះទៅបុក<br />បង្កាន់ដៃ ស្ពានទី២ តាមបណ្ដោយផ្លូវជាតិលេខ៦អា សង្កាត់ ព្រែកលៀប ខណ្ឌឫស្សីកែវ បណ្ដា<br />ឱ្យពួកគេ ទាំង៤នាក់រងរបួសធ្ងន់ ខ្លះបាក់ដៃ ខ្លះបាក ់ជើង និងបែកក្បាល ។</p>
<p>យ៉ាងណាក៏ដោយ សមត្ថកិច្ចមិនទាន់បាន បញ្ជាក់ថា តើពួកគេទាំង៤នាក់ អាចជាប់ ពាក់ព័ន្ធនឹង<br />បទល្មើសអ្វីនោះឡើយ នៅពេល ដែលឃើញសមត្ថ កិច្ច ចុះល្បាត បាននាំគ្នាជិះ រត់ដោយសារតែ<br />នៅពេលនេះ ពួកគេទាំង៤ នាក់ កំពុងសម្រាកព្យាបាលនៅមន្ទីរពេទ្យ នៅឡើយ រង់ចាំការសាកសួរ<br />បន្ដ ទើបចាត់ វិធានការនៅពេលក្រោយ ។</p>
<p>យោងតាមប្រភពព័ត៌មានពីសមត្ថកិច្ច មូលដ្ឋានបានឱ្យដឹងថា មុនពេលកើតហេតុ ក្រុមក្មេងស្ទាវទាំង<br />៤នាក់ ជិះម៉ូតូចំនួន២ គ្រឿង មួយម៉ាកស្មាស់រីវ៉ូ ពណ៌ខ្មៅ និងមួយ គ្រឿងទៀតម៉ាក ហុងដាសេ១២៥<br /> ពណ៌ខ្មៅ ជិះប្រដេញគ្នាក្នុងល្បឿនយ៉ាងលឿន នៅ តាមបណ្ដោយផ្លូវជាតិលេខ៦អា កាលពី វេលា ម៉ោងប្រមាណ៨និង៣០នាទីយប់ថ្ងៃទី២៨ ខែឧសភា ឆ្នាំ២០១៣ ។ នៅពេលដែលឃើញ ពួកគេជិះ<br />ម៉ូតូក្នុងល្បឿន ហើយដេញគ្នាយ៉ាង ដូច្នេះនោះ កម្លាំងនគរបាលដែលចុះល្បាត នៅតាមដងផ្លូវ បាន<br />ជិះម៉ូតូដេញតាម ក្នុង គោលបំណងធ្វើការឆែកឆេរ ប៉ុន្ដែនៅពេល ឃើញសមត្ថកិច្ច ដេញតាមយ៉ាង<br />ដូច្នេះ ពួក គេទាំង៤នាក់ បានបន្ថែមល្បឿន ក៏ជ្រុលទៅ បុកបង្កាន់ដៃស្ពានទី២ បណ្ដាលឱ្យដួលខ្លះ <br />បាក់ដៃ ខ្លះបាក់ជើង និងបែក ក្បាលរងរបួសធ្ងន់ រីឯម៉ូតូរបស់ពួកគេទាំងពីរគ្រឿងបានរងការខូចខាត<br />យ៉ាងច្រើន ។</p>
<p>ប្រភពព័ត៌មានពីសមត្ថកិច្ចបានឱ្យដឹងថា ក្រោយពីពួកគេបានជួបគ្រោះថ្នាក់ចរាចរបុក បង្កាន់ដៃស្ពាន<br /> បណ្ដាលឱ្យរងរបួសធ្ងន់បែបនេះ សមត្ថកិច្ចបានបញ្ជូនពួកគេទៅកាន់មន្ទីរពេទ្យ និងយកម៉ូតូទៅរក្សា<br />ទុកជាបណ្ដោះ អាសន្ននៅអធិការដ្ឋាននគរបាលខណ្ឌឫស្សី កែវ ដើម្បីចាត់ការបន្ដទៀត ពោលរងចាំ<br />ការ សួរនាំនៅពេលក្រោយ បន្ទាប់ពីពួកគេជាសះស្បើយ ហើយបើសិនពេលសួរនាំនោះរក ឃើញថា<br /> ពួកគេទាំង៤នាក់អាចជាប់ពាក់ ព័ន្ធនិងប្រព្រឹត្ដល្មើសអ្វីមួយ នោះសមត្ថកិច្ច និងចាត់វិធានការទៅតាម<br />ផ្លូវច្បាប់ ៕</p>
<p style="text-align: center;"><a class="thickbox" title="" href="/FileManager/Commons/2013/5/29/hong-0507-29-05-2013--11-28-17.jpg"><img src="/FileManager/Articles/mce/2013/5/29/hong-0507-29-05-2013--11-28-17.jpg" alt="" /></a></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0508.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0509.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>