<p><span style="color: #000000;"><strong>(បាសេឡូណា)៖</strong> ក្របខណ្ឌបាល់ទាត់កំពូលប្រចាំទ្វីបអឺរ៉ុប UEFA Champions League នឹងចាប់ផ្តើមប្រកួតជម្រុះសន្សំពិន្ទុក្នុងពូលចាប់ពីរាត្រីនេះតទៅហើយ ដោយមានទាំងអស់ ៨គូប្រកួតនាម៉ោង ១៖៤៥នាទីរំលងអាធ្រាត្រ (ម៉ោងនៅកម្ពុជា) ក្នុងជើងទី១ រដូវកាលឆ្នាំ២០១៦-២០១៧។</span></p>
<p><span style="color: #000000;">៨ប្រកួតមុនគេនេះ គឺចាប់ផ្តើមចេញដំណើរពីពូល A រហូតដល់ពូល D ទាំងព្រមគ្នាតែម្តង ខណៈដែល ៨ប្រកួតទៀតនឹងធ្វើឡើងបន្តនៅរាត្រីថ្ងៃស្អែកក្នុងម៉ោងដដែលដូចគ្នា។ ក្នុងនោះដែរក្រុមរងជើងឯក Atletico Madrid ដែលបានចាញ់ Real Madrid ដោយបាល់ប៉េណាល់ទីកាលពីរដូវកាលមុននោះ បានធ្វើដំណើរទៅផ្ទះរបស់ក្រុម PSV Eindhoven គ្រាដែល Bayern Munich របស់អាល្លឺម៉ង់ស្វាគមន៍ក្រុម FC Rostov ប្រចាំពូល D។</span></p>
<p><span style="color: #000000;">ទន្ទឹមគ្នានោះ សម្រាប់ពូល C វិញ ម្ចាស់ផ្ទះ FC Barcelona នឹងបើកទ្វារពហុកីឡដ្ឋាន Camp Nou ទទួលស្វាគមន៍ក្រុមភ្ញៀវមកពីស្កុតឡេន Celtic ដែលជាក្រុមធ្លាប់យកឈ្នះ ៣-១ កាលពីក្នុងមិត្តភាពអន្តរជាតិ មុនបើករដូវកាលថ្មីម្តងមកហើយ។ នៅទឹកដី Camp Nou នេះ ក្រុមម្ចាស់ជើងឯក La Liga រដូវកាលមុនមួយនេះទើបតែបរាជ័យ ២-១ កាលពីថ្ងៃសៅរ៍សប្តាហ៍មុន ក្រោមថ្វីជើងរបស់ក្រុមទើបឡើងមកថ្មី Alves ដោយមិននឹកស្មានដល់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/13/13d-13-09-2016--14-02-41.jpg"><img src="/FileManager/Articles/mce/2016/9/13/13d-13-09-2016--14-02-41.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>