<p><span style="color: #000000;">ព័ត៌មានអន្តរជាតិ ៖ អាជ្ញាធរ ប្រទេសថៃ ប្រកាស បង្កើនប្រាក់រង្វាន់ ត្រីគុណ ដល់ជនណាមួយដែល ផ្តល់ព័ត៌មានលម្អិតឈានទៅចាប់ឃាត់ខ្លួនជនសង្ស័យអទិភាព ពីការ វាយប្រហារ បំផ្ទុះគ្រាប់បែក កណ្តាលក្រុងបាងកក នាទីសក្ការៈបូជា Erawan ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/22/10-22-08-2015--08-53-56.jpg"><img src="/FileManager/Articles/mce/2015/8/22/10-22-08-2015--08-53-56.jpg" alt="" /></a><br /></span></p>
<p><span style="color: #000000;">មន្រ្តីពាក់ព័ន្ធរបស់ប្រទេសថៃ កំពុងតែតាមប្រមាញ់ជនសង្ស័យអទិភាព ជាបុរសម្នាក់ដែលត្រូវបាន គេមើលឃើញថា ទម្លាក់កាបូបស្ពាយចោល នៅកន្លែងកើតហេតុ នាយប់ ថ្ងៃច័ន្ទ ដោយបានសម្លាប់ មនុស្សហោចណាស់ ២០ នាក់ ។ នាយករដ្ឋមន្រ្តីចាំផ្ទះ លោក ប្រាយុទ្ធ ចាន់អូចា អោយដឹងថា ប្រតិ បត្តិការស៊ើបអង្កេត កំពុងតែធ្វើឡើងយ៉ាងសស្រាក់សស្រាំ ។ពិធីរំលឹកវិញ្ញាណក្ខ័ន្ធជនរងគ្រោះស្លាប់ ត្រូវបានគេធ្វើឡើង នៅកន្លែងកើតហេតុ អំឡុងថ្ងៃសុក្រ ម្សិល មិញនេះ ។ មានភស្តុតាងតិចតួចតែ ប៉ុណ្ណោះដែលប្រមូលបានពីការវាយប្រហារ លើកនេះ ខណៈ លោក Prayuth បានហៅការវាយប្រ ហារលើកនេះ ថាជាការវាយប្រហារ អត្តឃាត គ្រោះថ្នាក់ បំផុត ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/22/11-22-08-2015--08-54-06.jpg"><img src="/FileManager/Articles/mce/2015/8/22/11-22-08-2015--08-54-06.jpg" alt="" /></a><br /></span></p>
<p><span style="color: #000000;">មន្រ្តីប៉ូលីស របស់ប្រទេសថៃ បានចេញផ្សាយនូវរូបគំនូរព្រាង មុខ ជន សង្ស័យ ក៏ដូចជា ឃ្លីបវីដេអូ ខណៈក្រុមការងារ មានជំនឿជាក់អោយដឹងថា ជនសង្ស័យគឺជាជនបរទេស និង ធ្វើការងារជាក្រុម ពាក់ព័ន្ធនឹងការបំផ្ទុះ លើកនេះ ។ គួររំឮកថា អំឡុងថ្ងៃព្រហស្បត្តិ៍កន្លងទៅនេះ អាជ្ញាធរ ប្រទេសថៃ ប្រកាសផ្តល់ប្រាក់រង្វាន់ ១លានបាត ដល់បុគ្គលណាមួយ ដែល ផ្តល់ នូវព័ត៌មានលម្អិត ឈានទៅ ចាប់ឃាត់ខ្លួន ជនសង្ស័យរូបនេះ តែបច្ចុប្បន្នភាព ថៃ ប្រកាស បង្កើនប្រាក់រង្វាន់ ត្រីគុណ ពោល ពី ១លានបាត ទៅជា ៣លានបាត ស្មើនឹង ៨៤,០០០$៕</span></p>
<p><span style="color: #000000;"><span style="color: #0000ff;"><a href="/News/Detail/29142/bangkok-bomb-foreign-role-in-attack-unlikely-says-government" target="_blank"><span style="color: #0000ff;">- អាន ៖ ថៃ ប្រកាស អោយលុយសុទ្ធ ១លានបាត (២៨,០០០$) បើសិនចាប់ឃាត់ខ្លួនបាន ជនសង្ស័យ បំផ្ទុះគ្រាប់បែក នៅ Bangkok</span></a></span><br /></span></p>
<p><span style="color: #000000;"><a class="thickbox" title="" href="/FileManager/Commons/2015/8/22/12-22-08-2015--08-54-18.jpg"><img src="/FileManager/Articles/mce/2015/8/22/12-22-08-2015--08-54-18.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី និង CNA</span></p>