<div class="content">
<div>កាលពីប៉ុន្មានថ្ងៃកន្លងទៅថ្មីៗនេះ សហគមន៍បណ្តាញទំនាក់ទំនងសង្គម Reddit បានជួបប្រទះនូវ រឿងមួយ ដែលចង់យំបន្តិចចង់សើចបន្តិច របស់បុរសដ៏រ៉ូមែនទិចម្នាក់ ដែលសុំមិត្តស្រីរៀបការ ដោយ វិធីយកចិញ្ចៀនពាក់ជាប់នឹងប្រដាប់ភេទរបស់ខ្លួន។ ប៉ុន្តែបុរសម្នាក់នេះ មិនបាននឹកឃើញថា ភាព រ៉ូមែនទិចរបស់ខ្លួន បានធ្វើឲ្យគាត់ធ្លាក់ចូល ក្នុងស្ថានភាពមួយ ទុក្ខលំបាក។</div>
<div></div>
<div>គួរបញ្ជាក់ផងដែរថា ការជាប់ចិញ្ចៀនដោះមិនចេញ ដ៏គួរឲ្យអស់សំណើចនេះ បានកើតឡើងនៅថ្ងៃទី ២០ ខែមេសា កន្លងទៅនេះ នៅឯទីក្រុង Araguaína រដ្ឋ Tocantins ប្រទេស Brazil។ បន្ទាប់ពីរូបភាព និងព័ត៌មានរបស់បុរសម្នាក់ខាងលើនេះ ត្រូវបានចែករំលែកពេញបណ្តាញសង្គម វាក៏ទទួលបាន ការចាប់អារម្មណ៍យ៉ាងខ្លាំង ពីមនុស្សជាច្រើននាក់។</div>
<div><br />
<div style="text-align: center;"><span style="font-style: italic;"><a class="thickbox" title="" href="/FileManager/Commons/2014/5/2/1404282danong-45a11-02-05-2014--18-51-42.jpg"><img src="/FileManager/Articles/mce/2014/5/2/1404282danong-45a11-02-05-2014--18-51-42.jpg" alt="" /></a><br /></span></div>
<div style="text-align: center;"><span style="font-style: italic;"><span style="color: #808080;">បុគ្គលិកជួយសង្គ្រោះ ត្រូវប្រើដង្កាប់ ដើម្បីកាត់ចិញ្ចៀនដែលជាប់នោះចេញ</span> <br /></span></div>
</div>
<div></div>
<div>បើតាមពាក្យសំដីអ្នកធ្វើការនៅសណ្ឋាគារ កន្លែងដែលបុរសខាងលើជួលបន្ទប់ គឺគាត់ចង់ធ្វើឲ្យមិត្ត ស្រីរបស់គាត់មានការភ្ញាក់ផ្អើល តាមរយះការសុំរៀបការដ៏រ៉ូមែនទិចមួយ ទើបធ្វើឲ្យគាត់នឹកឃើញ វិធីយកចិញ្ចៀនពាក់ទៅលើ តំបន់ពិសេសរបស់ខ្លួន (ប្រដាប់ភេទ) ដូច្នេះ។ ប៉ុន្តែប្រហែលជាថ្ងៃស៊យ របស់គាត់ មិនដឹងជាមូលហេតុអ្វីនោះទេ ចិញ្ចៀនដែលគាត់ពាក់ចូលប្រដាប់ភេទនោះ បានជាប់ ស្មេញ មិនអាចដោះចេញវិញបានឡើយ។</div>
<div></div>
<div>ទីបំផុត បណ្តាក្រុមអ្នកជួយសង្គ្រោះ ចាំបាច់ត្រូវប្រើប្រភេទដង្កាប់កាត់លោហធាតុ ដើម្បីជួយសង្គ្រោះ យកចិញ្ចៀនចេញ ដល់បុរសរ៉ូមែនទិច នឹកឃើញវិធីប្លែកៗនេះ។</div>
<div></div>
<div>អ្នកលេងអ៊ីនធឺណេតស្ទើរតែទាំងអស់ ដែលបានដឹងព័ត៌មាននេះ សុទ្ធតែបញ្ចេញមតិឲ្យដឹងថា រ៉ូមែន ទិច គឺជារសជាតិ ដែលមិនអាចខ្វះបាន សម្រាប់សេចក្តីស្នេហា។ ប៉ុន្តែរ៉ូមែនទិចតាមវិធី ដ៏ចម្លែក និងខ្វះការយល់ដឹងដូចបុរសខាងលើនេះ គឺរឿងមួយដែលមិនគួរឲ្យកើតមានឡើងនោះទេ៕</div>
</div>
<div></div>
<div style="text-align: right;">ប្រែសម្រួល៖ សិលា<br />ប្រភព៖ kenh14</div>