<p><span style="color: #000000;"><strong>(កោះកុង)៖</strong> រយៈពេលប៉ុន្មានថ្ងៃនេះតាមបណ្តាញសង្គម Facebook មានការចែករំលែកព័ត៌មានតៗគ្នា ករណីកម្លាំងនគរបាលការិយាល័យកណ្តាលប្រឆាំងបទល្មើសសេដ្ឋកិច្ច ខេត្តកោះកុង ឃាត់រថយន្តមួយគ្រឿង ដឹកផ្លែចេកដោយសង្ស័យបង្កប់ឈើក្រញូងពីក្រោម ស្រាប់តែក្រោយការរុះរើផ្លែចេករួច មិនឃើញឈើទាល់តែសោះ បានធ្វើឲ្យម្ចាស់រថយន្តស្រែកទាមទាររកយុត្តិធម៌ពីថ្នាក់ដឹកនាំ ពីព្រោះបានធ្វើឲ្យចេកខូចខាត នាំឲ្យលក់មិនដាច់ ខណ:ដែលដើមទន់ទិញចេក ត្រូវខ្ចីពីធនាគារ។</span></p>
<p><span style="color: #000000;">យ៉ាងណាក៏ដោយ មន្រ្តីនគរបាលជាន់ខ្ពស់ខេត្តកោះកុង បានចេញមកបញ្ជាក់ដោយហេតុផលថា ប្រតិបត្តិការស្ទាក់ចាប់រថយន្តដឹកចេកខាងលើនេះ បានធ្វើឡើង ពីគណ:កម្មការ ដឹកនាំដោះព្រះរាជអាជ្ញាទៀតផង ហើយរាល់ការលើកដាក់នោះ គឺសមត្ថកិច្ចជាអ្នកដោះស្រាយ។</span></p>
<p><span style="color: #000000;">ករណីចោទគ្នាទៅវិញទៅមករវាងអ្នករកសីុលក់ចេក និងសមត្ថកិច្ចខេត្តកោះកុង បានកើតឡើងនៅវេលាម៉ោង ១រំលងអាធ្រាត្រឈានចូលថ្ងៃទី១ ខែកក្កដា ឆ្នាំ២០១៦ ស្ថិតនៅស្រុកមណ្ឌលសីមា ជាប់ព្រំប្រទល់ស្រុកវាលវែង ខេត្តពោធិសាត់។</span></p>
<p><span style="color: #000000;">លោក សុខ រតនា ហៅវិត អាយុ២៦ឆ្នាំ រស់នៅស្រុកមណ្ឌលសីមា ជាម្ចាស់រថយន្តដឹកចេក បានស្រែកទ្រហោយំប្រាប់ក្រុមអ្នកកាសែតថា លោករកសីុតែដឹកចេកទេ គ្មានទៅរកសីុដឹកឈើដូចគេថានោះឡើយ ហើយឥឡូវចេកជាង២ពាន់ស្និត ត្រូវខូចខាតដោយសារសមត្ថកិច្ចរុុះរើចេញពីរថយន្ត ដែលត្រូវប្រឈមការខាតយ៉ាងច្រើន ដោយសារតែគ្មានម៉ូយទិញបន្តទៀត ដូច្នេះសូមអំពាវដល់ថ្នាក់ដឹកនាំជួយអន្តរាគមន៍ ស្វែងរកយុត្តិធម៌ឲ្យផង។</span></p>
<p><span style="color: #000000;">ស្រ្តីជាភរិយា បានថ្លែងថា មុននឹងសមត្ថកិច្ចធ្វើការស្ទាក់រថយន្តដោយសង្ស័យថា មានលួចដឹកឈើពីក្រោមនោះ សូមសើុបឲ្យបានច្បាស់ កុុចាប់អ្នករកសីុត្រឹមត្រូវ ហើយឲ្យអ្នករកសីុទុច្ចរិតទៅបាត់នោះទេ។</span></p>
<p><span style="color: #000000;">យ៉ាងណាក៏ដោយ យោងតាមរបាយការណ៍របស់ការិយាល័យកណ្តាលប្រឆាំងបទល្មើស ខេត្តកោះកុង បានបញ្ជាក់ថា ដោយមានប្រជាពលរដ្ឋ រាយការណ៍ ផ្តល់ព័ត៌មានថា មានរថយន្តដឹកផ្លែចេក បង្កប់ឈើក្រញូង ចេញពីចំណុចក្នុងភូមិ អូសោម ស្រុកវាលវែងខេត្តពោសាត់ មកខេត្តកោះកុងនោះ កម្លាំងការិយាល័យប្រឆាំងបទល្មើសសេដ្ឋកិច្ច បានធ្វើការឃាត់ត្រួតពិនិត្យ នាំយកមកកាន់ស្នងការដ្ឋាននគរបាលខេត្ត។</span></p>
<p><span style="color: #000000;">របាយការណ៍បានបន្តទៀតថា ក្រោយកម្លាំងជំនាញឆ្លងយោបល់លោកស្នងការ និងលោក ព្រះរាជអាជ្ញា ទើបឲ្យកម្លាំងការពាររង់ចាំព្រឹក បង្កើតគណ:កម្មការធ្វើការឆែកឆេរ ដែលការឆែកឆេរនោះ ដឹកនាំដោយ លោក អីុវ ត្រាយ ព្រះរាជអាជ្ញារង អយ្យកាអមសាលាដំបូង ខេត្តកោះកុង។</span></p>
<p><span style="color: #000000;">ប៉ុន្តែ ជាលទ្ធផលមិនមានឈើក្រញីង ទេ ហើយក៏ធ្វើកំណត់ហេតុប្រគល់ជូនម្ចាស់ភ្លាមៗវិញ ដោយគ្មានការខូចខាតអ្វី្វទាំងអស់ ហើយរាល់ការចំណាយ ថ្លៃកម្មករលើកចុះ ឡើងនគរបាលជាអ្នកដោះស្រាយ។</span></p>
<p><span style="color: #000000;">ជាមួយគ្នានេះ សមត្ថកិច្ចបានបញ្ជាក់ថា អ្នករកសីដឹកចេក មិនសូវមានការសហការ ជាមួយសមត្ថកិច្ចនោះទេ ហើយនៅវេលាម៉ោង៨ ព្រឹកថ្ងៃទី៣ ខែកក្កដា ឆ្នាំ២០១៦នេះ ម្ចាស់ចេក បានមកទទួលផ្លែចេកទៅវិញហើយ។</span></p>
<p><a class="thickbox" title="" href="/FileManager/Commons/2016/7/4/1-04-07-2016--09-54-42.png"><img src="/FileManager/Articles/mce/2016/7/4/1-04-07-2016--09-54-42.png" alt="" /></a></p>
<p><br /><a class="thickbox" title="" href="/FileManager/Commons/2016/7/4/1-04-07-2016--09-54-42.png"></a></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F573149589523503%2F&show_text=0&width=560" frameborder="0" width="500" height="315"></iframe></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>