<p><span style="color: #000000;"><strong>(ញូវយ៉ក)៖</strong> សហព័ន្ធកីឡាបាល់ទាត់អាមេរិក បានសម្រេចចែកផ្លូវជាមួយគ្រូបង្វឹកជនជាតិអាល្លឺម៉ង់ សញ្ជាតិអាមេរិក លោក Jurgen Klinsmann ជាផ្លូវការហើយម្សិលមិញនេះ បន្ទាប់ដឹកនាំប្រកួតផ្លូវការចាញ់២ប្រកួតជាប់គ្នា ក្នុងវគ្គជម្រុះ World Cup 2018 នាពេលថ្មីៗនេះ។</span></p>
<p><span style="color: #000000;">តាមរយៈសារព័ត៌មាន BBC របស់អង់គ្លេសបានចេញផ្សាយថា បុរសវ័យ៥២ឆ្នាំ Klinsmann ជាគ្រូបង្វឹកទី៣៥ ដែលបានចូលដឹកនាំក្រុមជម្រើសជាតិអាមេរិក ស្ថិតក្នុងតំបន់អាមេរិកខាងជើង (CONCACAF) តាំងពីឆ្នាំ២០១១ មានរយៈពេលត្រឹមតែ៥ឆ្នាំប៉ុណ្ណោះ បន្ទាប់ពីលាលែងពីដឹកនាំក្រុមជម្រើសជាតិអាល្លឺម៉ង់បានត្រឹមជាប់លេខ៣ ក្នុងទឹកដីកាលពីយុទ្ធនាការ World Cup 2006។</span></p>
<p><span style="color: #000000;">មូលហេតុចំណងដែលធ្វើឲ្យអតីតកីឡាករខ្សែប្រយុទ្ធក្លឹប Tottenham Hotspur ខាងលើបាត់បង់តំណែងនោះ គឺដោយសារដឹកនាំក្រុមជម្រើសជាតិអាមេរិកចាញ់២ប្រកួតជាប់គ្នាក្នុងវគ្គជម្រុះ World Cup 2018 នៅប្រទេសរុស្ស៊ី ប្រចាំតំបន់អាមេរិកខាងជើង (CONCACAF) ក្រោមថ្វីជើងរបស់ក្រុមភ្ញៀវមិចស៊ិច ២-១ មុនទៅចាញ់ម្ចាស់ផ្ទះកូស្តារីកា ៤-០ ដាច់ គ្មានពិន្ទុរាប់ ឈរនៅបាតតារាងបណ្តោះអាសន្ន។</span></p>
<p><span style="color: #000000;">សហព័ន្ធបាល់ទាត់អាមេរិក កំពុងសំលឹងមើលគ្រូបង្វឹកចាស់លោក Bruce Arena ដែលកំពុងដឹកនាំជោគជ័យក្នុងក្លឹបអាជីព LA Galaxy បន្តដឹកនាំបន្ត គ្រាដែលគ្រូបង្វឹកជនជាតិអាមេរិកដូចគ្នា Arena ធ្លាប់ដឹកនាំឈុតធំមួយនេះបាន ៨ឆ្នាំដែរកាលពីអំឡុងឆ្នាំ១៩៩៨ ដល់ឆ្នាំ២០០៦៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/14F13/production/_92597758_jk2.jpg" alt="" width="730" /></span></p>
<p><span style="color: #000000;">គ្រូបង្វឹក Jurgen Klinsmann</span></p>
<p><span style="color: #000000;"><img src="http://www.shawsportsturf.com/wp-content/uploads/2015/02/Arena.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>