<p><span style="color: #000000;"><strong>(ស្ទឹងត្រែង)៖</strong> ម៉ូតូម៉ាក MSX ពណ៌សលាយខ្មៅ គ្មានស្លាកលេខមួយគ្រឿង បានបើកទៅបុកគូទគោយន្តដឹកឈើមួយ បណ្ដាលឲ្យម្ចាស់ម៉ូតូ ខ្ទាតចេញពីម៉ូតូបោកក្បាល នឹងថ្នល់បេតុងស្លាប់ភ្លាមៗ ដោយឡែកអ្នកបើកគោយន្ត ដោយសារតែភ័យខ្លាំងពេក បានរត់គេចខ្លួនបាត់ឈឹងតែម្តង។</span></p>
<p><span style="color: #000000;">ករណីគ្រោះថ្នាក់ចរាចរណ៍ខាងលើ បានកើតឡើងព្រឹកថ្ងៃទី០៦ ខែមេសា ឆ្នា២០១៦ នៅត្រង់ចំណុចផ្លូវជាតិលេខ៧A គីឡូម៉ែត្រលេខ១៣ ភូមិរាជនុកូល សង្កាត់ស្ទឹងត្រែង ក្រុងស្ទឹងត្រែង។</span></p>
<p><span style="color: #000000;">ជនរងគ្រោះដែលជាម្ចាស់ម៉ូតូខាងលើ មានឈ្មោះ អ៊ុយ ប៊ុនទី អាយុ២១ឆ្នាំ មានទីលំនៅ ភូមិរាជនុកូល បានជិះម៉ូតូទិសដៅពីជើងទៅត្បូង បណ្ដាលឲ្យជ្រុលទៅបុកគូទគោយន្ត ដឹកឈើមួយកំពុងបើកនៅលើផ្លូវ។ ភ្លាមៗនោះម្ចាស់គោយន្ត បានរត់បាតជើងសព្រាតបាត់ស្រមោ សូន្យឈឹងតែដោយសារតែភ័យពេក។ រីឯសាកសពត្រូវបានសាច់ញាតិ យកទៅធ្វើបុណ្យតាមប្រពៃណីជាតិ៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-15-33-59-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-15-33-59-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-15-33-59-3.jpg" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>