<p><span style="font-size: 12px; color: #000000;">(វ៉ាស៊ីនតោន)៖ លោកស្រី ហ៊ីលឡារី គ្លីនតុន និង លោក ដូណាល់ ត្រាំ ចាប់ផ្តើមជជែកដេញដោលគ្នាជុំទីបី ជាលើកចុងក្រោយនៅល្ងាចថ្ងៃពុធនេះ (ម៉ោងនៅក្នុងសហរដ្ឋអាមេរិក) ខណៈសល់តែជាង២០ថ្ងៃទៀតការបោះឆ្នោត ជ្រើសរើសប្រធានាធិបតីអាមេរិកនឹងឈានចូលមកដល់។ នេះបើយោងតាមការចុះផ្សាយរបស់ស្ថានីយ៍ ទូរទស្សន៍ CNN នៅថ្ងៃពុធ ទី១៩ ខែតុលា ឆ្នាំ២០១៦។</span></p>
<p><span style="font-size: 12px; color: #000000;"><br /><a class="thickbox" title="" href="/FileManager/Commons/2016/10/20/17f-20-10-2016--14-02-59.jpg"><img src="/FileManager/Articles/mce/2016/10/20/17f-20-10-2016--14-02-59.jpg" alt="" /></a><br /></span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2016/10/20/17e-20-10-2016--14-01-35.jpg"><img src="/FileManager/Articles/mce/2016/10/20/17e-20-10-2016--14-01-35.jpg" alt="" /></a><br /></span></p>
<p><span style="color: #000000;">យោងតាមការស្ទង់កាលពីពេលថ្មីៗនេះ លោកស្រីគ្លីនតុន បានទទួលសម្លេងគាំទ្រ ៤៧% ទល់នឹង ៣៨% របស់លោកត្រាំ ដែលកំពុងរងការរិះគន់យ៉ាងខ្លំាងជុំវិញការ ប្រើពាក្យសម្ដីប្រមាជទៅលើស្រ្តី រហូតដល់មានថ្នាក់ ដឹកនំានៃគណបក្សសាធារណៈរដ្ឋមួយចំនួន ចេញមុខប្រឆាំង និងទាមទារឱ្យលោកដកខ្លួនពីការប្រកួតប្រជែង។</span></p>
<p><span style="color: #000000;">ប៉ុន្តែទោះជាយ៉ាងនេះក្ដី គេមិនអាចកំណត់លទ្ធផលទុកជាមុនបានឡើយ ព្រោះថានៅខាងបេក្ខជនប្រធានាធិបតី មកពីគណបក្សប្រជាធិបតេយ្យ លោកស្រី គ្លីនតុន ក៏កំពុងជាប់ពាក់ព័ន្ធនឹងរឿងអាស្រូវ Email ផងដែរដែល ត្រូវបានចុះផ្សាយដោយគេហទំព័រ Wikileaks ជាបន្តបន្ទាប់ ហើយនេះអាចជាឱកាសមួយ សម្រាប់លោកត្រាំ ទាញយកមេរៀនពីវេទិកាតស៊ូមតិជុំទី១ ពោលគឺបេក្ខជនប្រធានាធិបតីរូបនេះ ត្រូវបានគេរំពឹងថា នឹងលើកយក រឿងអាស្រូវ Email ការវាយប្រហារស្ថានទូតអាមេរិកប្រចំាទីក្រុង Benghazi ប្រទេសលីប៊ី កាលពីឆ្នាំ ២០១២ ព្រមទំាងសង្រ្គាមនៅស៊ីរី និង អ៊ីរ៉ាក់ មកវាយប្រហារលើលោកស្រីគ្លីនតុនសារជាថ្មី។</span></p>
<p><span style="color: #000000;">សូមជំរាបថា វេទិកាតស៊ូមតិលើកចុងក្រោយ រវាងបេក្ខជនប្រធានាធិបតីទំាងពីរ ធ្វើឡើងនៅល្ងាចថ្ងៃពុធនេះ (ម៉ោងនៅក្នុងសហរដ្ឋអាមេរិក) នៅឯសាកលវិទ្យាល័យ Nevada ក្នុងទីក្រុង Las Vegas មុននឹងការ បោះឆ្នោតនៅថ្ងៃទី៨ ខែវិច្ឆិកាក្រោយនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/20/17-20-10-2016--14-00-59.jpg"><img src="/FileManager/Articles/mce/2016/10/20/17-20-10-2016--14-00-59.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/10/20/17a-20-10-2016--14-01-08.jpg"><img src="/FileManager/Articles/mce/2016/10/20/17a-20-10-2016--14-01-08.jpg" alt="" /></a></p>
<p><br /><a class="thickbox" title="" href="/FileManager/Commons/2016/10/20/17b-20-10-2016--14-01-16.jpg"><img src="/FileManager/Articles/mce/2016/10/20/17b-20-10-2016--14-01-16.jpg" alt="" /></a></p>
<p style="text-align: right;"><span style="color: #000000;">ប្រភព ៖ ស៊ីអិនអេ/ស៊ីអិនអិន</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>