<p><strong>ភ្នំពេញ៖</strong> ការបង្ហាញខ្លួន របស់តារាចម្រៀង យូរី តាមរយៈការច្រៀង ឲ្យផលិតកម្មនៅក្នុងស្រុក<br /> បានធ្វើឲ្យមហាជនជាទូទៅ ដាក់ការចាប់ អារម្មណ៍យ៉ាងខ្លាំង ទៅលើរូបនាង រហូតដល់មានការ<br />គាំទ្រពី សំណាក់ទស្សនិកជនជាច្រើន ជាពិសេសស្រទាប់យុវវ័យ រហូតបានបង្កើតជាក្រុមគាំទ្រ<br /> តាមហែហមដល់ឆាកតន្រ្តី មិនចាញ់តារាចម្រៀង រៀមច្បងល្បីប៉ុន្មានឡើយ ។</p>
<p>ការបោះជំហានទៅមុខជាបណ្តើរៗ ជាមួយនឹង អាជីពជាអ្នកសិល្បៈ ទើបធ្វើឲ្យតារាចម្រៀងស្រី<br />សម្បុរស កញ្ញា យូរី កំពុងតែមាន ហាងឆេងសម្រាប់ ទីផ្សារក្នុងស្រុក។ គេនៅចាំបានថា ក្នុង<br />អំឡុងចុងឆ្នាំ២០១២ រហូតឈាន ចូលដល់ឆ្នាំ២០១៣ នេះ តារាចម្រៀងស្រី រូបនេះ បាននឹង<br />កំពុង បង្ហាញវត្តមានជាច្រើន តាមរយៈការ ឡើងច្រៀង នៅតាមបណ្តា ស្ថានីយទូរស្សន៍ ក៏<br />ដូចជាក្នុង កម្មវិធីផ្សេងៗ ទាំងនៅក្នុងទីក្រុងភ្នំពេញ និង តាមបណ្តាខេត្តនានា។</p>
<p>ភាពជោគជ័យ ក្នុងអាជីពជា អ្នកចម្រៀងរបស់នាង ត្រូវបានមហាជនគ្រប់មជ្ឈដ្ឋាន មើលឃើញ<br />ថា តារាចម្រៀង កញ្ញា យូរី កំពុងតែមាន ឱកាសយ៉ាងខ្លាំង ក្នុងការឆក់យកទីផ្សារសិល្បៈ ដែល<br />អាចរកចំណូល បានខ្ពស់ជាងគេ ក្នុងពេលឡើងច្រៀងម្តងៗ។ មានទស្សនៈជាច្រើន បាននាំគ្នា<br />លើកឡើងថា នាង យូរី គឺជាតារាចម្រៀងដែល កំពុងតែស្ថិតក្នុង លំដាប់ជួរមុខ ហើយក៏ជាតារា<br />ដែលមានទីផ្សារ និងទទួលបាន ការគាំទ្រខ្លាំងក្លាជាងគេ ពីសំណាក់យុវវ័យ ប្រុស-ស្រី។</p>
<p>ស្របពេលជាមួយនឹង ការក្ដោបឱកាសលើ ទីផ្សារចម្រៀងក្នុងស្រុក បានយ៉ាងពេញទំហឹងនេះ<br /> កញ្ញា យូរី ក៏កំពុងតែ ជួបជំពប់នូវរឿងរ៉ាវស្នេហា ដ៏ស្រួចស្រាល់ ជាមួយនឹង តារាចម្រៀងរួមទ្រនំ<br /> គឺ លោក អាន គុណកូឡា ដោយអ្នកទាំងពីរ ថែមទាំងបង្ហាញ រូបថតស្និទ្ធស្នាលគ្នា ប្រៀបបីដូច<br />ជា លលកញីឈ្មោលមួយគូ ប្រកបដោយការ យល់ចិត្តថ្លើមគ្នាខ្ពស់។</p>
<p>ចំណុចដ៏រសើប ក្នុងរឿងស្នេហា របស់អ្នកទាំងពីរ តែងតែមានភាគី ណាមួយចេញ មុខច្រាន<br />ចោល ថាជារឿងមិនពិត ព្រោះសម្អាងថា ជាមិត្តភក្តិរួមទ្រនំ មិនអាចបង្កាត់ភ្លើង ស្នេហ៍ជាមួយ<br />អ្នករស់ នៅក្នុងដំបូលតែមួយ ចេញចូលឃើញ មុខគ្នារាល់ថ្ងៃបានទេ ។ ម្យ៉ាងបើក្ដីស្នេហារវាង <br />យូរី និង អាន គុណកូឡា ត្រូវបានលាងត្រដាង ជាសាធារណៈមែននោះ គឺអាចជះឥទ្ធិពលយ៉ាង<br />ខ្លាំង ដល់ប្រជាប្រិយភាព របស់ពួកគេទាំងពីរ។ ម៉្លោះហើយទោះជា ចំណងស្នេហានោះ ត្រូវ<br />បានវេញ ត្របាញ់យល់ចិត្តគ្នា ក្នុងកម្រិតណាក៏ដោយ ក៏ពួកគេត្រូវតែបដិសេធ និងរុញទម្លាក់ <br />ទៅក្នុងស្ថានភាព ជាពាក្យចចាមអារ៉ាមនោះដែរ៕</p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0202.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0203.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0204.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0205.jpg" alt="" width="470" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តលសិទ្ធិដោយ ៖ ដើមអំពិល </p>