<p><span style="color: #000000;"><strong>(ភ្នំពេញ)៖</strong> បុរសជនជាតិកូរ៉េម្នាក់ មិនស្គាល់អត្តសញ្ញាណ និងរថយន្ដម៉ាកKiA១គ្រឿង ត្រូវបានកម្លាំងនគរបាលប៉ុស្តិវត្តភ្នំ ខណ្ឌដូនពេញ បានចាប់ឃាត់ប្រគល់ឲ្យ កម្លាំងនគរបាលប៉ុស្ដិ៍ទួលសង្កែ ក្រោយរកឃើញថា រថយន្តដែលគាត់កំពុងបើកនេះ គ្មានពន្ធ ហើយពាក់ស្លាកលេខជាន់គ្នា ជាមួយរថយន្ត ធុនដ្រាមួយគ្រឿងទៀត មានស្លាកលេខ ភ្នំពេញ 2AA-2015 ។</span></p>
<p><span style="color: #000000;">ម្ចាស់រថយន្ត ធុនដ្រា បានបាត់ស្លាកលេខរបស់ខ្លួន កាលពីរអំឡុង៦ខែមុន ក្រោយពីគេលួចដោះយកទៅបាត់ ក្នុងភូមិសាស្ដ្រខណ្ឌឫស្សីកែវ ប៉ុន្តែនៅរសៀលថ្ងៃទី២៤ ខែធ្នូ ឆ្នាំ២០១៥ ជនរងគ្រោះក៏បានប្រទះឃើញស្លាកលេខ ដែលបានបាត់នោះ ត្រូវបានបំពាក់លើរថយន្ដ របស់ជនជាតិកូរ៉េ ទៅវិញ ទើបប្តឹងទៅសមត្ថកិច្ច ឲ្យមកជួយឃាត់ នៅចំណុច តាមដងផ្លូវព្រះមុនីវង្សទល់មុខធនាគារកាណាឌីយ៉ាសង្កាត់វត្តភ្នំខណ្ឌដូនពេញ។</span></p>
<p><span style="color: #000000;">មន្ត្រីនគរបាល ប៉ុស្ដិ៍ទួលសង្កែ បានបញ្ជាក់ថានៅរសៀលថ្ងៃទី២៤ ខែធ្នូ ឆ្នាំ២០១៥ បុរសរងគ្រោះបានបើរថយន្ដ របស់ខ្លួនម៉ាកTUNDRAតាមបណ្ដោយផ្លូវព្រះមុនីវង្ស រហូតមកដល់ទល់មុខធនាគារកាណាឌីយ៉ាបានប្រទះឃើញស្លាកលេខរថយន្ដ របស់ខ្លួន ដែលបានបាត់នោះពាក់លើរថយន្ដ ១គ្រឿងម៉ាក KiA ដែលជារថយន្ដរបស់ជនជាតិកូរ៉េម្នាក់ កំពុងបើកបរតាមដងផ្លូវ។</span></p>
<p><span style="color: #000000;">គួរបញ្ជាក់ផងដែរថា បុរសជនជាតិកូរ៉េ បានឆ្លើយសារភាពថារថយន្ដម៉ាក KiA ដែលខ្លួនបានបើកជិះនេះ ពុំមានពន្ធទេ ដោយបានទិញពីគេមកមានស្លាកលេខជាប់ មកជាមួយតែម្ដង។</span></p>
<p><span style="color: #000000;">សូមបញ្ជាក់ថា បច្ចុប្បន្នបុរសជាម្ចាស់រថយន្ដម៉ាក KiA ជាជនជាតិកូរ៉េម្នាក់ ដោយបានពាក់ព័ន្ធករណីពាក់ស្លាកលេខជាន់គ្នា និងបើកបររថយន្ដ គ្មានពន្ធត្រូវបាននគរបាលប៉ុស្ដិ៍ទួលសង្កែ ដោះលែងឲ្យទៅផ្ទះវិញដោយសមត្ថកិច្ចឃាត់ទុក តែរថយន្ដប៉ុណ្ណោះ ដើម្បីស្រាវជ្រាវរងចាំ ដោះស្រាយនៅពេលក្រោយ៕</span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xlp1/t31.0-8/10553833_1537372513243781_4741904189499249889_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpl1/t31.0-8/883929_1537372516577114_7756512378373316138_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xft1/t31.0-8/10298575_1537372519910447_2116252736351614336_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/t31.0-8/704626_1537372559910443_6922896620835613575_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/t31.0-8/10626236_1537372546577111_1394210297370040463_o.jpg" alt="" width="730" /></span></p>
<p style="text-align: center;"> </p>
<p style="text-align: center;"><object width="476" height="408" data="http://www.youtube.com/v/q8Ia6g1Yq0k&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/q8Ia6g1Yq0k&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>