<p><span style="color: #000000;">ព័ត៌មានអន្តរជាតិ ៖ ប្រធានាធិបតី សហរដ្ឋអាមេរិក លោក បារ៉ាក់ អូបាម៉ា បានចុះហត្ថលេខា ទទួលស្គាល់ ទៅលើសេចក្តីប្រកាស គ្រោះមហន្តរាយ នៅ ថ្ងៃអង្គារ ម្សិលមិញនេះ ដែលជាលទ្ធ ភាពមួយ ស្តែងអោយឃើញ ជំនួយសហព័ន្ធ គឺមានសុពលភាព ដល់ ប្រជាពលរដ្ឋ នាភាគខាង ជើងរដ្ឋ California ដែលទទួលរងនូវការគម្រាមគំហែងជាខ្លាំង ដោយសារ គ្រោះធម្មជាតិនៃភ្លើង ឆេះព្រៃ នេះបើយោងតាម សេតវិមាន សហរដ្ឋអាមេរិក នារដ្ឋធានី វ៉ាស៊ិនតោន ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/23/12-23-09-2015--09-50-36.jpg"><img src="/FileManager/Articles/mce/2015/9/23/12-23-09-2015--09-50-36.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ជំនួយសហព័ន្ធ នឹងមានការផ្តល់ជូន ដល់ ក្រុម ប្រជាពលរដ្ឋ ដែលកំពុងតែមាន បញ្ហាប្រឈមខ្លាំង បាត់បង់ផ្ទះសម្បែង ឬក៏ត្រូវជួសជុលផ្ទះ សម្បែងឡើងវិញ ក៏ដូចជា ការផ្តល់ ជូននូវកម្ចី សម្រាប់ការខាតបង់ទ្រព្យដែល គ្មាន ការធានារ៉ាប់រង ។ សេចក្តីរាយការណ៍ បញ្ជាក់ អោយដឹងថា ៖ សេចក្តីប្រកាសផ្លូវការ គ្រោះ មហន្តរាយខាងដើមនេះ អាចមានសុពលទៅបាន បន្ទាប់ពីមានសំណើ ពី អភិបាលរដ្ឋ California លោក Jerry Brown ។ បន្ថែមពីលើនេះ ប្រភព បន្តអោយដឹងថា ក្រុមការងារពន្លត់អគ្គីភ័យរាប់ពាន់នាក់បានចេញបទអន្តរាគមន៍គ្រោះអគ្គីភ័យ នៃភ្លើងឆេះព្រៃដ៏សាហាវ ចាប់ផ្តើមពីថ្ងៃទី ១២ កញ្ញា នៅ តំបន់ ផលិតស្រាក្រហម Napa ភាគ ខាងជើងរដ្ឋ California ដែលបានបំផ្លាញផ្ទៃដីព្រៃឈើដល់ទៅ ៣០៣៥១ ហិចតា ខណៈផ្ទះ ប្រ ជាពលរដ្ឋច្រើនជាង ១២០០ នាក់ រងនូវការខូចខាត ក្នុងនោះ បង្ខំ អោយប្រជាពលរដ្ឋ រាប់រយ ពាន់នាក់ ជម្លៀសខ្លួនចេញពីផ្ទះសម្បែង ៕</span></p>
<p><span style="color: #0000ff;"><a href="/News/Detail/17728/california-officials-have-called-the-valley-fire-the-most-destructive-wildfire-of-2015" target="_blank"><span style="color: #0000ff;">- អាន៖ ប្រកាសរដ្ឋ "មានអាសន្ន" ព្រោះភ្លើងឆេះ ព្រៃ ដ៏សាហាវបំផុត ៥៦០០០ ហិចតា (មានវីដេអូ រន្ធត់ បើកឡានគេចខ្លួន)</span></a></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ</span></p>