<p><span style="color: #000000;"><strong>ព្រះសីហនុ</strong> : លោកឧត្តមសេនីយ៏ ជួន ណារិន្ទ ស្នងការនគរបាល ខេត្តព្រះសីហនុ បានថ្លែងបន្តថា ករណីលិចទូសអូសនេសាទ នៅលើផ្ទៃសមុទ្រនោះ រហូតមកដល់ពេលនេះ ប្រជានេសាទ ចំនួន៧នាក់ បានរួចផុតពីសុវត្ថិភាពហើយ ។</span></p>
<p><span style="color: #000000;">លោកស្នងការ បានបញ្ជាក់ថា នៅពេលនេះ យើងបានសហការការ ជាមួយ កងវរះលេខ១កោះរ៉ុង និងយោធានៅមូលដ្ឋានរាម ចេញសង្គ្រោះ ប្រជានេសទម្នាក់ទៀតហើយ ។</span></p>
<p><span style="color: #000000;">បើតាមលោកស្នងការ នៅតំបន់នោះ មានរលកធំៗ ណាស់ ដែលធ្វើអោយមានការលិចទូករបស់ពួកគាត់តែម្តង ។</span></p>
<p><span style="color: #000000;">ប្រភពព័ត៌មានចុងក្រោយបានឲ្យដឹងថា កម្មករទូក ដែលបាត់ខ្លួននៅកោះរ៉ុងនោះ គេរកឃើញហើយ កំពុងជាប់លើល្បាក់ ចំណោទ ថ្មលើកោះ មិនមានអ្នកស្លាប់នោះទេ ហើយកងទ័ពជើងទឹកកំពុងជួយរកវិធីដាក់ខ្សែពួជួយសង្រ្គោះ។</span></p>
<p><span style="color: #000000;">គួរបញ្ជាក់ថា កាលពីវេលាម៉ោង ៣ទាបភ្លឺ ថ្ងៃទី២៣ ខែមិថុនា ឆ្នាំ២០១៥ មានទូកនេសាទ មួយគ្រឿង ប្រភេទអូសអួន មានកម្មករចំនួន៧នាក់ បានលិចនៅខាងលិចកោះរ៉ុង (មុខថ្មជញ្ជាំង) ដោយសារខ្យល់ព្យុះ និងរលកធំៗ ។</span></p>
<p><span style="color: #000000;">សមត្ថកិច្ចបានឲ្យដឹងថា ម្ចាស់ទូកនេះខាងលើនេះ មានឈ្មោះ ឃឹម ជាវុទ្ធី ភេទប្រុស អាយុ៤៨ឆ្នាំ មានមុខរបរ ជាអ្នកនេសាទ រស់នៅក្រុមទី២៧ ភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។ សមត្ថកិច្ចបានឲ្យដឹងថា ទូកអ្នកនេសាទរបស់ជនរងគ្រោះ ត្រូវបានខូចខាតទាំងស្រុង ដោយសាររលក បោក ចំណែកកម្មករទាំងអស់ ត្រូវបានជួយសង្រ្គោះទាន់ពេលវេលា៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/23/6-23-2015-12-36-04-pm-23-06-2015--12-46-55.png"><span style="color: #000000;"><img src="/FileManager/Articles/mce/2015/6/23/6-23-2015-12-36-04-pm-23-06-2015--12-46-55.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/6/23/6-23-2015-12-35-45-pm-23-06-2015--12-47-07.png"><span style="color: #000000;"><img src="/FileManager/Articles/mce/2015/6/23/6-23-2015-12-35-45-pm-23-06-2015--12-47-07.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>