<div class="summary">
<p>ព័ត៌មាន និងតំណែងរបស់ Jonathan Ive ដែលជាអ្នករចនាម៉ូត (ឌីហ្សាញ) iPhone និង iPad របស់ Apple បានបាត់ឈ្មោះចេញពីគេហទំព័ររបស់ក្រុមហ៊ុន ដែលកត្តានេះបង្កឲ្យមានការភ្ញាក់ផ្អើលយ៉ាង ខ្លាំង នៅក្នុងពិភពបច្ចេកវិទ្យា។</p>
</div>
<div class="content">
<p>ព័ត៌មានជីវប្រវត្តិរបស់ Jonathan Ive អនុប្រធាននាយកដ្ឋាន ផ្នែករចនាម៉ូត Apple ទើបតែត្រូវបានគេ ដកចេញ (ទាំងពិបាកយល់) ពីគេហទំព័ររបស់ក្រុមហ៊ុន កាលពីថ្ងៃម្សិលមិញនេះ។ Apple តែងតែមាន តារាងមួយ ដាក់ចេញនូវរាល់អ្នកគ្រប់គ្រងលំដាប់ខ្ពស់ៗរបស់ខ្លួន ជាមួយនឹងរូបថត និងព័ត៌មានអម មកជាមួយ។</p>
<p>សារព័ត៌មានទូទាំងពិភពលោក បានមានការភ្ញាក់ផ្អើលយ៉ាងខ្លាំង ចំពោះព្រឹត្តិការណ៍នេះ។ ព័ត៌មាន ចចាមអារាមជាច្រើន បាននិយាយថា Ive អាចនឹងត្រូវគេដកចេញ ពីគណកម្មាការប្រតិបត្តិ Apple ហើយ។</p>
<p style="text-align: center;"><a class="thickbox" title="" href="/FileManager/Commons/2014/2/18/jonyive110227202446-18-02-2014--10-54-13.jpg"><img src="/FileManager/Articles/mce/2014/2/18/jonyive110227202446-18-02-2014--10-54-13.jpg" alt="" /></a></p>
<p style="text-align: center;"><em><span style="color: #808080;">លោក Jonathan Ive អ្នកទទួលខុសត្រូវ និងឈរលំដាប់កំពូល ក្នុងក្រុមរចនាម៉ូត ដល់បណ្តាផលិតផលរបស់ Apple (រូបភាព៖ BGR)</span></em></p>
<p>ក្រោយពីបានដឹង ពីការភ្ញាក់ផ្អើលរបស់មហាជននេះមក ផ្នែកទំនាក់ទំនងរបស់ Apple បានចេញមុខ ប្រតិកម្មឆ្លើយតប ដោយបានបញ្ជាក់ថា នេះគ្រាន់តែជាការត្រួតពិនិត្យ ក្នុងដំណើរការ អាប់ឌេត បញ្ជី ឈ្មោះបណ្តា នាយកប្រតិបត្តិការ ប៉ុណ្ណោះ។ ឈ្មោះរបស់លោក Ive នឹងបន្តមាននៅលើ គេហទំព័រ របស់ក្រុមហ៊ុន តទៅទៀត។</p>
<p>Ive គឺជាអ្នកទទួលខុសត្រូវ និងឈរលំដាប់កំពូល ក្នុងក្រុមរចនាម៉ូត ដល់បណ្តាផលិតផលរបស់ Apple ជាពិសេសការអាប់ឌេតថ្មីបំផុតរបស់ ប្រព័ន្ធប្រតិបត្តិការ iOS 7។ គាត់មានតួនាទីសំខាន់ ក្នុង ការរចនាម៉ូត ដូច្នេះរាល់ផលិតផលដែលមាន Logo របស់ Apple រួមមាន iMac, MacBook Air, iPod, iPad និងជាពិសេសគឺ iPhone គឺសុទ្ធតែមានចំណែករបស់គាត់ ក្នុងការឌីហ្សាញ៕</p>
<p style="text-align: left;"><strong>ព័ត៌មានគួរឲ្យចាប់អារម្មណ៍ មួយចំនួនទៀត៖</strong></p>
<p><a href="http://www.camnews.com.kh/News/Detail/92501/evleaks-leaked-the-name-of-nokia-normandy-is-nokia-x"><span style="color: #0000ff;">- Nokia Normandy មានរូបភាពផ្សាយពាណិជ្ជកម្ម ហើយមែនទេ? ឈ្មោះហៅថា Nokia X ឬ?</span></a><strong></strong><a href="http://www.camnews.com.kh/News/Detail/71340/blackberry-cheap-phones-revealed-images-and-configuration"><span style="color: #0000ff;"><br />- ទូរស័ព្ទតំលៃថោករបស់ BlackBarry លេចចេញនូវរូបភាព និងលក្ខណៈសម្បត្តិ</span></a><strong></strong><a href="http://www.camnews.com.kh/News/Detail/20519/actual-portrait-of-the-galaxy-s5"><span style="color: #0000ff;"><br />- តើនេះពិតជា គំរូម៉ូដែល Galaxy S5 ដែលជិតបង្ហាញខ្លួន ហើយមែនទេ?</span></a> <strong></strong><a href="http://www.camnews.com.kh/News/Detail/41976/grand-galaxy-2-has-added-2-new-color"></a></p>
<p style="text-align: right;"> </p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>