<p><span style="color: #000000;"><strong>(មណ្ឌលគិរី)៖</strong> ដំរីព្រៃ១ក្បាល បានជាប់អន្ទាក់របស់ព្រាន នៅតំបន់ព្រៃការពារធម្មជាតិ ចន្លោះស្រុកអូររាំង និងស្រុកកែវសីមា ខេត្តមណ្ឌលគិរី ហើយបច្ចុប្បន្នកំពុង រងរបួសធ្ងន់ធ្ងរបន្ទាប់ពី ប្រជាពលរដ្ឋដើរអាស្រ័យ ផលពីព្រៃឈើប្រទះឃើញ។</span></p>
<p><span style="color: #000000;">ហេតុការណ៍នេះត្រូវបានពលរដ្ឋប្រទះឃើញនៅក្នុងព្រៃ កាលពីថ្ងៃទី២៣ ខែកក្កដា ឆ្នាំ២០១៦កន្លងទៅនេះ។ រហូតមកដល់ពេលនេះ (ព្រឹកថ្ងៃទី២៥ ខែកក្កដានេះ) មន្រ្តីជំនាញទាំងអស់ នៅខេត្តមណ្ឌលគិរី ហាក់បីដូចជា ធ្វើការសង្រ្គោះយឺតយ៉ាវទំនងខ្វះឧបករណ៍ ហើយបើក្នុងករណីនៃការជួយសង្រ្គោះ មានការយឺតយ៉ាវដំរីព្រៃ១ក្បាល ដែលកំពុងប្រឈមបញ្ហានេះ អាចមានគ្រោះថ្នាក់ដល់អាយុជីវិត ជាមិនខាន ដោយសារពេលនេះពុំទាន់បាននាំយកចេញ ពីក្នុងព្រៃនៅឡើយទេ។</span></p>
<p><span style="color: #000000;">ម៉្យាងវិញទៀតកម្លាំងរបស់វាបាន នឹងកំពុងចុះខ្សោយដោយសារ អត់ទឹក អត់អាហារ និងរងរបួសនៅចំកន្លែង ជាប់អន្ទាក់ផងដែរ។ </span><br /><span style="color: #000000;">មហាជនទូទាំងខេត្តមណ្ឌលគិរី បានសុំឲ្យក្រុមអាជ្ញាធរព្រមទាំង មន្រ្តីជំនាញក៏ដូចជា ជំនាញពាក់ព័ន្ធទាំងអស់ ជួយរួមគ្នារិះរកគ្រប់ មធ្យោបាយដើម្បីជួយសង្រ្គោះ ដល់សត្វកម្រនេះទាំងអស់គ្នា។ ជាពិសេសប្រជាពលរដ្ឋនៅខេត្តមណ្ឌលគិរី បានអំពាវនាវដល់ក្រសួង បរិស្ថានឲ្យជួយចាត់ចែងមន្រ្តីជំនាញធ្វើយ៉ាងណា ជួយធ្វើការសង្រ្គោះជីវិតសត្វព្រៃមួយក្បាលនេះ អោយមានប្រសិទ្ធភាពផង៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-07-25-08-58-22-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-25-08-58-22-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>