<p><span style="color: #000000;"><strong>(កំពត)៖</strong> លោក ឯក ឆេងហួត ព្រះរាជអាជ្ញាអមសាលាដំបូងខេត្តកំពត បានប្រាប់ភ្នាក់ងារ Fresh News ប្រចាំខេត្តកំពតល្ងាច ថ្ងៃទី២០ ខែមិថុនា នេះថា មន្ត្រីយោធាយោធភូមិភាគទី៣ ពាក់ស័ក្តិ៤ ដែលរកសុីដឹកឈើបណ្តាលឲ្យបាក់ស្ពាននៅស្រុកឈូក ខេត្តកំពតនោះ ត្រូវបានតុលាការខេត្ត សម្រេចឃុំខ្លួនដាក់ពន្ធនាគារហើយនៅរសៀល ថ្ងៃនេះ។</span></p>
<p><span style="color: #000000;">លោកព្រះរាជអាជ្ញា បានបញ្ជាក់អះអាងថា <strong>«តុលាការនឹងចាត់ការទៅតាមនីតិវិធីច្បាប់ ទោះបីមានការអន្តរាគមន៍ និងការធានាឲ្យនៅក្រៅឃុំ</strong><strong>ឬឲ្យរួចខ្លួន ក៏ដោយចុះ»</strong>។</span></p>
<p><span style="color: #000000;"> សូមបញ្ជាក់ថា មន្ត្រីយោធាពាក់ស័ក្តិ៤ នៅអង្គភាពយោធភូមិភាគទី៣ ដែលឈរជើងនៅក្រុងច្បារមនក្នុងខេត្តកំពង់ស្ពឺ រកសុីដឹកឈើ ដោយដឹកតាមរថយន្តធន់ធ្ងន់ បណ្តាលឲ្យបាក់ស្ពានដែក ស្ថិតក្នុងភូមិជ័យសេនា ឃុំតាកែន ស្រុកឈូក ខេត្តកំពត។</span></p>
<p><span style="color: #000000;">មន្រ្តីយោធារូបនេះ ត្រូវបានត្រូវបានកម្លាំងកងរាជអាវុធហត្ថខេត្តកំពង់ស្ពឺ សហការជាមួយកម្លាំង(អ.ហ)ខេត្តកំពត ចាប់ឃាត់ខ្លួនបាន នៅខេត្តកំពង់ស្ពឺ កាលពីព្រឹក ថ្ងៃទី១៨ ខែមិថុនា ឆ្នាំ២០១៦។</span></p>
<p><span style="color: #000000;"> ជននេះមាន ឈ្មោះ ជឿន ថេន គឺជាម្ចាស់រថយន្តដឹកឈើពាក់ព័ន្ធខាងលើ រថយន្ត យីឌុប ម៉ាក(FUSO)ពាក់ស្លាកលេខ តាកែវ 3A-1187 ដឹកឈើបណ្តាលឲ្យបាក់ស្ពាន កាលពីយប់ ថ្ងៃទី១១ ខែមិថុនា ឆ្នាំ២០១៦៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/21/1-21-06-2016--09-40-24.png"><img src="/FileManager/Articles/mce/2016/6/21/1-21-06-2016--09-40-24.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-20-18-40-03-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-20-18-40-03-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>