<p>នារីក្រមុំម្នាក់ ត្រូវបានគេជឿថា បានស្លាប់ នៅពេលកំពុងប្រើប្រាស់ iPhone ដែលខ្លួនកំពុងបញ្ចូល<br />ថាមពលថ្ម ក្នុងបន្ទប់ទឹក។ នេះគឺជាករណីស្លាប់មនុស្សទីពីរ ដោយសារតែទូរស័ព្ទ និងឆ្នាំងសាក <br />នៅរុស្ស៊ី។</p>
<p style="text-align: center;"><a class="thickbox" title="" href="/FileManager/Commons/2015/2/14/die-14-02-2015--15-58-50.jpg"><img src="/FileManager/Articles/mce/2015/2/14/die-14-02-2015--15-58-50.jpg" alt="" /></a></p>
<p>នាង Evgenia Sviridenko អាយុ ២៤ឆ្នាំ បានបាត់បង់ជីវិត ខណៈកំពុងអានព័ត៌មាននៅលើទូរស័ព្ទ<br /> iPhone របស់ខ្លួន ក្នុងបន្ទប់ទឹក។ មូលហេតុដំបូង ត្រូវបានគេជឿថា ដោយសារ iPhone នោះ <br />កំពុងតែបញ្ចូលថាម ហើយធ្លាក់ទៅក្នុងកូនអាងទឹកដែលនាងកំពុងងូត។ ចរន្ធអគ្គីសនីដែលមាន<br />កម្លាំងខ្លាំង បានឆក់នារីរូបនេះ រហូតដល់ដាច់ខ្យល់ស្លាប់។</p>
<p>ម្នាក់ក្នុងចំណោមមនុស្សដែលបានឃើញហេតុការណ៍ដំបូងគេ ឱ្យដឹងថា Evgenia Sviridenko អណ្ដែតលើផ្ទៃទឹកដោយមានទឹកមុខស្លេកស្លាំង និងស្ថិតក្នុងសភាពកន្ត្រាក់។ ចំណែកទូរស័ព្ទ <br />បានធ្លាក់ដល់បាតអាង។</p>
<p style="text-align: center;"><a class="thickbox" title="" href="/FileManager/Commons/2015/2/14/die1-14-02-2015--15-59-19.jpg"><img src="/FileManager/Articles/mce/2015/2/14/die1-14-02-2015--15-59-19.jpg" alt="" /></a></p>
<p>ការប្រើប្រាស់ទូរស័ព្ទ ដើម្បីអានព័ត៌មាន ឬលេង Facebook ជាដើម គឺជារឿងសាមញ្ញ សម្រាប់<br />យុវវ័យសម័យនេះ។ ពួកគេលេងទូរស័ព្ទ គ្រប់កន្លែង គ្រប់ពេលវេលា សូម្បីតែពេលកំពុងងូតទឹក។<br /> ហើយ Evgenia Sviridenko ក៏ត្រូវគេអះអាងថា រៀបនឹងត្រូវភ្លើងឆក់ គឺនាងកំពុងប្រើ iPhone <br />លេង Facebook ជាភាសារុស្ស៊ី (VKontakte)។</p>
<p>ក្រៅពីនេះ ក្រុមសមត្ថកិច្ច ក៏កំពុងស្រាវជ្រាវ ឱ្យដឹងថា តើហេតុអ្វីបានជាឆ្នាំងសាកថ្មទូរស័ព្ទដែល<br />មានកម្លាំងត្រឹមតែ ៥V បែរជាអាចសម្លាប់មនុស្សបានបែបនេះ។ គេក៏បានសង្ស័យថា នេះគឺជា<br />ឆ្នាំងសាកក្លែងក្លាយ ដែលមិនមែនជារបស់ Apple ពិតៗ។ ការស្លាប់របស់ Evgenia Sviridenko <br />កើតមានឡើង តែប៉ុន្មានថ្ងៃប៉ុណ្ណោះ បន្ទាប់ពីការស្លាប់របស់នារីវ័យ ១៦ឆ្នាំម្នាក់ ជនជាតិរុស្ស៊ីដូច<br />គ្នា បានបាត់បង់ជីវិត នៅពេលប្រើ iPhone ក្នុងពេលកំពុងងូតទឹកក្រោមផ្កាឈូក។</p>
<p style="text-align: center;"><a class="thickbox" title="" href="/FileManager/Commons/2015/2/14/die2-14-02-2015--15-59-51.jpg"><img src="/FileManager/Articles/mce/2015/2/14/die2-14-02-2015--15-59-51.jpg" alt="" /></a></p>
<p>គួររំលឹកថា ករណីស្លាប់ដោយសារការប្រើ iPhone កំពុងសាកថ្ម កើតមានកាន់តែច្រើនឡើងៗ។<br /> មុននេះ ក៏ធ្លាប់មានករណីស្រដៀងគ្នានេះជាច្រើន កើតមាននៅប្រទេសចិន រុស្ស៊ី ប្រទេសថៃ។ល។<br /> ករណីទាំងនេះ ភាគច្រើន ដោយសារឆ្នាំងសាកក្លែងក្លាយ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Dailymail<br /><br /></p>