<div class="body">
<div class="container">
<div class="row-fluid">
<div class="item-page">
<div>
<p><span style="color: #000000;"><strong>(ភ្នំពេញ)៖</strong> បន្ទាប់ពីការប្រកួតមិត្តភាពរវាង All Stars កម្ពុជា និងក្រុម All Stars ឡាវ បានបញ្ចប់ដោយក្រុមម្ចាស់ផ្ទះជាអ្នកឈ្នះ ៣-២ កាលពីចុងសប្ដាហ៍កន្លងទៅហើយនោះ គេឃើញអ្នកចាំឆ្នើមនៃក្រុមជម្រើសជាតិកម្ពុជាទាំង ២រូប គឺកីឡាករ ស៊ូ យ៉ាទី និងសិស្សប្អូន អ៊ុ សេរីរ័ត្ន បានសរសេរសារខ្លីរៀងៗខ្លួន បង្ហោះលើ Facebook ដែលមើលទៅដូចជាមានទំនាស់ដោយប្រយោលជាមួយគ្នាអញ្ចឹង ។</span></p>
<p><span style="color: #000000;">សម្រាប់អ្នកចាំទីវ័យចាស់ ដែលទទួលបានរហ័យនាមជាអ្នកចាំទីដៃស្អិត ស៊ូ យ៉ាទី បានសរសេរសារបង្ហោះលើ FB ផ្ទាល់ខ្លួន កាលពីម្សិលមិញថា «បើសិនជាអ្នកស្អប់ខ្ញុំ...? អ្នកអាចប្រាប់ខ្ញុំបាន.. សូមកុំធ្វើបែបនេះដាក់ខ្ញុំ..! មុនស្សបើនៅជាមួយគ្នាមិនទុកចិត្តគ្នាទេ ok ទុកអោយខ្ញុំជាអ្នកដើរចេញ.....» ។</span></p>
<p><span style="color: #000000;">បន្ទាប់មកនៅមុននេះបន្ដិច អ្នកចាំទីវ័យក្មេង កំពុងកសាងកេរ្ដិ៍ល្បីល្បាញក្នុងប្រទេសកម្ពុជា និងតំបន់ អ៊ុ សេរីរ័ត្ន ក៏បានបង្ហោះសារខ្លីមួយ ដែលមើលទៅដូចជាឆ្លើយតបទៅនឹងសាររបស់រាមច្បង ស៊ូ យ៉ាទី ។ សេរីរ័ត្ន បានសរសេរថា «បើអ្នកគិតថាការចាកចេញរបស់អ្នកធ្វើអោយអ្នកសប្បាយចិត្តខ្ញុំសុខចិត្តអោយអ្នកធ្វើតាមចិត្តរបស់អ្នកចុះ Good bay» ។</span></p>
<p><span style="color: #000000;">ការបង្ហោះសារដំណាលគ្នាបែបនេះ បានធ្វើឲ្យអ្នកគាំទ្រមានការងឿងឆ្ងល់ជាខ្លាំង ប៉ុន្ដែគេមិនទាន់ចាប់អារម្មណ៍ខ្លាំងនោះទេ នៅពេល ស៊ូ យ៉ាទី បង្ហោះសារម្នាក់ លុះដល់ អ៊ុ សេរីរ័ត្ន បង្ហោះសារមួយបន្ថែមទៀត ទើបគេគិតថា ប្រហែលជាពួកគេ មានរឿងអ្វីមិនស្រួល ឬមានទំនាស់អ្វីហើយ បានជានាំគ្នាសរសេរបែបនេះ ។ ម្យ៉ាងការលើកឡើងបែបនេះ ក៏ស្របពេល ស៊ូ យ៉ាទី មិនបានបង្ហាញវត្តមានពេល All Stars កម្ពុជា យកឈ្នះ All Stars ឡាវ កាលពីថ្ងៃមុន ដែលសង្គ្រោះពេញមួយប្រកួតដោយ អ៊ុ សេរីរ័ត្ន ក៏ថាបានដែរ ។</span></p>
<p><span style="color: #000000;">ទោះជាយ៉ាងណា គេមិនទាន់ដឹងច្បាស់ថា អ្នកចាំទីឆ្នើមទាំងពីរ មានរឿងអ្វីនឹងគ្នា ឬមានរឿង ២ផ្សេងគ្នានោះទេ ព្រោះលេខទូរស័ព្ទអ្នកទាំងពីរ ដែលធ្លាប់ប្រើ គឺទាក់មិនចូល ដូច្នេះភ្នាក់ងារគេហទំព័រ KhmerTaking មិនអាចសុំការបកស្រាយពីពួកគេបានឡើយ ។ ប៉ុន្ដែបើយោងតាមសារខ្លីៗខាងលើ គេជឿជាក់ថា ពួកគេច្បាស់ជាមានរឿងនឹងគ្នាជាមិនខាន ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/10259839_1707931592779692_3273595498434833209_n.jpg?oh=8829ea94663bf6916811973750aecb33&oe=57802B1A" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/5953_1707931589446359_7708095875364414424_n.jpg?oh=9ebc456c5fe62518ec265ea76bfb959a&oe=574C6150" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/935370_1707931582779693_2751607725989586688_n.jpg?oh=65659462021da85b0bb7d8656b531a0f&oe=5792CBE5" alt="" width="730" /></span></p>
</div>
</div>
<div id="aside" class="span3">
<div class="well ">
<div class="custom">
<div>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span style="color: #000000;"><br /></span></div>
</div>
<div>
<div id="myslideshow" class="flashclass">
<div id="myslideshow_inner"></div>
</div>
</div>
<div></div>
<div><br /><br /></div>
<div></div>
</div>
</div>
</div>
</div>
</div>
</div>