<p><span style="color: #000000;"><strong>ភ្នំពេញ ៖</strong> គណបក្សសង្រ្គោះជាតិ (CNRP) នៅម៉ោងប្រមាណជា១០និង៣០នាទីព្រឹកថ្ងៃទី១០ ខែសីហា ឆ្នាំ២០១៥នេះ បានរៀបចំពិធីប្រគល់ ផែនទី ទៅឲ្យរាជបណ្ឌិតសភា ដើម្បីធ្វើការផ្ទៀតផ្ទាត់ ជាមួយ ផែនទី ដែលរាជរដ្ឋាភិបាល ប្រើប្រាស់ដើម្បីបោះបង្គោលព្រំដែន ជាមួយវៀតណាម។</span></p>
<p><span style="color: #000000;">ការប្រគល់ផែនទីបានធ្វើឡើងបន្ទាប់ពី លោក សុខ ទូច ដែលជាប្រធាន ក្រុមស្រាវជ្រាវ នៃរាជបណ្ឌិត សភា បានស្នើឲ្យគណបក្សសង្រ្គោះជាតិប្រគល់ផែនទីកាលពីថ្ងៃទី២២ ខែកក្កដា ហើយការយកមកនេះ ដើម្បីជាព័ត៌មានប៉ុណ្ណោះ មិនអាចធ្វើជាគោលបានទេ។</span></p>
<p><span style="color: #000000;">ពិធីនេះដឹកនាំដោយ លោក ហុង សុខហួរ មន្រ្តីនៃខុទ្ទកាល័យរបស់លោក សម រង្ស៊ី ខណៈលោក សម រង្ស៊ីមិនមានវត្តមាននៅក្នុងប្រទេស គ្រាដែលលោកជាអ្នកយកផែនទីនេះ ដោយផ្ទាល់ដៃខ្លួនឯង ពីបារាំង។</span></p>
<p><span style="color: #000000;">ផែនទីនេះ ជាផែនទីឌីជីថល មិនមែនជាផែនទីក្រដាសនោះទេ ទាល់តែដាក់ក្នុងកុំព្យូទ័រ ទើបបានមើលឃើញ។</span></p>
<p><span style="color: #000000;">សូមបញ្ជាក់ថា កាលពីអំឡុងខែមិថុនា ឆ្នាំ២០១៥ លោក សម រង្ស៊ី យកផែនទីពីប្រទេសបារាំង ចំនួន ២៦ផ្ទាំងដើម្បីយកមកជាជំនួយដល់រាជរដ្ឋាភិបាលក្នុងការបោះបង្គោលព្រំដែនជាប្រទេសក្បែរខាងគឺវៀតណាម។</span></p>
<p><span style="color: #000000;">បើតាមការបញ្ជាក់ របស់លោក សុខ ទូច បណ្ឌិតសភា បានទទួលឯកសារផែនទី ពីខាងរាជរដ្ឋាភិបាល កម្ពុជា, ទទួលឯកសារពីលោក ស៊ាន ប៉េងសែ អតីតប្រធានគណៈកម្មាធិការរៀបចំកិច្ចការព្រំដែនកម្ពុជា និងឯកសារជាច្រើនទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/10/60-10-08-2015--11-41-29.jpg"><img src="/FileManager/Articles/mce/2015/8/10/60-10-08-2015--11-41-29.jpg" alt="" /></a></span></p>
<p><a class="thickbox" title="" href="/FileManager/Commons/2015/8/10/60-10-08-2015--11-41-38.jpg"><img src="/FileManager/Articles/mce/2015/8/10/60-10-08-2015--11-41-38.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/10/60-10-08-2015--11-41-29.jpg"></a></span></p>
<p><a class="thickbox" title="" href="/FileManager/Commons/2015/8/10/61-10-08-2015--11-41-45.jpg"><img src="/FileManager/Articles/mce/2015/8/10/61-10-08-2015--11-41-45.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span><br /><br /></p>