<p>បង្ហាញខ្លួននៅឯពិធីជប់លៀងភាពយន្ដ Cannes 2012(បារាំង) ដើម្បីផ្សព្វផ្សាយខ្សែភាពយន្ដថ្មី<br />Chinese Zodiac តារាសំដែងផ្នែកក្បាច់គុន ឈឹនឡុង បានប្រកាសថា Chinese Zodiac គឺជា<br />ខ្សែភាពយន្ដចុងក្រោយរបស់ខ្លួន។</p>
<p>នៅឯពិធីជប់លៀងភាពយន្ដ Cannes 2012 លោកឈឹនឡុង តារាសំដែងវ័យ ៥៨ឆ្នាំ បានថ្លែងថា<br /> គាត់ចាស់ណាស់ហើយ មិនអាចសំដែងឈុតផ្សងគ្រោះថ្នាក់ទៀតបាន។ លោកថ្លែងថា ៖ "ខ្ញុំពិត<br />ជាមានការនឿហត់ខ្លាំងណាស់បន្ទាប់ពីរយៈពេលជាច្រើនទសវត្សដែលបានបង្ខំខ្លួន "ប្រយុទ្ធក្នុង<br />ការផ្សងគ្រោះថ្នាក់"។</p>
<table style="width: 100%;" border="0" align="center">
<tbody>
<tr>
<td>
<p class="storyInlinePhoto"><img src="http://www.thanhnien.com.vn/Pictures20125/Phuong%20Thanh/cuocdoi/th%C3%A0nh%20long.jpg" alt="" width="95%" /></p>
<p class="storyInlinePhoto"><img src="http://www.thanhnien.com.vn/Pictures20125/Phuong%20Thanh/cuocdoi/thanhlong2.jpg" alt="" width="95%" /></p>
<p><em>ឈឹនឡុង ក្នុងពិធីជប់លៀងខ្សែភាពយន្ដ Chinese Zodiac នៅឯ</em><span><em> Cannes 2012</em> <br /></span></p>
</td>
</tr>
</tbody>
</table>
<p>ដូច្នេះគេសន្និដ្ឋានថា Chinese Zodiac នឹងក្លាយជាខ្សែភាពយន្ដទី ១០០ របស់ឈឹនឡុង ហើយក៏<br />ជាខ្សែភាពយន្ដចុងក្រោយបំផុតដែលគាត់បានដើរតួជាតួអង្គប្រើប្រាស់ក្បាច់គុន។<em><br /></em></p>
<p>ខ្សែភាពយន្ដ Chinese Zodiac នេះ មានការចូលរួមសំដែងដោយក្រុមតារាល្បីៗក្នុងពិភពលោក<br />ជាច្រើនរូប ក្នុងនោះក៏មានតារាសំដែងមកពីកូរ៉េខាងត្បូង គឺលោក Kwon Sang Woo ផងដែរ។<br />ក្រៅពីចូលរួមក្នុងការសំដែង លោកឈឹនឡុងក៏ជាអ្នកនិពន្ធ អ្នកដឹកនាំ និងជាអ្នកផលិតខ្សែភាព<br />យន្ដនេះ។ លោកថ្លែងថា នេះគឺជាខ្សែភាពយន្ដមួយដែល "សំខាន់បំផុត" ក្នុងប្រវត្តិអាជីពរបស់<br />ខ្លួន។</p>
<p>គួររំឭកថា កាលពីទសវត្សទី ៩០ តារាសំដែងជើងចាស់ដ៏ល្បីល្បាញរូបនេះបានចូលទៅកាន់<br />ហូលីវូដ និងត្រូវបានគេស្គាល់ច្រើនតាមរយៈខ្សែភាពយន្ដដូចជា Rumble In The Bronx, Rush Hour, Shanghai Noon ។ល។ ក្រៅពីនេះ លោកឈឹនឡុងក៏ធ្លាប់ចូលរួមបញ្ជូលសម្លេងក្នុងខ្សែ<br />ភាពយន្ដ Kung Fu Panda ផងដែរ៕</p>
<p style="text-align: right;">ដោយ ៖ សូរីយ៉ា<br />ប្រភព ៖ Chinadaily/BM</p>