<div class="article-content">
<p><strong>ភ្នំពេញ៖</strong> ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្រ្តី នៃ ព្រះរាជា<br />ណាចក្រកម្ពុជា នឹងធ្វើសេចក្តីថ្លៃងការណ៍ពិសេសមួយ ផ្ញើជូនជនរួមជាតិ បន្ទាប់ពីការប្រកាស<br /> សាលដីកា ជុំវិញប្រាសាទព្រះវិហារ ដែលគ្រោងធ្វើឡើង នៅម៉ោងរសៀលថ្ងៃទី១១ ខែវិច្ឆិកា <br />ឆ្នាំ២០១៣ នេះបើយោងតាមបណ្តាញ ទំនាក់ទំនងសង្គមហ្វេសប៊ុស របស់លោក គឹម គុណវឌ្ឍ<br /> អគ្គនាយកទូរទស្សន៍ ជាតិកម្ពុជា(ទទក) ។</p>
<p>លោក គឹម គុណវឌ្ឍ បានសរសេរ នៅក្នុងហ្វេសប៊ុករបស់លោកបន្តថា “ នៅល្ងាចនេះ បន្ទាប់<br />ពី សវនាការ របស់តុលាការយុត្តិធម៌អន្តរជាតិ ICJ បញ្ចប់ការងារ និងប្រកាសចេញ ពីការបក<br />ស្រាយ ពន្យល់លើសាលដីកា ថ្ងៃទី ១៥ ខែ មិថុនាឆ្នាំ ១៩៦២ ពីបញ្ហាប្រាសាទព្រះវិហារ នៅ<br />ឯទីក្រុងឡាអេ នោះ ។</p>
<p>សម្តេចតេជោ ហ៊ុន សែន នាយករដ្ឋមន្រ្តីនៃ ព្រះរាជាណាចក្រកម្ពុជា នឹងធ្វើសេចក្តីថ្លែងការណ៍ <br />ពិសេសផ្ញើ ជូនជនរួមជាតិ ។ ទទក នឹង ធ្វើការផ្សាយផ្ទាល់ ពីប្រសាសន៍ នៃសេចក្តីថ្លែងការណ៍<br /> របស់ សម្តេចតេជោ ។ ចំពោះពេលម៉ោង គឺផ្អែកទៅលើការងាររបស់ ICJ នៅឡាអេ អាចក្នុង<br />អំឡុង ចន្លោះពីម៉ោង ៥ ទៅ ៧ យប់ ថ្ងៃទី ១១ វិច្ឆិកានេះ” ។</p>
<p>គួរបញ្ជាក់ថា ប្រទេសថៃ បានលើកកងទ័ព មកឈ្លានកម្ពុជា នៅតំបន់ប្រាសាទព្រះវិហារ កាល<br />ពី ថ្ងៃទី១៥ ខែកក្កដា ឆ្នាំ២០០៨ បន្ទាប់ពីប្រាសាទព្រះវិហាររបស់កម្ពុជា ត្រូវបានគណៈកម្មការ<br /> បេតិភណ្ឌវប្បធម៌ពិភពលោក របស់អង្គការយូណេស្កូ សម្រេចជាឯកច្ឆ័ន្ទ ដាក់បញ្ចូលជាសម្បត្តិ<br /> បេតិកភណ្ឌពិភពលោក កាលពីថ្ងៃទី៧ ខែកក្កដា ឆ្នាំ២០០៨ នៅទីក្រុងកេប៊ិច ប្រទេសកាណាដា <br />នាសម័យប្រជុំលើកទី៣២ របស់អង្គការវប្បធម៌ ពិភពលោកមួយនេះ។</p>
<p>កងទ័ពរបស់ថៃ បានដកចេញពីតំបន់ ក្បែរប្រាសាទព្រះវិហារ និងវត្តកែវសិក្ខាគិរីស្វារៈ កាលពី<br />ថ្ងៃទី១ ខែធ្នូ ឆ្នាំ២០ ១០ វេលាម៉ោង ១០ព្រឹក។ ចាប់តាំងពីកងទ័ពថៃ ចូលលុកលុយឈ្លានពាន <br />តំបន់ ក្បែរប្រាសាទព្រះវិហារ និងវត្ត កែវសិក្ខាគិរីស្វារៈរបស់ខ្មែរ កងទ័ពឈ្លានពានរបស់សៀម<br /> បាន ប្រកាសសង្គ្រាមឈ្លានពានខ្មែរ ដោយបានវាយមកលើកងទ័ពខ្មែរ នៅដើមខែកុម្ភៈ ឆ្នាំ<br />២០១១ នៅ តំបន់ប្រាសាទព្រះវិហារ និងបាញ់កាំភ្លើងផ្លោងបំផ្លាញវត្តកែវ សិក្ខាគិរីស្វារៈ និង<br />នៅចុងខែមេសា ឆ្នាំ២០១១ នៅតំបន់ប្រាសាទតាមាន់ តាក្របី ស្រុកគោកមន ខេត្តឧត្តរមានជ័យ<br /> បណ្តាលឲ្យទាហាន ខ្មែរស្លាប់មួយចំនួន និងរងរបួស ព្រមទាំងជនភៀសសឹករាប់ម៉ឺនគ្រួសារ។</p>
<p>ថ្ងៃទី២៨ ខែ មេសា កម្ពុជាប្តឹង ទៅតុលាការយុត្តិធម៌អន្តរជាតិទីក្រុងឡាអេ អំពីសៀមប្រកាស <br />សង្រ្គាមវាយខ្មែរ ដោយសុំឲ្យកងទ័ពសៀម ដកចេញពីតំបន់ប្រាសាទព្រះវិហារ និងប្តឹងឲ្យតុ<br />លាការ កំពូលអន្តរជាតិ បកស្រាយសាលក្រមតុលាការ ក្រុងឡាអេ ១៥ មិថុនា ១៩៦២ ឡើង<br />វិញផងដែរ។</p>
<p>នៅថ្ងៃទី១៥ មិថុនា ឆ្នាំ១៩៦២ តុលាការយុត្តិធម៌អន្តរជាតិទីក្រុងឡាអេ បានកាត់សេចក្តី ប្រគល់<br /> ប្រាសាទ ព្រះវិ ហារ និងដីនៅម្តុំនោះ ព្រមទាំងវត្ថុបុរាណ ដែលថៃលួចឲ្យមកខ្មែរវិញ ព្រមទាំង<br />បញ្ជា ឲ្យដកទាហាន និងឆ្មាំ ចេញពី បរិវេណប្រាសាទព្រះវិហាររបស់ខ្មែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0077.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0078.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>