<p><strong>ភ្នំពេញ៖</strong> តារាចម្រៀងប្រុសរូបស្រស់សង្ហា មានមន្តស្នេហ៍ សាច់សរម៉ដ្ឋរលោង ប្រៀបដូច<br />បណ្តូលចេក លោក អេឡិច ចិន្រ្ដា ថ្មីៗនេះត្រូវបាន ប្រភពពីអ្នកសិល្បៈដែលជិតដិតខ្លួនលោក<br />បានបង្ហើបប្រាប់ឲ្យដឹងថា ភាពហ៊ឺហាររបស់លោក គឺបានមកពីការឧបត្ថម្ភ ពីអ្នកស្ត្រីអ្នកមាន<br />ទ្រព្យម្នាក់ នៅពីក្រោយខ្នង។</p>
<p>ប្រភពដែលនៅមិត្តភក្តិ នៅក្នុងពិភពសិល្បៈសុំមិនបញ្ចេញឈ្មោះ បានទំលាយព័ត៌មានប្រាប់ <br />Looking TODAY ឲ្យដឹងថាភាពហ៊ឺហា ក្នុងការតុបតែងខ្លួន លេងម៉ូដរថយន្ត និងសម្ភារៈនិយម<br />ជាច្រើនរបស់ លោក អេឡិច គឺមិនមែនបានមកពីញើសឈាម ដែលលោករកបានពីការងារ<br />សិល្បៈនោះទេ តែផ្ទុយ ទៅវិញការចំណាយស្ទើរតែទាំងស្រុង របស់លោកគឺបានមកពីស្ត្រីម្នាក់ <br />ដែលមានទ្រព្យនិងមុខមាត់នៅក្នុងសង្គម ដែលស្ត្រីម្នាក់នោះសុខចិត្ត ធានាចិញ្ចឹមគ្រប់បែបយ៉ាង ដើម្បីជាថ្នូរទាក់យកបេះដូងបុរសរូបសង្ហា មួយនេះមកថ្នមថែ។</p>
<p>ពាក់ព័ន្ធនឹងព័ត៌មាននេះដែរ ត្រូវបានតារាសម្តែងសម្បូរស្នេហ៍ រាងខ្ពស់ស្រឡះមាឌមាំ លោកអេ<br />ឡិច ចិន្រ្ដា បានបា្រប់ Looking TODAY ឲ្យដឹងតាមទូរស័ព្ទថា សម្រាប់ជីវភាព ដែលលោកមាន<br />សព្វថ្ងៃ ដូចជា រថយន្តសម្ភារៈនិយម និងភាពហ៊ឺហានេះ បានមកពីការងារដែលចេញពី កំលាំង<br />របស់លោកពីសិល្បៈ និងមួយចំណែកទៀត គឺឪពុកម្តាយបង្កើតនិងឪពុកម្តាយធម៌ ជាក់ស្តែងដូច<br />ជាគេហដ្ឋានថ្មី ដែលទើបតែឡើងថ្មីៗនេះ ក៏មិនមែនជាកម្មសិទ្ធរបស់លោកទេ មិនត្រឹមតែប៉ុណ្ណោះ<br />លោកថែមទាំង ទទួលបានកាដូជាទីគាប់ចិត្ត ពីឪពុកម្តាយធម៌ថែមទៀតផង។</p>
<p>លោក អេឡិច ចិន្រ្ដា បានប្រាប់ឲ្យដឹងថា “ខ្ញុំមិនពេញចិត្តចំពោះព័ត៌មាន ដែលលេចឮបែបនេះ<br />នោះទេ ព្រោះវាមិនមែនជាការពិត ហើយបើតាមសមត្ថភាពរបស់ខ្ញុំ ពេលនេះគឺរវល់ជាមួយការ<br />ងារ ស្ទើរតែគ្មានពេលសម្រាកទៅហើយ ដូច្នេះខ្ញុំក៏អាចរកចំណូល សមល្មមចិញ្ចឹមខ្លួនឯង បាន<br />មិនចាំបាច់ទទួលយក ការជួយទំនុកបម្រុងពីខាងណាទេ ហើយប្រសិនបើខ្ញុំមានមែន ម្ល៉ោះខ្ញុំមិន<br />ចាំបាច់នឿយហត់ ជាមួយការងារស្ទើរតែគ្មានពេល សម្រាកបែបនេះទេ”។</p>
<p>តារាម៉ូដែលប្រចាំក្រុម Cambodia Super Model រូបនេះ បានប្រាប់ឲ្យដឹងទៀតថា បច្ចុប្បន្នលោក<br />កំពុង តែមានការមមាញឹកជាមួយការងារទាំងក្នុង និងក្រៅប្រទេស ស្ទើរតែគ្មានពេលដកដង្ហើម<br />ឲ្យស្រួលបួលផង ហើយលោកក៏មិនចង់ឲ្យកើតមានព័ត៌មាន ចុះផ្សាយមិនមានការពិតធ្វើឲ្យប៉ះ<br />ពាល់កិត្តិយសនិង កេរ្តិ៍ឈ្មោះរបស់លោកបន្តទៀតដែរ៕</p>
<p><a class="thickbox" title="" href="/FileManager/Commons/2013/2/6/kosal-0077-06-02-2013--08-50-01.jpg"><img src="/FileManager/Articles/mce/2013/2/6/kosal-0077-06-02-2013--08-50-01.jpg" alt="" /></a></p>
<p><a class="thickbox" title="" href="/FileManager/Commons/2013/2/6/kosal-0078-06-02-2013--08-50-47.jpg"><img src="/FileManager/Articles/mce/2013/2/6/kosal-0078-06-02-2013--08-50-47.jpg" alt="" width="498" height="664" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>