<p><span style="color: #000000;"><strong>ភ្នំពេញ ៖</strong> ហេតុការណ៍ភ្ញាក់ផ្អើលកក្រើក ក្នុងភូមិសាស្ត្រខណ្ឌដូនពេញ ខណៈដែលជនស្លៀកស៊ីវិលម្នាក់ ប្រដាប់ ដោយកាំភ្លើងខ្លីមួយដើម ឈ្លោះប្រកែកគ្នា ជាមួយក្រុមក្មេងទំនើងមួយក្រុម ដែលមានដាវសាំម៉ូរៃនៅជាប់ខ្លួន រហូត ធ្វើឲ្យភាគីទាំងសងខាង ផ្ទុះកំហឹងដកកាំភ្លើងបាញ់គំរាម និងយកដាវដេញកាប់គ្នា កាលពីវេលាម៉ោង ២១ និង៤០នាទីយប់ ថ្ងៃទី១០ ខែវិច្ចិកា ឆ្នាំ២០១៤ ស្ថិតនៅក្បែរកំពង់ផែស្វយ័ត ផ្លូវព្រះស៊ីសុវត្ថិ សង្កាត់ស្រះចក ខណ្ឌដូនពេញ។</span></p>
<p><span style="color: #000000;">យោងតាមសម្តី របស់បងស្រីម្នាក់ឈ្មោះ ស្រី លាក់ ភេទស្រី អាយុ ៣២ឆ្នាំ ជាអ្នកនៅកន្លែងកើតហេតុ បាននិយាយរៀបរាប់ថា មុនពេលកើតហេតុ ក្រុមក្មេងទំនើងមួយក្រុម មានគ្នា ៣ទៅ៤នាក់ បានអង្គុយផឹកស៊ី នៅតូបលក់ឥវ៉ាន់ លុះពេលផឹកស៊ីស្រវឹង ពួកគេ២នាក់ បានទាញម៉ូតូជិះទៅបាត់ មួយសន្ទុះក្រោយមក ទើបត្រឡប់មកវិញ ស្រាប់តែមានជនស្លៀកស៊ីវិល ប្រដាប់ដោយកាំភ្លើងខ្លីមួយដើម ជិះម៉ូតូដេញពួកគេមកឈប់មុខតូបរបស់នាង ។</span></p>
<p><span style="color: #000000;">បងស្រី លាក់ បានបន្តថា ភ្លាមៗនោះ ក្រុមក្មេងទំនើង បានឈ្លោះប្រកែកខ្លាំងៗជាមួយជនស្លៀកស៊ីវិល រហូតឈាន ដល់ការទាញដាវសាំម៉ូរៃ មកគំរាមកាប់ជនស៊ីវិលថែមទៀត ។ ចំពោះទង្វើរបស់ក្រុមក្មេងទំនើងបែបនេះ ធ្វើឲ្យជនស្លៀកស៊ីវិល ដែលអួតខ្លួនថា ជាសមត្ថកិច្ចទ្រាំមិនបាន ដកកាំភ្លើងពីចង្កេះបាញ់មួយគ្រាប់ បង្កការភ្ញាក់ផ្អើលនឹងធ្វើឲ្យក្រុមក្មេងទំនើងទាំងនោះ រត់ជាន់ជើងគ្នាគេចខ្លួនបាត់ស្រមោលអស់ ។ ភ្លាមៗនោះ ក៏មានកម្លាំងសមត្ថកិច្ចមូលដ្ឋាន៤ទៅ៥នាក់ ចុះមកអន្តរាគមន៍ ដល់ទីតាំងកើតហេតុ តែរកឃើញតែដាវសាំម៉ូរៃមួយដើម និងដុំថ្ម២ដុំ រួមជាមួយសំបកកន្ទុះមួយគ្រាប់តែប៉ុណ្តោះ ដោយក្រោយកើតហេតុ ទាំងក្រុមក្មេងទំនើង និងជនស្លៀកស៊ីវិលបាននាំគ្នារត់គេចខ្លួនបាត់ស្រមោលអស់ទៅហើយ ។</span></p>
<p><span style="color: #000000;">ជុំវិញករណីបង្កហិង្សា រហូតមានការផ្ទុះអាវុធខាងលើ មិនបណ្តាលឲ្យភាគីណាម្នាក់ ត្រូវរងរបួសឡើយ ហើយសមត្ថ កិច្ចក៏មិនបានឃាត់ខ្លួននរណាម្នាក់ មកសួរនាំឡើយ ដោយសមត្ថកិច្ចគិតថា អ្នកបាញ់ក៏រត់បាត់ និងអ្នកយកដាវសាំម៉ូរៃក៏គេចខ្លួន ដូច្នេះមិនដឹងថា ឃាត់នរណាមកសួរនាំទេ ។</span></p>
<p><span style="color: #000000;">នៅត្រង់ចំណុចកើតហេតុ ប្រជាពលរដ្ឋបានអះអាងថា ជនស្លៀកស៊ីវិលខាងលើនេះ ស្រវឹងស្រា ហើយទំនងជិះម៉ូតូឌឺគ្នា ជាមួយនឹងក្រុមក្មេងទំនើង ហើយទើបជិះម៉ូតូតាមមកឈ្លោះគ្នា រហូតបង្កហិង្សាផ្ទុះអាវុធ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/11/11-11-2014-1-48-58-pm-11-11-2014--13-56-17.jpg"><img src="/FileManager/Articles/mce/2014/11/11/11-11-2014-1-48-58-pm-11-11-2014--13-56-17.jpg" alt="" /></a></span></p>
<p><a class="thickbox" title="" href="/FileManager/Commons/2014/11/11/11-11-2014-1-49-14-pm-11-11-2014--13-56-34.jpg"><img src="/FileManager/Articles/mce/2014/11/11/11-11-2014-1-49-14-pm-11-11-2014--13-56-34.jpg" alt="" /></a></p>
<p><a class="thickbox" title="" href="/FileManager/Commons/2014/11/11/11-11-2014-1-25-55-pm-11-11-2014--13-57-04.jpg"><img src="/FileManager/Articles/mce/2014/11/11/11-11-2014-1-25-55-pm-11-11-2014--13-57-04.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br /><span>ផ្ដល់សិទ្ធិដោយ៖ ដើមអម្ពិល</span><br /></span></p>