<p><span style="color: #000000;"><strong>(ញ៉ូដេលី)៖</strong> យ៉ាងហោចណាស់មនុស្ស ៧០នាក់បានស្លាប់ ដោយសារបញ្ហាអាកាសធាតុឡើងកម្ដៅខ្លាំង នៅក្នុងប្រទេសឥណ្ឌា ក្នុងរយៈពេលប៉ុន្មានថ្ងៃកន្លងមកនេះ នេះបើយោងតាមការចេញផ្សាយរបស់ទីភ្នាក់ងារព័ត៌មានចិនស៊ិនហួ ចេញផ្សាយនៅថ្ងៃទី០៧ ខែមេសា ឆ្នាំ២០១៦។</span></p>
<p><span style="color: #000000;">មន្ត្រីជាន់ខ្ពស់ក្រសួងសុខាភិបាលឥណ្ឌា បានប្រកាសឲ្យដឹងថា អាកាសធាតុបានឡើងក្ដៅខ្លាំងនៅក្នុងរដ្ឋ Telangana ស្ថិតនៅភាគខាងត្បូងនៃប្រទេសឥណ្ឌូ ដោយបណ្ដាលឲ្យមនុស្ស ៧០នាក់ស្លាប់ ហើយអាចនឹងមានអ្នកស្លាប់កើនទៀត បើសិនជាអាកាសធាតុនៅតែបន្ដឡើងកម្ដៅ។</span></p>
<p><span style="color: #000000;">ក្នុងចំណោមអ្នកស្លាប់ភាគច្រើនគឺជាកម្មករ និងអ្នកដែលបម្រើការងារនៅក្នុងរោចក្រសិប្បកម្ម ជាពិសេសគឺអ្នកដែលធ្វើការងារនៅក្រោមពន្លឺថ្ងៃ ដោយពួកជួបនូវបញ្ហាគាំងបេះដួង និងខ្វះជាតិទឹកក្នុងខ្លួន ហើយនៅពេលនេះ រដ្ឋាភិបាលបានជួនដំណឹងឲ្យពលរដ្ឋទាំងអស់មានការប្រុងប្រយ័ត្ន។</span></p>
<p><span style="color: #000000;">គួរបញ្ជាក់ផងដែរថា កាលពីឆ្នាំ២០១៥ មានមនុស្សជាង ២៣៣០នាក់ បានស្លាប់នៅក្នុងប្រទេសឥណ្ឌា ដោយសារការឡើងកម្ដៅខ្លាំង៕</span></p>
<p><a class="thickbox" title="" href="/FileManager/Commons/2016/4/7/15-07-04-2016--14-39-18.jpg"><img src="/FileManager/Articles/mce/2016/4/7/15-07-04-2016--14-39-18.jpg" alt="" /></a><br /><br /></p>
<p><br /><br /></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>