<div class="article-content">
<p><strong>ភ្នំពេញ ៖</strong> ក្រុមក្មេងស្ទាវ មានស្រី មានប្រុស ប្រមាណជាង១០នាក់ ជិះម៉ូតូ៥ទៅ ៦ គ្រឿង<br /> បានព្រួតវាយទៅលើ យុវជនចំនួន ២នាក់ ជិះម៉ូតូមួយគ្រឿង ប្លន់យកដោយ សុវត្ថិភាព <br />ខណ:យុវជនរង គ្រោះចេញពីក្លឹបអារីណា កាលពីវេលាម៉ោង ១រំលងអាធ្រាត្រ ឈានចូល<br />ថ្ងៃទី០៦ខែកញ្ញា ឆ្នាំ២០១៣ ស្ថិតនៅតាមបណ្តោយផ្លូវព្រះមុនីវង្សនៅវិទ្យាល័យបឹងត្របែក<br /> សង្កាត់ផ្សារដើមថ្កូវ ខណ្ឌចំការមន ។ </p>
<p>សមត្ថកិច្ចបានឲ្យដឹងថាយុវជន២ នាក់ខាងលើនេះទី ១ ឈ្មោះ ម៉ម រតនា ភេទប្រុស អាយុ<br /> ២៥ ឆ្នាំ ស្នាក់នៅភូមិដើមស្លែង សង្កាត់ច្បារអំពៅទី២ ខណ្ឌមានជ័យ និង ទី ២ ឈ្មោះ រាជ<br /> ភេទប្រុស អាយុ ១៩ ឆ្នាំ ស្នាក់នៅភូមិជាមួយគ្នា ។ ម៉ូតូរបស់ពួកគេដែល ត្រូវក្រុមក្មេងស្ទាវ<br />ព្រួតវាយយកទៅបាត់ខាងលើនេះម៉ាក វីវ៉ា ពណ៌ខ្មៅ ពាក់ស្លាកលេខ ភ្នំពេញ 1AK-2774 ។ </p>
<p>ជនរងគ្រោះបាននិយាយ រៀបរាប់ប្រាប់សមត្ថកិច្ចថា មុនពេលកើតហេតុ ពួកគេបានជិះម៉ូតូ<br />មួយគ្រឿង ម៉ាកវីវ៉ា ចេញពីក្លឹបរាំកម្សាន្ត អារីណា ធ្វើដំណើរតាមបណ្តោយ ផ្លូវលេខ ៤៨៤<br /> ឡើងទៅផ្លូវព្រះមុនីវង្ស រហូតដល់ ចំណុចកើតហេតុ ស្រាប់តែមានក្រុមក្មេងស្ទាវប្រុសស្រី<br />ប្រមាណ១០ នាក់ ជិះម៉ូតូ ៥ទៅ ៦ គ្រឿង មកព័ទ្ធវាយទៅ លើពួកគេ បណ្តាលឲ្យរងរបួស<br />បែកមុខបែកមាត់ហើយក្រុមក្មេងស្ទាវខាងលើបានលើកម៉ូតូរបស់ជនរងគ្រោះជិះរត់គេចខ្លួន<br />បាត់ដោយ សុវត្ថិភាព។</p>
<p>ក្នុងករណីនេះ ធ្វើឲ្យមានការភ្ញាក់ផ្អើលដល់នគរបាលមូលដ្ឋានចុះមកអន្តរាគមន៍ភ្លាមៗ ផង<br />ដែរប៉ុន្តែក្រុមជនសង្ស័យរត់គេចខ្លួនបាត់អស់ទៅហើយ។ប៉ុន្តែសមត្ថកិច្ចខណ្ឌចំការមនបាន<br />ត្រឹមតែ ហៅជនរងគ្រោះ សួរនាំ និងដាក់ពាក្យបណ្តឹង នៅប៉ុស្តិ៍នគរបាលរដ្ឋបាលផ្សារដើម<br />ថ្កូវ ទុកជាឯកសារ សម្រាប់ធ្វើការស្រាវជ្រាវនាពេលក្រោយទៀត៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/September/id-011/Hong-0118.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0119.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>