<p><span style="font-size: 12px; color: #000000;">មន្រ្ដីម្នាក់ បាននិយាយថា អ្នកភូមិនៃប្រទេសឥណ្ឌូនេស៊ី ប្រដាប់ដោយកាំបិត ញញួរ និងដំបង បាននាំគ្នាកាប់សម្លាប់សត្វក្រពើចំនួន ២៩២ ក្បាល ដើម្បីជាការសងសឹកចំពោះមរណភាពនៃបុរសម្នាក់ ដែលត្រូវបានសម្លាប់ដោយសត្វក្រពើ នៅឯកសិដ្ឋានចិញ្ចឹមសត្វមួយកន្លែង។</span></p>
<p><span style="color: #000000;">រូបភាព ដែលបានចេញផ្សាយដោយទីភ្នាក់ងារសារព័ត៌មាន Antara បានបង្ហាញនូវគំនរសាកសព្វក្រពើយ៉ាងធំ ដែលប្រឡាក់ទៅដោយឈាម នៅក្នុងសង្កាត់ Sorong នៃខេត្ដ West Papua ភាគខាងកើតប្រទេសឥណ្ឌូនេស៊ី។</span></p>
<p><span style="color: #000000;">ប្រធានទីភ្នាក់អភិរក្សធនធានធម្មជាតិនៃប្រទេសឥណ្ឌូនេស៊ី ប្រចាំនៅខេត្ដ West Papua បាននិយាយថា ជនរងគ្រោះអាយុ ៤៨ ឆ្នាំម្នាក់បានចូលទៅក្នុងកសិដ្ឋានចិញ្ចឹមក្រពើ ហើយគាត់ទំនងជាបានបោចស្មៅដើម្បីឱ្យសត្វស៊ី នៅពេលដែលគាត់ត្រូវបានវាយប្រហារដោយសត្វក្រពើនោះ។</span></p>
<p><span style="color: #000000;"><a class="thickbox" title="" href="/FileManager/Commons/2018/7/17/28-17-07-2018--10-16-30.PNG"><img src="/FileManager/Articles/mce/2018/7/17/28-17-07-2018--10-16-30.PNG" alt="" /></a><br /></span></p>
<p><span style="color: #000000;">លោក Basar Manullang បាននិយាយនៅក្នុងរបាយការណ៍មួយថា៖” កម្មករម្នាក់ បានលឺសម្លេងស្រែកឱ្យជួយ គាត់ក៏បានស្ទុះរត់ទៅកាន់ទីនោះភ្លាមៗ ហើយគាត់បានឃើញក្រពើមួយក្បាល កំពុងខាំត្របាក់មនុស្សម្នាក់”។ </span></p>
<p><span style="color: #000000;">លោក Manullang បាននិយាយថា ក្រោយពីបូជាសពបុរសនោះរួចកាលពីថ្ងៃសៅរ៍ អ្នកភូមិជាច្រើននាក់ បានចូលទៅក្នុងកសិដ្ឋាន ហើយបានសម្លាប់សត្វក្រពើទាំងអស់។ លោក Manullang បានបន្ថែមថា កសិដ្ឋានខាងលើបានទទួលអាជ្ញាប័ណ្ណ ចិញ្ចឹមពូជសត្វក្រពើទឹកប្រៃ និងពូជមកពីប្រទេសញ៉ូវហ្គីណេកាលពីឆ្នាំ ២០១៣ ដើម្បីអភិរក្សសត្វក្រពើទាំងនោះ ព្រមទាំងចិញ្ចឹមសត្វមួយចំនួនផ្សេងទៀតផងដែរ។</span></p>
<p><span style="color: #000000;">គាត់និយាយថា ប៉ុន្ដែលក្ខខណ្ឌដ៏ល្អមួយនោះគឺថា ពពួកសត្វល្មួនពុំធ្លាប់បង្កការរំខាន ឬយារយីដល់សហគមន៍ឡើយ។</span></p>
<p><span style="color: #000000;">លោក Manullang បន្ថែមថា៖” ដើម្បីបង្ការកុំឱ្យកើតហេតុការណ៍អាក្រក់នេះម្ដងទៀត ម្ចាស់អាជ្ញាប័ណ្ណបើកកសិដ្ឋាននោះ ចាំបាច់ត្រូវធានាឱ្យបាននូវសុវត្ថិភាព នៅតំបន់ជុំវិញកសិដ្ឋាន។ ភ្នាក់ងាររបស់លោក បានសហការជាមួយនគរបាល នៅក្នុងការស៊ើបអង្កេតរបស់ពួគេ។ ក្រពើ គឺជាសត្វរបស់អាទិទេព ដែលចាំបាច់ត្រូវការពារផងដែរ” ៕ </span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/17/mekongnet-17-07-2018--10-16-38.PNG" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ សារ៉ាត</span></p>
<p style="text-align: right;"><span style="color: #000000;">ប្រភព ៖ បាងកកប៉ុស្ដិ៍</span></p>