<p><span style="color: #000000;"><strong>ភ្នំពេញ៖</strong> រថយន្តស៊េរីទំនើបម៉ាក់ RANGE ROVER ពាក់ស្លាកលេខ (ខេមរភូមិន្ទ 01) 2-0035 ដឹកសុទ្ធតែនារី សម្រស់សោភា ៣នាក់ ត្រូវបានម្ចាស់របស់វាបើកទៅបុកជញ្ជាំងក្រុមហ៊ុនឆ្នោត CM60 lottery ស្ថិតនៅតាម បណ្តោយវិថីព្រះសីហនុ កែងផ្លូវលេខ៦៣ នៅជិតផ្សាយឡាក់គី ស្ថិតក្នុងសង្កាត់បឹងកេងកងបី ខណចំការមន នា វេលាម៉ោង ២ និង២០នាទីរំលងអាធ្រាត្រថ្ងៃទី១៥ ខែមិថុនា ឆ្នាំ២០១៥ បណ្តាលឲ្យរថយន្តខូចខាតរថយន្តផ្នែក ខាងមុខយ៉ាងដំណំ។</span></p>
<p><span style="color: #000000;">យោងតាមសាក្សីនៅកន្លែងកើតហេតុ បានឲ្យដឹងថា នៅម៉ោងកើតហេតុខាងលើរថយន្តស៊េរីទំនើបនេះ ត្រូវបាន ម្ចាស់បើកបរតាមបណ្តោយវិថីព្រះសីហនុ ក្នុងទិសដៅពីកើតទៅលិច លុះដល់ចំណុចកើតហេតុស្រាប់តែរ៉េចង្កូត ទៅបុកជញ្ជាំងក្រុមហ៊ុនឆ្នោតទាំងកម្រោល។ ការបើកបុកនេះ ត្រូវបានគេអះអាងថា ម្ចាស់រថយន្តជាអ្នកបើកបរ មានអាការៈស្រវឹងជោកជាំទៅហើយ។</span></p>
<p><span style="color: #000000;">គ្រោះថ្នាក់នេះ បណ្តាលឲ្យសន្តិសុខ ដែលយាមនៅទីនោះរងរបួសតិចតួចផងដែរ។ បុរសសន្តិសុខ បានបញ្ជាក់ ថា រថយន្តបានបើកបរក្នុងល្បឿនយ៉ាងលឿន ហើយដល់ចំណុចស្តុបនេះ បម្រុងនឹងបត់ តែយកចង្កូតមិនទាន់ក៏ ជ្រុលទៅបុកជញ្ជាំងក្រុមហ៊ុនតែម្តង។ បុរសសន្តិសុខរូបនេះ បានឲ្យដឹងផងដែរថា ប្រសិនបើគាត់គេចមិនទាន់ អាចនឹងត្រូវរថយន្តបុកស្លាប់ជាក់ជាមិនខាន។</span></p>
<p><span style="color: #000000;">ក្រោយបើកបុករបងក្រុមហ៊ុនហើយ ម្ចាស់រថយន្ត ដែលមានអាការៈស្រវឹងនោះ បានព្យាយាមបើករថយន្តគេច ដែរ តែរថយន្តថយក្រោយមិនបាន ទើបនាំគ្នាចុះពីរថយន្តមកសួររកតំណាងក្រុមហ៊ុនមកដោះស្រាយគ្នា។ តែ ដោយម្ចាស់រថយន្តបង្កហេតុស្រវឹងទទ្រេតទ្រោតនិយាយមិនត្រូវគ្នា ភាគីខាងក្រុមហ៊ុន CM60 lottery ប្រគល់ឲ្យ កម្លាំងនគរបាលចរាចរណ៍ ស្ទួចយករថយន្តទៅរក្សាទុក រង់ចាំដោះស្រាយគ្នាជាក្រោយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/15/6-15-2015-11-21-11-am-15-06-2015--11-29-06.png"><span style="color: #000000;"><img src="/FileManager/Articles/mce/2015/6/15/6-15-2015-11-21-11-am-15-06-2015--11-29-06.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/6/15/st-044-15-06-2015--11-29-17.jpg"><span style="color: #000000;"><img src="/FileManager/Articles/mce/2015/6/15/st-044-15-06-2015--11-29-17.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>