<p><span style="color: #000000;">ភ្នំពេញ ៖ យោងតាមក្រសួងសេដ្ឋកិច្ច និងហិរញ្ញវត្ថុ ធនាគារពិភពលោកនឹងយល់ព្រមលើការផ្ដល់ប្រាក់កម្ចីសម្បទានចំនួន ១ពាន់លានដុល្លារ ដល់កម្ពុជាដើម្បីអភិវឌ្ឍវិស័យនានាដែលចាំបាច់ ក្នុងរយៈពេលប្រាំឆ្នាំខាងមុខ។</span><br /><span style="color: #000000;"></span><br /><span style="color: #000000;">សេចក្តីប្រកាសនេះ ត្រូវបានធ្វើឡើងដោយគណៈប្រតិភូធនាគារពិភពលោក ក្នុងអំឡុងពេលកិច្ចប្រជុំមួយជាមួយ លោក វង្សី វិស្សុត រដ្ឋលេខាធិការប្រចាំកានៃក្រសួងសេដ្ឋកិច្ច និងហិរញ្ញវត្ថុ។</span><br /><span style="color: #000000;"></span><br /><span style="color: #000000;">យោងតាមទីភ្នាក់ងារសារព័ត៌មានកម្ពុជា បានរាយការណ៍ថា នៅចុងខែនេះ ក្រុមប្រឹក្សាភិបាលនៃធនាគារពិភពលោក នឹងអនុម័តថវិកាកម្ចីសម្បទានចំនួន ១ពាន់លានដុល្លារ ជាផ្នែកមួយនៃក្របខ័ណ្ឌភាពជាដៃគូជាមួយប្រទេសកម្ពុជា សម្រាប់ឆ្នាំ ២០១៩ ដល់ឆ្នាំ ២០២៣។</span></p>
<p><span style="color: #000000;">ធនាគារពិភពលោក បានសរសើរការអភិវឌ្ឍសង្គម និងសេដ្ឋកិច្ច របស់ប្រទេសកម្ពុជា ហើយបាននិយាយថា ខ្លួនបានត្រៀមខ្លួនរួចជាស្រេចដើម្បីបន្តគាំទ្រការអភិវឌ្ឍនេះ។</span></p>
<p><span style="color: #000000;"><a class="thickbox" title="" href="/FileManager/Commons/2019/5/21/1-21-05-2019--11-38-14.PNG"><img src="/FileManager/Articles/mce/2019/5/21/1-21-05-2019--11-38-14.PNG" alt="" /></a></span><br /><span style="color: #000000;">លោក វិស្សុត បានមានប្រសាសន៍ថា ប្រទេសកម្ពុជាកំពុងមានកំណើនសេដ្ឋកិច្ចខ្លាំង ប៉ុន្តែប្រទេសនេះជួបបញ្ហាប្រឈមខ្លាំង ចំពោះការអភិវឌ្ឍរបស់ខ្លួន។</span><br /><span style="color: #000000;"></span><br /><span style="color: #000000;">លោក វិស្សុត បានបន្ថែមថា ”កម្ពុជាកំពុងប្រឈមមុខនឹងបញ្ហារចនាសម្ព័ន្ធដូចជា មូលដ្ឋានសេដ្ឋកិច្ចតូចចង្អៀត កង្វះពលកម្មជំនាញ កង្វះហេដ្ឋារចនាសម្ព័ន្ធ និង ការអភិវឌ្ឍន៍ទីក្រុង ដែលទាមទារការវិនិយោគកម្រិតខ្ពស់”។</span><br /><span style="color: #000000;"></span><br /><span style="color: #000000;">យោងតាមក្រសួងសេដ្ឋកិច្ច និងហិរញ្ញវត្ថុ គិតត្រឹមឆ្នាំ ២០១៨ ប្រទេសកម្ពុជាបានខ្ចីប្រាក់ចំនួន ១,១៤១ ពាន់លានដុល្លារពីធនាគារពិភពលោក ៕</span></p>
<p><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/21/khmertime-21-05-2019--10-36-02.png" alt="" /></a></p>
<p style="text-align: right;"><span style="color: #000000;">ប្រភព ៖ khmertimes</span></p>