<p><span style="color: #000000;">ព័ត៌មានអន្តរជាតិ ៖ FBI កំពុងឈានទៅដល់ បណ្តារោងកុនច្រើនជាង ២០០ ដែលមានគម្រោងក្នុងការ ចាក់បញ្ចាំងខ្សែភាពយន្តថ្មី The Interview នៅអំឡុងថ្ងៃព្រហស្បត្តិ៍នេះ ខណៈចេញ សេចក្តីប្រកាសព្រ មាននូវហានិភ័យមួយចំនួន ដោយអាចនឹងរងការវាយប្រហារ ។ </span></p>
<p><a class="thickbox" title="" href="/FileManager/Commons/2014/12/25/the-inerview-25-12-2014--15-53-17.jpg"><img src="/FileManager/Articles/mce/2014/12/25/the-inerview-25-12-2014--15-53-17.jpg" alt="" /></a></p>
<p><span style="color: #000000;">ទំព័រសារព័ត៌មានបរទេស ស៊ីអិនអិន អោយដឹងថា យប់ថ្ងៃអង្ការកន្លងទៅនេះ កងកម្លាំងFBIបានបញ្ចូន បញ្ជីឈ្មោះបណ្តារោងកុនទាំងនោះ ទៅស្នាក់ការ ការិយាល័យ គ្រប់គ្រងប្រព័ន្ធអ៊ិនធើណេត FBI ។ គួរ រំឭកថា FBI នឹងធ្វើការហៅទូរស័ព្ទដោយផ្ទាល់ ឬក៏ចុះទៅដល់ផ្ទាល់ ទីតាំង រោងកុន ច្រើនជាង ២០០ កន្លែង ដើម្បីផ្តល់ជាដំណឹងដល់ពួកគេ ប្រសិនណាបើមានការគម្រាមវាយប្រហារ ភារវកម្ម ណាមួយ ដ៏ សក្តានុពលនោះ កើតឡើងដោយសារ បំលាស់ប្តូរនូវការសម្រេចចិត្ត ក្នុងការចាក់បញ្ជាំងខ្សែភាពយន្តថ្មី ខាងលើ ។ </span></p>
<p><span style="color: #000000;">មន្រ្តីពាក់ព័ន្ធ គូសបញ្ជាក់អោយដឹងថា អ្វីដែលជាការព្រួយបារម្ភទៅលើបណ្តារោងកុនទាំង នោះគឺ ការ វាយប្រហារលុកលុយចូលទៅក្នុងប្រព័ន្ធ កុំព្យូទ័រ ខណៈពេលដែលកងកម្លាំង ជំនាញខាង បច្ចេកវិទ្យា FBI នឹងសហការ រួមដៃជាមួយនឹងកម្លាំង ប្រឆាំងទៅនឹងសកម្មភាព វាយប្រហារ ភារវកម្ម Joint Terr - orism Task Force នឹងប្រឈមមុខចំពោះ ចលករគម្រាមដ៏មានសក្តានុពលមួយនេះ ។ </span></p>
<p><span style="color: #000000;">ជាការពិត ក្រុមហ៊ុន Sony បានបន្តរក្សាទំនាក់ទំនងជិតស្និទ្ធបំផុត ជាមួយនឹង FBIពាក់ព័ន្ធនឹងគម្រោង ផែនការចេញផ្សាយ ភាពយន្តថ្មីមួយនេះ ។ ពិតណាស់ ពួកគេ(FBI)ពិតជាផ្សាភ្ជាប់ជាមួយនឹងក្រុមហ៊ុន Sony រួចជាស្រេច ខណៈសម្រេចបាននូវភ្លើងខៀវ ក្នុងការចាក់បញ្ជាំងភាពយន្តថ្មីមួយនេះ ។ </span></p>
<p><span style="color: #000000;">គួរបញ្ជាក់ថា បំលាស់ប្តូរការសម្រេចចិត្តលើកនេះ អាចធ្វើទៅបាន ក្រោយពីមានការរិះគន់ ពីសំណាក់ បេក្ខភាពប្រធានាធិបតី សហរដ្ឋអាមេរិក លោក បារ៉ាក់ អូបាម៉ា ថាជាកំហុសឆ្គង របស់ ក្រុមហ៊ុន Sony ក្នុងការសម្រេចចិត្ត មិនចាក់បញ្ជាំង នៅថ្ងៃទី ២៥ ក្រោយមានការវាយប្រហារ ភារវកម្ម ទៅលើបណ្តា រោងកុនណាដែលទទួលចាក់ផ្សាយ ភាពយន្តថ្មីមួយនេះ ពីសំណាក់ក្រុម Hacker ខណៈមានការស្តី បន្ទោស អោយកូរ៉េខាងជើង ថាជាអ្នកនៅពីក្រោយការវាយប្រហារ តាមប្រព័ន្ធកុំព្យូទ័រលើកនេះ ។ </span></p>
<p><span style="color: #000000;">របាយការណ៍ បញ្ជាក់ថា The Inteview គឺជាភាពយន្តថ្មី បែបកំប្លែង សរបញ្ជាក់ពីផែនការប្រឌិតក្នងការ ធ្វើឃាត មេដឹកនាំ កូរ៉េខាងជើង លោក Kim Jong Un ៕</span></p>
<p><span style="color: #0000ff;"><em><a href="/News/Detail/48217/sony-releases-the-interview-online" target="_blank"><span style="color: #0000ff;">- អាន ៖ ជាផ្លូវការហើយ Sony ចេញផ្សាយ ភាពយន្តថ្មី The Interview តាមប្រព័ន្ធអនឡាញ</span></a></em></span></p>
<p><span style="color: #0000ff;"><em><a href="/News/Detail/68231/the-interview-obama-hails-move-to-screen-north-korea-film" target="_blank"><span style="color: #0000ff;">- អាន ៖ អូបាម៉ា សាទរ ក្រុមហ៊ុន Sony ចាក់បញ្ចាំងរឿង The Interview ដោយមិនខ្វល់ ការគម្រាមគំហែង</span></a></em></span></p>
<p><em><span style="color: #0000ff;"><a href="/News/Detail/80723/the-interview-sony-north-korea-film-to-be-screened-in-us" target="_blank"><span style="color: #0000ff;">- អាន ៖ អាមេរិក ផ្គើន ការគម្រាមគំហែង វាយប្រហារ ភារវកម្ម ដោយបន្ត ចាក់បញ្ជាំង ភាពយន្ត The Interview ដដែល</span></a></span></em></p>
<p><span style="color: #0000ff;"><em><a href="/News/Detail/21068/president-obama-go-to-the-movies-the-interviews" target="_blank"><span style="color: #0000ff;">- អាន ៖ ប្រធានាធិបតី អូបាម៉ា ៖ «The Interview» គួរដាក់បញ្ចាំង ដោយកុំខ្លាចការគំរាមកំហែង (មានវីដេអូ)</span></a></em></span></p>
<p><span style="color: #0000ff;"><em><a href="/News/Detail/84701/sony-cancels-the-interview-release-amid-threats" target="_blank"><span style="color: #0000ff;">- អាន ៖ Sony សម្រេចចិត្ត មិនបញ្ជាំងរឿង The Interview ខណៈ Hacker គម្រាមវាយប្រហារ ភារវកម្ម ទៅលើរោងភាពយន្តទំនើប</span></a></em></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>