<p><strong>ភ្នំពេញ៖</strong> តារាសម្តែងក្មេងខ្ចីល្ហក់ កញ្ញា ហ៊ុន ច័ន្ទរាជនី បានបង្ហើបប្រាប់ឲ្យដឹងថា បច្ចុប្បន្ននេះនាង<br />កំពុងត្រៀមខ្លួន ចូលថតក្នុងខ្សែភាពយន្តថ្មី គ្រងដំណែងជាតួឯក ក្នុងពេលឆាប់ៗខាងមុខ ខណៈ<br />ដែលការងារសិល្បៈរបស់នាង មួយរយៈនេះទទួលបានជោគជ័យច្រើន។</p>
<p>ផ្តល់សម្ភាសន៍ជាមួយភ្នាក់ងារគេហទំព័រ LookingTODAY តាមទូរស័ព្ទ ក្នុងពេលថ្មីៗនេះកញ្ញា ហ៊ុន<br /> ច័ន្ទរាជនី បានប្រាប់ឲ្យដឹងថា ឈានចូលមកដល់រដូវភ្លៀងនេះ ការងារសិល្បៈរបស់នាង ហាក់ដូច<br />ជាមិនសូវជារវល់ច្រើន ដូចពេលមុនៗទេ គឺធម្មតា ។ ប៉ុន្តែទន្ទឹមនឹងនេះ កញ្ញាក៏មានគម្រោងចូល<br />សម្តែង រឿងថ្មីមួយទៀត នាអំឡុងខែកក្កដា ខាងមុខនេះ ។</p>
<p>តារាសម្តែងស្រីវ័យក្មេង ដែលពោរពេញទៅដោយ មន្តស្នេហ៍ កញ្ញា ហ៊ុយ ច័ន្ទរាជនី បាននិយាយ<br />ទៀតថា ចំពោះវត្តមានក្នុងការ ចូលសម្តែងខ្សែរឿងនេះ ខាងអ្នកដឹកនាំតម្រូវឲ្យកញ្ញា គ្រងដំណែង<br />ជាតួឯក ហើយសម្តែងលក្ខណៈជាសិស្សសាលា ដោយបង្ហាញពីទិដ្ឋភាពក្នុងការអប់រំ ដល់យុវវ័យ<br />សម័យបច្ចុប្បន្ន។</p>
<p>តារាសម្តែង ហ៊ុយ ច័ន្ទរាជនី បានបញ្ជាក់ថា រឿងនេះជាប្រភេចសាច់រឿងដុំ មានលាយឡំ ទៅដោយ<br />ឈុតឆាកស្នេហា អប់រំ និងកំប្លែងជាដើម។ ក្នុងសាច់រឿងនេះ គឺមានបុរស៣ នាក់មកតាមស្រលាញ់<br />នាង ប៉ុន្តែក្នុងនោះ មានតែបុរសម្នាក់គត់ ដែលតម្រូវឲ្យនាង និង គេបានជូបគ្នា។</p>
<p>ថ្វីដ្បិតតែកញ្ញា ហ៊ុយ ច័ន្ទរាជនី បានបង្ហើប្រាប់ខ្លះៗ ពីការត្រៀមខ្លួន ចូលសម្តែងជាតួឯក ក្នុងខ្សែរឿង<br />ថ្មីនេះ ក៏ពិតមែន ប៉ុន្តែ រាជនី មិនបានបញ្ជាក់ប្រាប់ឲ្យ បានដឹងពីចំណងជើងរឿង និងផលិតកម្មដែល<br />នាងត្រូវសម្ដែងទេ គឺនាងនិយាយថា សុំលាក់សិន ។</p>
<p>កញ្ញា ហ៊ុន ច័ន្ទរាជនី ជាអតីត Freshie Girl លេខ១ ប្រចាំឆ្នាំ២០១១ មិនត្រឹមតែមានរូបឆោម ស្រស់<br />សោភានោះទេ រាជនីក៏ជាតារាសម្តែង ស្រីមួយរូប ដែលពូកែខាងការបញ្ចេញ ទឹកភ្នែកក្នុងការសម្តែង<br />សាច់រឿង ជាតួកំសត់ផងដែរ។ ក្រៅពីវត្តមាននៃការសម្តែងខ្សែរឿង កាយវិកាខារ៉ាអូខេ ស្ប៉តពាណិជ<br />កម្ម កញ្ញា ហ៊ុយ ច័ន្ទរាជនី ក៏ធ្លាប់ធ្វើជាពិធីការិនី នៅទូរទស្សន៍បាយ័ន ក្នុងកម្មវិធី "ដួងតារារយពាន់" <br />ទៀតផង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0323.jpg" alt="" width="500" /></p>
<p style="text-align: center;"><img title=" " src="http://image.lookingtoday.com:81/lookingtoday/looking-images/news/2013/June/id-030/Kosal-0324.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>