<p><strong>ភ្នំពេញ៖</strong> តារាសម្តែង និងជាពិធីការិនី ស្រស់ក្មេង កញ្ញា ព្រះកាយច័ន្ទ កាលពីពេលថ្មីៗកន្លង<br />ទៅនេះ បានធ្វើឲ្យមហាជនជាច្រើន មានការភ្ញាក់ផ្អើល បន្ទាប់ពីនាងបានបង្ហាញ ពិធីភ្ជាប់<br />ពាក្យរបស់នាង ជាសាធារណៈនៅលើកញ្ចក់ទូរទស្សន៍។</p>
<p>កាលពីរាត្រីថ្ងៃសុក្រ ទី២៥ ខែមករា ឆ្នាំ២០១៣កន្លងទៅនេះ តារាស្រីរាងខ្ពស់ស្រឡះ កញ្ញា <br />ព្រះកាយច័ន្ទ បានរំលេចខ្លួននៅលើ កញ្ចក់ទូរទស្សន៍ប៉ុស្តិ៍ My TV នៅក្នុងរូបរាងតុបតែងកាយ<br /> ជាកូនក្រមុំយ៉ាងស្រស់ស្អាត បូករួមជាមួយរង្វង់មុខ ដ៏ស្រស់ផូរផង់ ដោយធ្វើឲ្យទស្សនិកជន<br />ដែលទស្សនា មានការភ្ញាក់ផ្អើល។ ការតុបតែងខ្លួននេះ មានការខុសប្លែកពីការសម្តែង របស់<br />តារាដទៃទៀត ព្រោះថាមានពិធីភ្ជាប់ពាក្យ ដោយកូនប្រុសស្រីមួយគូនេះ មានបំពាក់ចិញ្ចៀន<br /> ឲ្យគ្នាទៅវិញទៅមក ហើយថែមទាំងប្រកាសជាសាធារណៈថា ខ្លួនមានគូដណ្តឹង ហើយកំពុង<br />តែត្រៀមរៀបចំពិធីមង្គលការ នៅក្នុងពេល ឆាប់ៗ ខាងមុខនេះថែមទៀតផង។</p>
<p>ឪពុករបស់តារាស្រី ដែលកំពុងតែចាប់ផ្តើម មានប្រជាប្រិយភាព ព្រះកាយច័ន្ទ បានប្រាប់ Looking<br /> TODAY ឲ្យដឹងថារឿងដែល ព្រះកាយច័ន្ទ ភ្ផាប់ពាក្យ ជាមួយបុរសម្នាក់ ដែលឈ្មោះថា នាយប៊ី <br />នោះគឺ ជារឿងពិតមែន តែគ្រាន់តែភ្ជាប់នៅក្នុងការសម្តែងតែប៉ុណ្ណោះ ព្រោះថាពេលនេះ កូនស្រី<br />របស់គាត់ត្រូវ បានខាងស្ថានីយទូរទស្សន៍ My TV ចាប់អារម្មណ៍និងឲ្យសម្តែង ជាប្រចាំនៅទីនោះ <br />រៀងរាល់ថ្ងៃសុក្រ ដូច្នេះអ្វីដែលធ្វើឲ្យទស្សនិកជន មានការភ្ញាក់ផ្អើលនោះគ្រាន់តែជាឈុតឆាកមួយ<br /> ក្នុងការសម្តែងរបស់កូនស្រីគាត់ តែប៉ុណ្ណោះ។ ចំណែកការបំពាក់ចិញ្ចៀន ឲ្យគ្នាទៅវិញទៅ មកនោះ<br /> គ្រាន់តែសម្តែងឲ្យ សមដូចការពិតប៉ុណ្តោះដែរ ។</p>
<p>ឪពុកបង្កើត របស់ពិធីការិនីប្រចាំកម្មវិធី “ប្រស្នាតារា” ព្រះកាយច័ន្ទ បានបង្ហើបប្រាប់ ឲ្យដឹងថា “នៅ<br />ខាងក្រៅឆាក កូនស្រីរបស់ខ្ញុំ គឺមិនទាន់មាន ទំនាក់ទំនងស្នេហា ជាមួយបុរសណានោះទេ ព្រោះ<br />ថាកូនស្រីខ្ញុំគេចង់ទុកពេល សម្រាប់ការងារសិន មិនទាន់ចង់គិតពីរឿងហ្នឹងនោះទេ ហើយខ្ញុំក៏តាម<br />ចិត្តកូនដែរ ដល់គូពេលណា ចាំគិតពេលហ្នឹងចុះ អនាគតយើងមិនអាចទាយទុកមុនបានទេ”។</p>
<p>លោកបានប្រាប់ឲ្យដឹងទៀតថា បច្ចុប្បន្ន ព្រះកាយច័ន្ទ មានការមមាញឹក ជាមួយការងារខ្លាំងណាស់<br />ណា ត្រូវច្រៀងខនសឺតផង សម្តែងនៅស្ថានីយទូរទស្សន៍ My TV ជាពិធីការិនីផងគ្មានពេលសម្រាក<br />ទេ ហត់ខ្លាំងណាស់ ហើយជានិច្ចជាកាល រឿងរបស់កូន គឺលោកដឹងទាំងអស់ បើមានការអីចង់សួរ <br />គឺអាចសួរលោកបាន ព្រោះថាលោកតែងតែទៅណា ជាមួយកូនស្រីជាប្រចាំ៕</p>
<p><a class="thickbox" title="" href="/FileManager/Commons/2013/1/27/chetha-136-27-01-2013--21-30-36.jpg"><img src="/FileManager/Articles/mce/2013/1/27/chetha-136-27-01-2013--21-30-36.jpg" alt="" /></a></p>
<p><a class="thickbox" title="" href="/FileManager/Commons/2013/1/27/chetha-137-27-01-2013--21-31-01.jpg"><img src="/FileManager/Articles/mce/2013/1/27/chetha-137-27-01-2013--21-31-01.jpg" alt="" width="497" height="907" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>