<p><strong>ភ្នំពេញ៖</strong> តារាសម្តែង និងជាពិធីការិនី ថ្ពាល់ខួច កូនកាត់បីសាសន៍នាង ប៊ីរីយ៉ា ក្រោយពីដាក់ ខ្លួនចូលប្រឡូកសិល្បៈ អស់មួយ រយៈពេលមក ត្រូវបាន ទស្សនិកជន មើលឃើញថា នាងចាប់ផ្តើមឡើង យឺអ៊ុនមានហាងឆេងទីផ្សារសិល្បៈខ្ពស់ មិនចាញ់តារាស្រីឯទៀតនោះទេ។ ខណៈដែលថ្មីៗនេះ នាងកំពុងតែ ក្ដាប់បានឱកាស សម្រាប់តំណែង ជាតួឯក ក្នុងខែ្សភាពយន្តថ្មី។</p>
<p>ជួបសំណេះសំណាល ជាមួយគេហទំព័រ LookingTODAY តាមទូរស័ព្ទថ្មីៗកន្លងមកនេះ តារា សម្តែង និងជាពិធីការិនី កញ្ញា ប៊ីរីយ៉ា បាននិយាយប្រាប់ឲ្យដឹងថា សម្រាប់អាជីពសិល្បៈផ្ទាល់ខ្លួន សព្វថ្ងៃនេះ គឺនាងមាន ការមមាញឹកខ្លាំង ទាំងការសម្តែង ថតស្ប៉តពាណិជកម្ម និងការធ្វើជាពិធីការិនីជាដើម។</p>
<p>តារាសម្តែង ប៊ីរីយ៉ា បាននិយាយបន្តថា បច្ចុប្បន្ននេះ នាងកំពុងតែជាប់ដៃ ក្នុងការថតខ្សែភាពយន្ត ឲ្យកម្មវិធី "ឡូយ៩" ដែលនៅក្នុងសាច់រឿងនេះ អ្នកដឹកនាំ ការសម្តែងតម្រូវឲ្យ នាងធ្វើជាតួឯក ។ ចំពោះសាច់រឿងនេះ ត្រូវបាន ប៊ីរីយ៉ា បញ្ជាក់ថា ជាប្រភេទរឿង ដែលមានការអប់រំ ទៅដល់យុវវ័យ អំពីការសិក្សា ហើយក៏មានផ្សារ ភ្ជាប់ទៅ និងការងារ។ ប៉ុន្តែនាងមិនបាន ប្រាប់ឲ្យដឹងពី ចំណងជើង នៃរឿងនោះ ឲ្យបានដឹងនៅឡើយ។</p>
<p>កញ្ញា ប៊ីរីយ៉ា បានបន្តថា នេះជាលើទី៥ របស់នាងហើយ ដែលបានគ្រងតំណែង ជាតួឯក ចាប់ តាំងពីនាងចូលខ្លួន សម្តែងពីមុនៗមក។ ចំពោះខ្សែភាពយន្ត ដែល ប៊ីរីយ៉ា កំពុងក្តាប់បាន តំណែងតួឯកនេះ ជាប្រភេទរឿងភាគ។ រឿងនេះប្រើ រយៈពេលថត ប្រហែលជិត២ខែទើបចប់។ ក្រោយពីថតចប់ហើយ នឹងមានចាក់បញ្ចាំង នៅ ប៉ុស្តិ៍ទូរសទ្សន៍ CTN, MY TV និង CNC ។</p>
<p>ជាមួយគ្នានេះ តារាសម្តែង ប៊ីរីយ៉ា ក៏បាននិយាយឲ្យដឹងដែរថា សម្រាប់ការសម្តែង នៅក្នុងរឿងនីមួយៗ គឺតែងតែជួបនូវការលំបាកខ្លះ ប៉ុន្តែបើទោះបី ជាមានការលំបាក និងនឿយហត់បន្តិចក្ដី ក៏នាងនៅតែមាន អារម្មណ៍សប្បាយចិត្ត និងមិនរាថយឡើយ។</p>
<p>តារាសម្តែង និងជាពិធីការិនី មានអាយុទើបតែ២៣ឆ្នាំ កញ្ញា ប៊ីរីយ៉ា បានហក់បណ្តែតខ្លួន ចូលក្នុង ការងារសិល្បៈ កាលពីអំឡុង ឆ្នាំ២០១០។ ដោយសារមានសមត្ថភាព និងរូបសម្រស់ស្រស់ស្អាត នាងក៏ក្លាយ ជាតារាសម្តែងស្រី ដែលមានឱកាសច្រើន ក្នុងការគ្រងតំណែង ជាតួឯក ក៏ដូចជាពិធីការនី នៅតាមស្ថានីយទូរទស្សន៍ ព្រមទាំងការថតស្ប៉ត ពាណិជ្ជកម្ម ឲ្យបណ្តាក្រុមហ៊ុន តូចធំមួយចំនួន នៅក្នុងស្រុក៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0718.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0494.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0495.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0496.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-099/v_2778.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-099/v_2779.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-099/v_2780.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0411.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0412.jpg" alt="Looking Today" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25130--qq.html"><span style="color: #0000ff;">ដើមអំពិល</span></a></p>