<p>ប៉ុន្មានម៉ោងមុននេះ NASA បានប្រកាសថា ខ្លួនបានរកឃើញភពថ្មីមួយដែលមានលក្ខណៈដូច<br />បេះបិទទៅនឹងផែនដីរបស់មនុស្ស ហើយក៏បានដាក់ឈ្មោះឱ្យភពនេះថា Kepler-452។ ភព<br />នេះនៅក្នុងប្រព័ន្ធព្រះអាទិត្យដទៃមួយ ស្ថិតក្នុងកញ្ចុំផ្កាយ Cygnus នៃ Milky Way មានចម្ងាយ<br /> ពីផែនដីប្រមាណ ១៤០០ឆ្នាំពន្លឺ។</p>
<p style="text-align: center;"><a class="thickbox" title="" href="/FileManager/Commons/2015/7/25/kepler-452-1-25-07-2015--09-26-58.jpg"><img src="/FileManager/Articles/mce/2015/7/25/kepler-452-1-25-07-2015--09-26-58.jpg" alt="" /></a></p>
<p>ភ្លាមៗនោះ អ្នកស្នេហាផ្នែកវិទ្យាសាស្ដ្រទូទាំងពិភពលោក នាំគ្នាស្វាគមដំណឹងនេះយ៉ាងរីករាយ<br /> ព្រោះថា នេះគឺជាការរកឃើញដ៏អស្ចារ្យមួយ ទាក់ទិននឹងការស្វែងរកមនុស្សភពក្រៅ។ ជាង<br />នេះ មានអ្នកខ្លះគិតថា គួរតែបញ្ជូនបណ្ដាយានអវកាសទៅកាន់ភពនេះដើម្បីស្រាវជ្រាវ ប៉ុន្តែ <br />តើវាមានភាពសាមញ្ញ និងងាយស្រួលដល់កម្រិតណា?</p>
<p>សូមបញ្ជាក់ថា "ឆ្នាំពន្លឺ" គឺជារយៈចម្ងាយ មិនមែនរយៈពេលនោះទេ ដូច្នេះ វានៅឆ្ងាយណាស់។</p>
<p>បច្ចុប្បន្ន យានអវកាសដែលមានល្បឿនលឿនបំផុតនាបច្ចុប្បន្ន នោះគឺ New Horizons កំពុង<br />បំពេញបេសកកម្មនៅកូនភពភ្លុយតុង។ លឿនរបស់ New Horizons ប្រហែលនឹង 15,73 km/s <br />គឺប្រមាណជា 496.061.280 km/ឆ្នាំ។</p>
<p>ចម្ងាយពីផែនដីរបស់មនុស្ស ទៅកាន់ផែនដីថ្មីដែលទើបរកឃើញនេះ គឺ 1400 ឆ្នាំពន្លឺ ហើយ<br />មួយឆ្នាំពន្លឺប្រហែលនឹងរយៈចម្ងាយ 9.460.730.472.580,8 km ដូច្នេះ យើងអាចគិតចេញជា<br />ពេលវេលាមួយ ដែលថា តើមនុស្សត្រូវចំណាយពេលប៉ុន្មានទើបអាចទៅដល់ភពផែនដីទី<br />ពីរនេះ ៖ (9.460.730.472.580,8/496.061.280) x 1.400 = 26.700.375,9326 ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2015/7/25/kepler-452-2-25-07-2015--09-33-05.jpg"><img src="/FileManager/Articles/mce/2015/7/25/kepler-452-2-25-07-2015--09-33-05.jpg" alt="" /></a></p>
<p style="text-align: center;">លឿនរបស់ New Horizons ប្រហែលនឹង 15,73 km/វិនាទី គឺប្រមាណជា<br /> 496.061.280 km/ឆ្នាំ។<br /><br /></p>
<p>លទ្ធផលខាងលើបង្ហាញថា មនុស្សត្រូវការពេលដល់ទៅ ជាង 26 លានឆ្នាំ ទើបអាចទៅដល់<br />ភពថ្មីនេះ។ ដូច្នេះ គ្មានយានអវកាសណាមួយ មានលទ្ធភាពហោះទៅដល់ភពនេះបានឡើយ<br /> នាបច្ចុប្បន្ន។ ប៉ុន្តែ ក្ដីសង្ឃឹមនៅតែមាន ព្រោះថា វិទ្យាសាស្ដ្រមិនដែលនៅមួយកន្លែងនោះទេ <br />ពោលគឺតែងតែរីកចម្រើនជានិច្ច ហើយថ្ងៃណាមួយ មនុស្សលោកនឹងអាចទៅដល់ភពផែនដី<br />ទីពីរនេះមិនខាន៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Space</p>