<p style="text-align: justify;">ព័ត៌មានអន្តរជាតិ ៖ យោងតាម ការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស ដឹមីរ័រ ដែលទើបតែ បានចេញផ្សាយ កាលពីថ្ងៃទី ១៤ កន្លងទៅនេះ បានគូសបញ្ជាក់អោយដឹងថា ទីភ្នាក់ងារ សារព័ត៌មាន ទូរទស្សន៍រដ្ឋ ប្រទេស អ៊ីរ៉ង់ អះអាងថា ប្រទេសខ្លួន បានបញ្ជូនសត្វស្វា ក្បាលទីពីរ ហើយ ចូលទៅក្នុងលំហអាកាស ខណៈពេល ដែលសត្វស្វាក្បាលទី ១ ត្រលប់មកភពផែនដីវិញ ប្រកបទៅ ដោយសុវត្ថិភាព ។</p>
<p style="text-align: justify;"><a class="thickbox" title="" href="http://camnews.com.kh/FileManager/Commons/2013/12/16/fargam-01-16-12-2013--09-32-16.jpg"><img src="http://camnews.com.kh/FileManager/Articles/mce/2013/12/16/fargam-01-16-12-2013--09-32-16.jpg" alt="" width="497" height="274" /></a></p>
<p style="text-align: justify;">គួរបញ្ជាក់ផងដែរថា សត្វស្វា ទីពីរនេះ មានឈ្មោះថា Fargam ។ បន្ថែមពីលើនេះ ប្រភព ដដែល អះអាង ថា យុទ្ធនាការ នៃការបញ្ជូនសត្វស្វា ទៅកាន់លំហ អាកាស កាលពីពេលកន្លងទៅ និងបច្ចុប្បន្ន របស់ ប្រទេសនេះ វាគឺជាបេសកម្ម ដ៏ពិសេស នៅក្នុងលំហអាកាស ដោយនៅក្នុងនោះ បានបញ្ជា សត្វស្វា មាន ការគាំពារ និងបញ្ជាជាពិសេស ពីសំណាក់ ក្រុមមនុស្ស ដែលជាអ្នកវិទ្យាសាស្រ្ត។</p>
<p style="text-align: justify;">PressTV ជាទីភ្នាក់ងារ ក៏ដូចជា ទូរទស្សន៍រដ្ឋ បានបន្ត អោយដឹងថា ភាពជោគជ័យ លើកទី ២ ត្រូវបាន ធ្វើឡើង កាលពីសប្តាហ៍កន្លងទៅនេះ បន្ទាប់ពី បញ្ចូន Fargam តាមរយៈគ្រាប់រ៉ុកកែត ចូលទៅក្នុងលំហ អាកាស និងត្រលប់ មកកាន់ ភពផែនដីវិញ ដោយសុវត្ថិភាព។</p>
<p style="text-align: justify;"><a class="thickbox" title="" href="http://camnews.com.kh/FileManager/Commons/2013/12/16/fargam-16-12-2013--09-32-30.jpg"><img src="http://camnews.com.kh/FileManager/Articles/mce/2013/12/16/fargam-16-12-2013--09-32-30.jpg" alt="" width="494" height="326" /></a></p>
<p style="text-align: justify;">គួរបញ្ជាក់ផងដែរថា កាលពីខែ មករា ដើមឆ្នាំ ២០១៣ ប្រទេស អ៊ីរ៉ង់ បានទទួលបាន នូវភាពជោគជ័យ រួចមកហើយ ស្តីពី បេសកម្មដូចគ្នានេះ ពោលគឺ បញ្ជូនសត្វស្វា ជាលើកទី ១ ឈ្មោះ Pishgam ចូលទៅ ក្នុងលំហ អាកាស ដោយប្រើរ៉ុកកែត និងបានបញ្ជូនវា ត្រលប់មកកាន់ ភពផែនដីវិញ បានដោយសុវត្ថិ ភាព៕</p>
<p style="text-align: justify;"><object width="506" height="434" data="http://www.youtube.com/v/CY2tlw5PS2M&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/CY2tlw5PS2M&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ដឹមីរ័រ<br /><br /></p>