<p><span style="color: #000000;">តាមប្រភពព័ត៌មានដែលគេហទំព័ AnTuTu បានចែករំលែក Phablet ថ្មីរបស់ក្រុមហ៊ុនបច្ចេកវិទ្យាកូរ៉េ Galaxy A7 ម៉ូដែលឆ្នាំ២០១៦ នឹងបំពាក់នូវអេក្រង់ AMOLED ទំហំ 5,5 inch និងមានកំរិតភាពច្បាស់ Full HD។ ស្មាតហ្វូននេះប្រើ chip Exynos 7580 ដែលផលិតផ្ទាល់ដោយ Samsung ។ Exynos 7580 រួមមាន chip 8 core Cortex-A53 1,6 GHz រួមជាមួយនឹងក្រាហ្វិក GPU Mali-T720MP2 ដែលដូច ទៅនឹង Smartphone Galaxy J7 និង Galaxy S5 Neo ដែរ។</span></p>
<p><span style="color: #000000;"><a href="http://www.camnews.com.kh/News/Detail/20182/samsung-galaxy-j3-officially-launch-at-china"><span style="color: #0000ff;"><em>អានអត្ថបទ៖ ស្មាតហ្វូនប្រកួតប្រជែងទីផ្សារ សម្រាប់ម៉ូដែលថ្នាក់មធ្យមរបស់ Samsung, Galaxy J3 បង្ហាញខ្លួនជាផ្លូវការ</em></span></a><br /></span></p>
<p><a class="thickbox" title="" href="/FileManager/Commons/2015/11/22/galaxya7antutu442x700-22-11-2015--10-55-40.jpg"><img src="/FileManager/Articles/mce/2015/11/22/galaxya7antutu442x700-22-11-2015--10-55-40.jpg" alt="" /></a></p>
<p><span style="color: #000000;">លទ្ធផល benchmark នៅលើគេហទំព័រ AnTuTu បានឲ្យឃើញថា Hardware របស់ Galaxy A7 ម៉ូដែលថ្មី គឺផ្ទុយពីបណ្តាព័ត៌មានចចាមអារាមកាលពីពេលមុនៗ។ ប្រភពព័ត៌មានមួយចំនួន បាន បញ្ជាក់ថា Phablet នេះនឹងបំពាក់បន្ទះ chip Snapdragon 615 មកពី Qualcomm ឬ Exynos 5 Octa 5430 ដូចទៅនឹងម៉ូដែលមុនតែប៉ុណ្ណោះ។ ក្រៅពីនេះ ព័ត៌មានស្តីពី RAM 3 GB កាមេរ៉ាក្រោយទំហំ 13 megapixel និងកាមេរ៉ាមុខ 5 megapixel មិនមានការផ្លាស់ប្តូរនោះទេ។</span></p>
<p><span style="color: #000000;"><span style="color: #000000;"><a href="http://www.camnews.com.kh/News/Detail/36031/iphone-7-will-have-waterproof-technology-and-extra-ram"><span style="color: #0000ff;"><em>អានអត្ថបទ៖ iPhone 7 នឹងបំពាក់បច្ចេកវិទ្យាការពារជម្រាបទឹក និងបន្ថែមទំហំរ៉េម កាន់តែធំជាងមុន</em></span></a></span><br /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/11/22/a7new-22-11-2015--10-56-30.jpg"><img src="/FileManager/Articles/mce/2015/11/22/a7new-22-11-2015--10-56-30.jpg" alt="" /></a></span></p>
<p style="text-align: center;"><em>រូបភាពជាក់ស្តែង ត្រូវបានគេចាត់ថាជា Galaxy A7 ជំនាន់ថ្មី ដែលបានចចាមអារាមកាលពីមុន</em><span style="color: #000000;"><br /></span></p>
<p><span style="color: #000000;">ស្មាតហ្វូនមានបន្ទះ chip Exynos 7580 ត្រូវបាន AnTuTu ចែករំលែក ទទួលបាន 37563 ពិន្ទុ benchmark។ បើសិន Galaxy A7 ជំនាន់ថ្មីពិតជាបំពាក់នូវបន្ទះ chip នេះមែន នោះសមត្ថភាពរបស់វា នឹងខ្លាំងជាងម៉ូដែលជំនាន់មុន ដែលបានបំពាក់បន្ទះ chip Snapdragon 615 (32000 ពិន្ទុ)។ </span></p>
<p><span style="color: #000000;">Galaxy A7 ម៉ូដែលឆ្នាំ ២០១៦ ក៏ត្រូវបានឲ្យដឹងផងដែរថា នឹងប្រើប្រាស់សំបកធ្វើពីលោហធាតុ និង កញ្ចក់ដ៏រឹងមាំ ជំនួសឲ្យសារធាតុជ័រដែលធ្វើឲ្យ Samsung ទទួលរងនូវការរិះគន់ជាច្រើនកាលពី ពេលមុន៕</span></p>
<p><span style="color: #000000;"><span style="color: #000000;"><span style="color: #000000;"><a href="http://www.camnews.com.kh/News/Detail/32264/samsung-w2016-officially-launch-in-china"><span style="color: #0000ff;"><em>អានអត្ថបទ៖ ទីបំផុត Smartphone ប្រភេទបត់រូបរាងស្អាត ផ្នែកក្រោយស្រដៀង Galaxy S6 របស់ Samsung បង្ហាញជាផ្លូវការហើយ</em></span></a></span></span><br /></span></p>
<p> </p>
<p style="text-align: right;"><span style="color: #000000;">ប្រែសម្រួល៖ មង្គល</span><br /><span style="color: #000000;">ប្រភព៖ <em>AnTuTu, Zing</em></span></p>