<p><span style="color: #000000;"><strong>ភ្នំពេញ ៖</strong> នៅថ្ងៃទី០៣ ខែវិច្ឆិកា ឆ្នាំ២០១៥ នៅសាលារាជធានីភ្នំពេញ មានកិច្ចប្រជុំលើកទី២ ស្តីពីការរៀបចំឯកសារ សំរាប់បំបែកសង្កាត់ធំៗ នៅរាជធានីភ្នំពេញ។ លោក អៀង អូនី អភិបាលរងភ្នំពេញ បានលើកឡើងថា ដោយសារបញ្ហាស្មុគស្មាញក្នុងការគ្រប់គ្រងភូមិសាស្ត្រ នៅសង្កាត់ធំៗមួយចំនួននោះ បានធ្វើឲ្យតំរូវការកើនឡើង នៃការផ្តល់សេវាសាធារណៈ ជូនទៅប្រជាពលរដ្ឋមានភាពអសកម្មផងដែរ។</span></p>
<p><span style="color: #000000;">សាលារាជធានីភ្នំពេញ ចាំបាច់មានយន្តការដោះស្រាយ នូវភាពអសកម្មនានា ក្នុងការសំរួលតុល្យភាព នៃការ គ្រប់គ្រង ព្រំប្រទល់រដ្ឋបាល និងស្នើសុំទៅក្រសួងមហាផ្ទៃបំបែកសង្កាត់ធំៗ នៅរាជធានីភ្នំពេញ។</span></p>
<p><span style="color: #000000;">ជាមួយគោលការណ៍ស្ថានភាពភូមិសាស្ត្រជាក់ស្តែង និងមានការឯកភាពរវាងខណ្ឌពាក់ព័ន្ធ សាលារាជធានីបាន ស្នើសុំបំបែក សង្កាត់ចំនួន៨សង្កាត់ របស់រដ្ឋបាលខណ្ឌ ចំនួន៥ខណ្ឌក្នុងនោះមាន៖</span></p>
<p><span style="color: #000000;">ទី១៖ ខណ្ឌមានជ័យមាន ២សង្កាត់ដែលត្រូវបំបែកគឺ៖ សង្កាត់ស្ទឹងមានជ័យមាន ១៦ភូមិ ស្នើសុំបំបែកជា ៣សង្កាត់, សង្កាត់បឹងទំពុនមាន ១៥ភូមិ ស្នើសុំបំបែកជា ៣សង្កាត់</span></p>
<p><span style="color: #000000;">ទី២៖ ខណ្ឌពោធិ៍សែនជ័យមាន ២សង្កាត់គឺ៖ សង្កាត់ចោមចៅមាន ២៧ភូមិ ស្នើសុំបំបែកជា ៣សង្កាត់, សង្កាត់កាកាប មាន ៩ភូមិ ស្នើសុំបំបែកជា ២សង្កាត់</span></p>
<p><span style="color: #000000;">ទី៣៖ ខណ្ឌឫស្សីកែវ មាន ១សង្កាត់គឺ៖ សង្កាត់ទួលសង្កែមាន ៣ភូមិ ស្នើសុំបំបែកជា ២សង្កាត់</span></p>
<p><span style="color: #000000;">ទី៤៖ ខណ្ឌសែនសុខ មាន ២សង្កាត់គឺ៖ សង្កាត់ទឹកថ្លាមាន ៩ភូមិ ស្នើសុំបំបែកជា ២សង្កាត់, សង្កាត់ភ្នំពេញថ្មីមាន ១០ភូមិ ស្នើសុំបំបែកជា ២សង្កាត់</span></p>
<p><span style="color: #000000;">ទី៥៖ ខណ្ឌចំការមន មាន ១សង្កាត់មានគឹ៖ សង្កាត់ទន្លេបាសាក់មាន ១៦ភូមិ ស្នើសុំបំបែកជា ២សង្កាត់</span></p>
<p><span style="color: #000000;">ជាសរុបមុនបំបែក ១២ខណ្ឌ មាន ៩៦សង្កាត់ និងមាន ៩០៩ភូមិ ក្រោយបំបែក ១២ខណ្ឌមាន ១០៧សង្កាត់, ភូមិមាន ១២៧ភូមិ សង្កាត់ថ្មីមាន ១១សង្កាត់ ព្រមទាំងកើនឡើងនូវភូមិថ្មី ចំនួន ១៨ភូមិ និងមានសង្កាត់មួយចំនួន បានកើនឡើងភូមិមួយចំនួនផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/3/11-3-2015-3-56-24-pm-03-11-2015--16-02-51.png"><span style="color: #000000;"><img src="/FileManager/Articles/mce/2015/11/3/11-3-2015-3-56-24-pm-03-11-2015--16-02-51.png" alt="" /></span></a></span></p>
<p style="text-align: right;">ផ្ដល់សិទ្ធដោយ៖ ដើមអម្ពិល</p>