<div>
<p><span style="color: #000000;"><strong>(ភ្នំពេញ)៖</strong> អ្នកនាង ពេជ្រ សោភា តារាចម្រៀងដែលទើបតែមានដំណឹងច្បាស់ថា មិនបានដើចេញពីហង្សមាស មកទល់នឹងថ្ងៃទី០៥ខែកុម្ភៈ ឆ្នាំ២០១៦នេះ ត្រូវបានអ្នកគាំទ្រដឹងថា បានរៀបអាពាហ៍ពិពាហ៍មួយឆ្នាំគត់មកហើយ ជាមួយស្វាមីឈ្មោះ ឡៅ ឆាលី ជានាយទាហានខ្មែរ ធ្វើការនៅទឹកដីសម្បូរដុល្លារ នៃសហរដ្ឋអាមេរិក។ គេនៅចាំបានថា ក្នុងថ្ងៃមង្គលការ ពេជ្រ សោភា មានវត្តមានតារាសិល្បៈល្បីល្បាញ រះព្រោងព្រាត សុទ្ធតែតារាធំៗប្រចាំប្រទេសចូលរួម ដែលជាកិត្តិយសដ៏ធំធេង សម្រាប់នាង ព្រោះរៀបចំកម្មវិធី ក៏អធឹកអធ័ម មិនធម្មតាដែរ ។</span></p>
<p><span style="color: #000000;">ក្រោយពី ពេជ្រ សោភា រៀបការរួច នាងធ្លាប់បានផ្ដល់បទសម្ភាសន៍ ឲ្យសារព័ត៌មានក្នុងស្រុកនានាថា នាងនឹងទៅតាមស្វាមីក្នុងពេលណាមួយ ដែលមិនយូរទេ បន្ទាប់ពីចេញអាល់ប៊ុម កាហ្វេ១៥០០ អាចជាអាល់ប៊ុមចម្រៀងទោលចុងក្រោយ ក្នុងអាជីពសិល្បៈចម្រៀង របស់តារាស្រីសម្បូររឿងរូបនេះ។ ប៉ុន្តែប្រភពមួយបាននិយាយថា ពេជ្រ សោភា មិនអាចទាន់ចេញទៅណាបានទេ ព្រោះនាងកំពុងជាប់កិច្ចសន្យា ជាមួយកម្មវិធីប្រឡងចម្រៀងលំដាប់ថ្នាក់ពិភពលោក «The voice Cambodia» ដូចនេះនាងត្រូវបំពេញការងារនេះ ឲ្យបានចប់រួចរាល់សិន។</span></p>
<p><span style="color: #000000;">កំឡុងពេលដែល ពេជ្រ សោភា មិនទាន់បានចេញទៅរស់នៅជាមួយស្វាមី ក៏ដុតដៃដុតជើង រៀបចំអាល់ប៊ុមថ្មីមួយទៀត មានតែនាងនិងតារារ៉េបដ៏ល្បីល្បាញលោក ដេវីត ក្នុងអាល់ប៊ុម ម្ចាស់ក្សត្រីឬ «Queen» ដែលបទចម្រៀងក្នុងអាល់ប៊ុមនេះ សម្បូរបទចម្រៀងប្លែកៗ នឹងត្រូវចិត្តមិត្តយុវវ័យខ្លាំងណាស់ ជាពិសេសបទចម្រៀង «តាក់ទីងណឹងណឹង..!» និងបទ «ទឹកភ្នែកក្មេងរើសសំរាម» ដែលជាស្នាដៃនិពន្ធ រវាងនាង និងលោកដេវិត ដែលសុទ្ធសឹងជាមនុស្សមានសមត្ថភាព។</span></p>
<p><span style="color: #000000;">រឿងរ៉ាវដ៏ក្ដៅគគុកមួយ បានផ្ទុះឡើងខណៈដែល ពេជ្រ សោភា គ្រោងចាកចេញពីហង្សមាស ក្រោយពីកម្មវិធី ប្រឡងចម្រៀងបានបញ្ចប់ ប៉ុន្តែក្រោយមក ហង្សមាស បានចរចាត្រូវរ៉ូវគ្នាវិញ ក៏បន្តកិច្ចសន្យានៅក្នុងផលិតកម្មនេះដដែល ។ ប៉ុន្តែអ្វីដែលគេមិនដែលឃើញនាង និយាយសោះ គឺរឿងប្ដី ព្រោះនាងហាក់ឃ្លាតឆ្ងាយពីស្វាមី ផ្ទុយពីតារាសិល្បៈដទៃ ដែលតារាខ្លះរៀបការរួច បានពីរ ឬបីខែ ក៏ចេញទៅបាត់តាមប្ដី។ ចំណែក ពេជ្រ សោភា ធ្លាប់បាននិយាយថា នាងមានលិខិតឆ្លងដែនហើយ តែបែរជាស្ងាត់ឈឺង គ្មានដំណឹងអ្វីសោះ។</span></p>
<p><span style="color: #000000;">តារាចម្រៀងស្រីដ៏ល្បីល្បាញ ពេជ្រ សោភា មិនអាចសុំការបំភ្លឺបានទេ ថានាងគ្រោងចាកចេញនៅពេលណា ប៉ុន្តែមើលទៅដំណឹងចាកចេញ ទៅរស់នៅជាមួយស្វាមី ដើម្បីឆាបបានកូននោះ ហាក់កាន់តែស្ងប់ស្ងាត់ ខណៈប្រជាប្រិយភាព ចេះតែកើនឡើងបែបនេះ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xat1/v/t1.0-9/12651086_1554381038209595_646088068791438500_n.jpg?oh=0198080bf38bddeab22977d8c7fa8b2f&oe=573EA511" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12644711_1554381081542924_8151551830338319275_n.jpg?oh=fe871d61efce1be956f2355c22676453&oe=573F7EAC" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12688166_1554381068209592_4483456606216138247_n.jpg?oh=f46d6f9d953f32b497aad95a3c655b59&oe=57299B0B" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12644872_1554381078209591_7077442915801003930_n.jpg?oh=0ca8cd94a1284ae1646cf9abe2ed5cad&oe=5731310F" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/12654321_1554381118209587_3161073591963828463_n.jpg?oh=674aefb4231ebbb1af6cae9a6d0c6ee5&oe=57336602" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xta1/v/t1.0-9/12645042_1554381138209585_8919507603863186257_n.jpg?oh=eadc373c3054f0b1edee26c2ea925bfe&oe=573B9524" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xla1/v/t1.0-9/12650938_1554381031542929_4006428119064924709_n.jpg?oh=7df037d229d57d440bac4402e6e8d3bf&oe=5740CC0E" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12644741_1554381034876262_6840235815236920676_n.jpg?oh=a5945dd316f31732aedb9a7d5834e6e0&oe=5726FD3C" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p style="text-align: center;"> </p>
</div>