<p>មន្ត្រីយោធាពាក់សក្តិ ៤ នៅផ្នែករដ្ឋបាលវិស្វកម្ម អគ្គបញ្ជាការកងទ័ពជើងគោក មានទីលំនៅ<br />ភូមិព្រៃជីសាក់ សង្កាត់ចោមចៅ បានសម្លាប់កូនប្រុសរបស់ខ្លួនឯង២នាក់ ក្នុងពេលតែមួយ រួច<br />បានព្យាយាមសម្លាប់ខ្លួនឯង តែមិនស្លាប់ ។</p>
<p>កាលពីវេលាព្រឹកថ្ងៃទី២៨ សីហា ឆ្នាំ២០១២ មានហេតុការណ៍ដ៏គួរអោយភ្ញាក់ផ្អើលមួយបាន<br />កើតឡើងនៅចំណុចផ្ទះលេខI១៥ បុរីប៊ុនហួរ ភូមិព្រៃព្រីងខាងត្បូង សង្កាត់ចោមចៅ បន្ទាប់ពី<br />មានបុរសម្នាក់ឈ្មោះកែវ ឡាដាំង អាយុ៣៨ឆ្នាំ ជាមន្ត្រីយោធាពាក់សក្តិ៤នៅផ្នែករដ្ឋបាលវិស្វ<br />កម្មអគ្គ បញ្ជាការកងទ័ពជើងគោក មានទីលំនៅភូមិព្រៃជីសាក់ សង្កាត់ចោមចៅ បានសម្លាប់<br />កូនប្រុសរបស់ខ្លួនឯង២នាក់ ក្នុងពេលតែមួយ រួចបានព្យាយាមសម្លាប់ខ្លួនឯងដែរតែមិនបាន<br />សម្រេច។ បន្ទាប់មកត្រូវបានក្រុមគ្រួសារនាំទៅសង្គ្រោះនៅមន្ទីរពេទ្យ កាល់ម៉ែត។</p>
<p>បន្ទាប់ពីបានចេញពីមន្ទីរពេទ្យ ជនសង្ស័យសម្លាប់កូនខ្លួនឯងរូបនេះ ត្រូវបានឃុំខ្លួនបណ្តោះ<br />អាសន្ន នៅក្នុងផ្នែកព្រហ្មទណ្ឌខណ្ឌពោធិ៍សែនជ័យ រង់ចាំបញ្ជូនបន្តទៅតុលាការ។</p>
<p>ប្រភពព័ត៌មានបានដកស្រង់សំដីរបស់ជនសង្ស័យ អោយដឹងថា កាលពីវេលាថ្ងៃទី២៧ សីហា <br />មុនពេលកើតហេតុ ឪពុកតិរច្ឆាននេះ បានទៅផឹកស៊ីជាមួយមិត្តភក្តិនៅម្តុំម៉ុងឌីយ៉ាល់រហូតមក<br />ដល់ម៉ោងប្រហែល៩យប់ទើបឈប់ ហើយបានបែកពីមិត្តភក្តិ រួចជិះម៉ូតូមួយគ្រឿងម៉ាកវីវ៉ា ស៊េរី<br />២០១១ យកទៅបញ្ចាំនៅឯកាស៊ីណូបានប្រាក់ចំនួន១ពាន់ដុល្លារ ក៏លេងល្បែងនៅទីនោះរហូត<br />ចាញ់អស់។ នៅវេលាម៉ោងជាង១២រំលងអធ្រាត្រទើបជិះម៉ូតូឌុបក្នុងតម្លៃ ១ម៉ឺនរៀលពីកាស៊ីណូ<br />ត្រឡប់ទៅផ្ទះម្តាយនៅចំណុចកើតហេតុ ខាងលើនោះវិញ ។</p>
<p><a class="thickbox" title="" href="/FileManager/Commons/2012/8/30/134800989675673-30-08-2012--09-02-23.jpg"><img src="/FileManager/Articles/mce/2012/8/30/134800989675673-30-08-2012--09-02-23.jpg" alt="" width="466" height="380" /></a></p>
<p class="font-null">ប្រភពព័ត៌មានបន្ដថា ពេលត្រឡប់ទៅដល់ផ្ទះវិញ ម្តាយរបស់ជនសង្ស័យបានចេញមកបើកទ្វារ<br />ឱ្យ ហើយពេលចូលទៅដល់ក្នុងផ្ទះខ្លួនបានឃើញកូនប្រុសទាំង២នាក់ ដេកក្នុងបន្ទប់ជាមួយនឹង<br />ម្តាយ បន្ទាប់មកខ្លួនបានចូលទៅលើកបីកូនម្តងមួយៗយកទៅដេកនៅ ក្នុងបន្ទប់របស់ខ្លួនវិញ <br />ខណៈនោះម្តាយរបស់ខ្លួនបាននិយាយថា បើកូនដេកនៅកន្លែងហ្នឹងហើយលើកវាធ្វើអ្វី តែខ្លួន<br />បានប្រាប់ទៅម្តាយវិញថា ចង់ឱ្យពួកវាដេកជាមួយ ។ រហូតមកដល់ម៉ោង២ រំលងអធ្រាត្រ ជន<br />សង្ស័យបានសម្រេចចិត្តធ្វើសកម្មភាព ដោយចាប់ច្របាច់កកូនប្រុសទី ១ ឈ្មោះកែវ សុវណ្ណ <br />អាយុ៦ឆ្នាំមុន ដោយយកកន្សែងខ្ទប់មាត់ និងច្របាច់ករហូតដល់ស្លាប់ ។ បន្ទាប់មកបានដាក់<br />នៅក្បែរកូនប្រុសទី២ឈ្មោះកែវ តារ៉ា អាយុ៣ឆ្នាំ ហើយក្រោយពេលសម្លាប់កូនទី១ហើយ ខ្លួន<br />បានអង្គុយមួយសន្ទុះ រួចទើបចាប់ផ្តើមធ្វើសកម្មភាពចាប់ច្របាច់កកូនប្រុសទី២នោះ សម្លាប់<br />ចោលទៀត រួចដាក់ឱ្យដេកនៅជិតគ្នា។ ក្រោយពេលសម្លាប់កូនប្រុសទាំង២នាក់នោះរួចហើយ <br />ខ្លួនបានយកកាំបិតដែលបានលាក់ទុកនៅក្នុងបន្ទប់នោះរួចជា ស្រេចយកមកអារ.ក និងអារ.ក<br />ដៃខ្លួនឯងទាំង២ ដើម្បីសម្លាប់ខ្លួនទៅតាមក្រោយប៉ុន្ដែមិនស្លាប់។ រហូតដល់ព្រឹកឡើង ទើបគេ<br />បានដឹងហេតុការណ៍នេះ៕</p>
<p class="font-null" style="text-align: right;">ដោយ ៖ សីហា<br />ប្រភព ៖ ksd</p>