<p><span style="color: #000000;"><strong>(សុខភាព)៖</strong> មូលហេតុដែលអាចធ្វើឲ្យ កើតជំងឺឫសដូងបាត (Hemorrhoids) អាចដោយសារបញ្ហាបន្ទោរបង់ខុសប្រក្រតី ការហាត់ប្រាណ ទទួលទានអាហារ ដែលមានកាកសរសៃតិច មានការបន្ថែមសម្ពាធក្នងពោះ រយៈពេលយូរ ការពពោះ និងតំណពូជ។ ក្នុងអំឡុងពេលពពោះ សម្ពាពអំប្រ៊ីយ៉ុង ក្នុងពោះនិងការប្រែប្រួលរបស់អ័រម៉ូន មានផលធ្វើឲ្យសរសៃឈាមឫសដូងបាត មានទំហំធំ ប៉ុន្តែអាការៈទាំងនេះ នឹងបាត់ក្រោយពេលសម្រាល។</span></p>
<p><span style="color: #000000;"><strong>វីធីការពារ៖</strong></span><br /><span style="color: #000000;">វិធីដែលល្អបំផុត ក្នុងការការពារជំងឺនេះ គឺកុំធ្វើឲ្យលាមករឹង បន្ទោរបង់ភ្លាមពេលមានអារម្មណ៍ថា ឈឺពោះ ហើយហាត់ប្រាណ និងបន្ថែមអាហារដែលមានកាកសរសៃ។</span></p>
<p><span style="color: #000000;"><strong>ការវិនិច្ឆ័យ៖</strong></span><br /><span style="color: #000000;">១. មានឈាមស្រក់ចេញមក ហើយការបន្ទោបង់ម្តងៗ មិនច្រើនពេកទេ និងមានអាការឈឺឬក្រហាយ។</span><br /><span style="color: #000000;">២. មានដុំសាច់លៀនចេញមកពីខាងក្នុង ពេលបន្ទោបង់។</span><br /><span style="color: #000000;">៣.មានដុំសាច់ ហើយឈឺនៅជុំវិញទ្វារធំ ក្នុងរយៈពេល ២៤ម៉ោង និងឈឺខ្លាំងនៅរយៈពេល ៥ទៅ៧ម៉ោងដំបូង។</span></p>
<p><span style="color: #000000;"><strong>ការពិនិត្យរាងកាយ៖</strong></span><br /><span style="color: #000000;">១.ពិនិត្យមើលជុំវិញទ្វារធំ ភាគច្រើនអាចនឹងធម្មតា ឬអាចឃើញឫសដូង។</span><br /><span style="color: #000000;">២.ការពិនិត្យទ្វារធំ ដោយម្រាមដៃ ដើម្បីជួយបែងចែកជំងឺផ្សេងៗ ដែលមានអាការស្រដៀងឫសដូង ជាពិសេសសាច់ដុំ ឬដំប៉ៅនៅបរិវេណទ្វាធំ ដូចជាមហារីកទ្វារធំ ក្រពេញប្រូស្តាតធំ ជាដើម។</span><br /><span style="color: #000000;">៣.ការពិនិត្យដោយ Anoscope ។</span><br /><span style="color: #000000;">៤. ការពិនិត្យដោយ Sigmoidoscope ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/28/18a-28-02-2017--14-18-32.jpg"><img src="/FileManager/Articles/mce/2017/2/28/18a-28-02-2017--14-18-32.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>