<p><span style="color: #000000;"><strong>(បាងកក)៖</strong> បុត្រាស្នងរាជ្យរបស់ប្រទេសថៃ ព្រះអង្គម្ចាស់ មហា វ៉ាចរ៉ាឡុងកន បានយាងត្រឡប់ពីបរទេស មកកាន់ទីក្រុងបាងកកវិញហើយនៅថ្ងៃសុក្រនេះ ដែលនៅសល់តែប្រមាណជាងពីរសប្តាហ៍ទៀតប៉ុណ្ណោះ នឹងដល់ពេលឡើងគ្រងរាជ្យសម្បត្តិ ជាមហាក្សត្រថ្មី នៃព្រះរាជាណាចក្រថៃហើយនោះ។ នេះបើតាមសម្តីរបស់មន្រ្តី រដ្ឋាភិបាលថៃដែលបានដកស្រង់ ដោយ ទីភ្នាក់ងារព័ត៌មាន Reuters នៅរសៀលថ្ងៃសុក្រ ទី១១ ខែវិច្ឆិកា ឆ្នាំ២០១៦</span></p>
<p><span style="color: #000000;"><a class="thickbox" title="" href="/FileManager/Commons/2016/11/12/25a-12-11-2016--09-32-26.jpg"><img src="/FileManager/Articles/mce/2016/11/12/25a-12-11-2016--09-32-26.jpg" alt="" /></a><br /></span></p>
<p><span style="color: #000000;">មន្រ្តីយោធាជាន់ខ្ពស់ថៃមួយរូប បានឲ្យដឹងក្នុងលក្ខខណ្ឌមិនបញ្ចេញអត្តសសញ្ញាណថា «ព្រះអង្គម្ចាស់ មហា វ៉ាចរ៉ាឡុងកន បានយាងត្រឡប់ពីប្រទេស អាល្លឺម៉ង់មកកាន់ ប្រទេសថៃវិញហើយ ហើយទ្រង់នឹងយាងទៅចូលរួម ក្នុងព្រឹត្តិការណ៍មួយនៅឯ ទីបញ្ជាការកងអង្គរក្ស ព្រះមហាក្សត្រនាល្ងាចថ្ងៃសុក្រនេះ។ ទន្ទឹមគ្នានេះដែរ ការយាង ត្រឡប់មកកាន់មាតុប្រទេសវិញនេះ នឹងជួយបន្ធូរបន្ថយនូវរាល់ក្តីព្រួយបារម្ភនានា អំពីការឡើងសោយរាជ្យសម្បត្តិ ពីសំណាក់ពលរដ្ឋថៃគ្រប់រូប»។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/12/25-12-11-2016--09-32-36.jpg"><img src="/FileManager/Articles/mce/2016/11/12/25-12-11-2016--09-32-36.jpg" alt="" /></a><br /></span></p>
<p><span style="color: #000000;">គួរបញ្ជាក់ដែរថា ប្រទេសថៃពុំមានព្រះរាជា អស់រយៈពេលមួយខែមកហើយ ចាប់តាំងពីពេលដែល អតីតព្រះមហាក្សត្រ ព្រះបាទ ភូមិបុល អាប់ឌុលយ៉ាដេត បានសោយ ទិវង្គតកាលពីថ្ងៃទី១៣ ខែតុលាទៅ ហើយព្រះរាជ្យកិច្ចទាំងឡាយបាន និងកំពុងស្ថិតក្រោមការគ្រប់គ្រង ជាបណ្តោះអាសន្នរបស់មហាឧបរាជ ព្រេម ទិនស៊ូឡាណុន ដែលជាប្រធានក្រុមប្រឹក្សា ជំនិតនៃព្រះមហាក្សត្រសិន នៅមុនពេលនៃការឡើងគ្រងរាជ្យសម្បត្តិ របស់ព្រះរាជទាហាទនៅថ្ងៃទី០១ ខែធ្នូ ខាងមុខនេះបានឈានចូលមកដល់៕</span></p>
<p style="text-align: right;"><span style="color: #000000;">ប្រភព ៖ reuters</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>