<div class="article-content">
<p><strong>ភ្នំពេញ ៖</strong> ហេតុការណ៍ភ្ញាក់ផ្អើល យ៉ាងកក្រើកមួយ បានកើតឡើង ក្នុងភូមិសាស្រ្តខណ្ឌដង្កោ <br />ក្នុងខណៈ ដែលសមត្ថកិច្ចនគរបាលចម្រុះ ក្នុងមូលដ្ឋានបានដេញចាប់ជនសង្ស័យម្នាក់ ជិះម៉ូតូ<br />អ៊ែប្លែក ដោយសង្ស័យ ពាក់ព័ន្ធទៅនឹងករណីបទល្មើសព្រហ្មទណ្ឌ ។ ហេតុការណ៍នេះបាន<br />កើតឡើង កាលពីវេលាម៉ោង ១១ និង ១០នាទីព្រឹក នៅតាមបណ្តោយផ្លូវលេខ២១៧ ទល់មុខ<br />បុរីប៉េងគង់ ក្នុងភូមម័រ សង្កាត់ដង្កោ ខណ្ឌដង្កោ។</p>
<p>លោកអធិការដ្ឋាននគរបាលខណ្ឌដង្កោ យឹមសារ៉ាន់ បានឲ្យដឹងថាមុននឹងឈានដល់ការឃាត់<br />ខ្លួន ជនសង្ស័យខាងលើនេះ គឺរូបលោកបានបញ្ជាឲ្យកូនចៅក្រោមឱវាទ ចុះល្បាតតាមមូល<br />ដ្ឋាន ក្នុងបំណងការពារសុវត្ថិភាព ប្រជាពលរដ្ឋឲ្យស្របទៅតាម គោលនយោបាយ ភូមិ <br />សង្កាត់ មានសុវត្ថិភាព ហើយខណៈ ដែលកម្លាំងរបស់លោក បានឃើញជនសង្ស័យម្នាក់ជិះ<br />ម៉ូតូ អ៊ែប្លែក ពណ៌ទឹកប្រាក់ ពាក់ស្លាកលេខព្រះសីហនុ 1A-5530 ជិះធ្វើដំណើរតាមបណ្តោយ<br />ផ្លូវលេខ២១៧ ស្ថិតក្នុងការសង្ស័យ ទើបរូបលោកបញ្ជាឲ្យ កម្លាំងចម្រុះក្នុងខណ្ឌដង្កោ ចេញ<br />គ្រប់ច្រកល្ហក ពួនស្ទាក់ និងដេញចាប់ជនសង្ស័យនោះ យកមកធ្វើការ សាកសួរ ។ </p>
<p>ក្នុងប្រតិបត្តិការដេញចាប់ជនសង្ស័យយ៉ាងប្រផាប់ប្រភីងខាងលើនេះ គឺកម្លាំងនគរបាលមូល<br />ដ្ឋានប៉ុស្តិ៍ដង្កោ ឃើញជនសង្ស័យជិះម៉ូតូម្នាក់ឯង ស្ថិតក្នុងសភាពភ័យខ្លាច ដូច្នេះកម្លាំងក៏បាន<br />ដេញចាប់ ព័ទ្ធជន សង្ស័យដើម្បីសាកសួរ ប៉ុន្តែជនសង្ស័យមិនបានឈប់ម៉ូតូ ក៏បានព្យាយាម<br />ជិះរត់គេចខ្លួន តាំងពីមុខវត្ត សំបួរមាស ទៅដល់គោលដៅនគរបាលកំពុងល្បាត ក្នុងសង្កាត់<br />ជើងឯក ដោយជនសង្ស័យឃើញ មាននគរ បាលកំពុងឈរពួនស្ទាក់រូបគេក៏បានត្រឡប់ម៉ូតូ<br />ជិះរត់គេចខ្លួនរហូតមកដល់ចំណុចកើតហេតុខាងលើទើបត្រូវនគរបាលដែលកំពុងដេញចាប់<br /> បានហក់ធាក់បណ្តាលឲ្យដួលម៉ូតូទៅនឹងថ្នល់រួមកម្លាំងនគរ បាលចាប់វាយខ្នោះយកមកកាន់<br />នគរបាល អធិការដ្ឋាននគរបាលខណ្ឌដង្កោភ្លាមៗតែម្តង។</p>
<p>ទាក់ទិននឹងករណីនេះ សមត្ថកិច្ចនៅមិនទាន់បញ្ជាក់បានថា ជនសង្ស័យពាក់ព័ន្ធនឹងករណីអ្វី<br />មួយឲ្យ ប្រាកដនៅឡើយទេ ប៉ុន្តែជនសង្ស័យខាងលើនេះ ត្រូវបានគេសន្និដ្ឋានថា ពាក់ព័ន្ធ<br />នឹងបទល្មើស ជួញដូរ ម៉ូតូគេចពន្ធ (លួចពីគេមកលក់ឲ្យអ្នកដទៃ)។ ហើយជនសង្ស័យរូបនេះ<br /> មានឈ្មោះ ធី វិរៈ ភេទប្រុស អាយុ ២៦ឆ្នាំ មានស្រុកកំណើត នៅភូមិពោធិ៍ ឃុំមេសថ្នក <br />ស្រុកចន្ទ្រា ខេត្តស្វាយរៀង។</p>
<p>គួរបញ្ជាក់ថា ជនសង្ស័យបច្ចុប្បន្នកំពុងឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌ<br />ដង្កោ រង់ចាំ ធ្វើការសាកសួរឲ្យបានច្បាស់និងកសាងសំណុំរឿងដើម្បីបញ្ជូនទៅសាលាដំបូង<br />រាជធានីភ្នំពេញ ផ្តន្ទា ទោសតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0621.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-015/T-0622.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0623.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0624.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0625.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0626.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0627.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>