<p><span style="color: #000000;"><strong>ភ្នំពេញ៖</strong> បុគ្គលិកក្រុមហ៊ុន<strong> KTC Cable Co.,Ltd</strong> ដែលមានអាសយដ្ឋានបច្ចុប្បន្ននៅផ្លូវ ទំនប់កប់ស្រូវ ភូមិត្រពាំងពោធិ៍ សង្កាត់គោករកា ខណ្ឌព្រែកព្នៅ បានផ្ញើលិខិតថ្មីមួយច្បាប់ទៀត ដើម្បីឲ្យមជ្ឈមណ្ឌលព័ត៌មានដើមអម្ពិល ជួយចុះផ្សាយរឿងថៅកែក្រុមហ៊ុន ដែលជាជនជាតិកូរ៉េ មិនព្រមចូលខ្លួនមកដោះស្រាយ និងបើកប្រាក់ខែជូនបុគ្គលិក បណ្ដាយឲ្យបុគ្គលិកជួបប្រទះ នូវការលំបាកយ៉ាងខ្លាំង។</span></p>
<p><span style="color: #000000;"><strong>ដោយមិនអត្ថាធិប្បាយវែងឆ្ងាយ មជ្ឈមណ្ឌលព័ត៌មានដើមអម្ពិលយើងខ្ញុំ សូមដកស្រង់ខ្លឹមសារទាំងស្រុងក្នុងលិខិតនេះ ដូចខាងក្រោម៖</strong></span></p>
<p><span style="color: #000000;"><strong>លោកអគ្គនាយក មជ្ឈមណ្ឌលព័ត៌មានដើមអម្ពិល ជាទីគោរព !</strong></span><br /><span style="color: #000000;">កាលពីថ្ងៃទី០៩ ខែតុលា ឆ្នាំ២០១៥ លោកបានចុះផ្សាយម្តងរួចមកហើយ អំពីយើងខ្ញុំ ដែលថៅកែក្រុមហ៊ុន ឈ្មោះ <strong>KIM MYUNG IL</strong> ជនជាតិកូរ៉េ មិនបានបើកប្រាក់ខែ ខែកញ្ញា ឆ្នាំ ២០១៥ ឲ្យយើងខ្ញុំ ។ យើងខ្ញុំពិតជាអរគុណលោក និងសហការី ខ្លាំងណាស់ ចំពោះកាយវិកានិងទឹកចិត្តស្មោះស ជួយយើងខ្ញុំ ក្នុងនាមជាជនជាតិខ្មែរ មានឈាមជ័រតែមួយ។</span></p>
<p><span style="color: #000000;"><strong>ជាថ្មីម្តងទៀត យើងខ្ញុំ សូមលោកអគ្គនាយក មេត្តាជួយចុះផ្សាយម្តងទៀត ដោយក្តីអនុគ្រោះថា មកដល់ថ្ងៃនេះ (ថ្ងៃទី១៩ ខែតុលា ឆ្នាំ២០១៥) វេលាម៉ោង ៥៖០០នាទី ល្ងាច ថៅកែរូបនេះ នៅតែមិនបានបើកប្រាក់ខែ ខែកញ្ញា ឆ្នាំ២០១៥ ឲ្យយើងខ្ញុំដដែល ថែមទាំងមិនបានផ្តល់ដំណឹងច្បាស់លាស់ សូម្បីតែមួយម៉ាត់ ។</strong></span></p>
<p><span style="color: #000000;"><strong>តាមរយៈគេហទំព័រ របស់លោកអគ្គនាយក យើងខ្ញុំសូមមេត្តាជួយសង្គ្រោះ និងជួយអន្តរាគមន៍ពីសម្តេចតេជោ ហ៊ុន សែន និងសម្តេចកត្តិព្រឹត្តិបណ្ឌិត ប៊ុន រ៉ានី ហ៊ុន សែន ដែលសម្តេចទាំងទ្វេ គឺជាម្លប់ ជាទីកក់ក្តៅ ជាក្តីសង្ឃឹម របស់យើងខ្ញុំ មេត្តាជួយសម្របសម្រួលដោយក្តីអនុគ្រោះ ព្រោះយើងខ្ញុំម្នាក់ៗ កំពុងជួបការលំបាក ហើយពឹងផ្អែកតែលើប្រាក់ខែប៉ុណ្ណោះ ដើម្បីដោះស្រាយជីវភាពប្រចាំថ្ងៃ បង់ថ្លៃផ្ទះជួលស្នាក់នៅ និងបង់រំលោះប្រាក់កម្ចីធនាគារ។</strong></span></p>
<p><span style="color: #000000;"><strong>សូមសម្តេចតេជោ ហ៊ុន សែន និងសម្តេចកិត្តិព្រឹត្តិបណ្ឌិត មេត្តាទទួលនូវការគោរពដ៏ខ្ពង់ខ្ពស់បំផុត និងក្តីស្រឡាញ់បំផុត អំពីយើងខ្ញុំ៕</strong></span></p>
<p><strong><a class="thickbox" title="" href="/FileManager/Commons/2015/10/20/10-20-2015-9-50-15-am-20-10-2015--09-56-49.png"><img src="/FileManager/Articles/mce/2015/10/20/10-20-2015-9-50-15-am-20-10-2015--09-56-49.png" alt="" /></a></strong></p>
<p><a class="thickbox" title="" href="/FileManager/Commons/2015/10/20/10-20-2015-9-50-02-am-20-10-2015--09-57-01.png"><img src="/FileManager/Articles/mce/2015/10/20/10-20-2015-9-50-02-am-20-10-2015--09-57-01.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><strong><br /></strong></p>