<div class="article-content">
<p><strong>ភ្នំពេញ ៖</strong> នារីរត់តុ នៅហាងអាន់ឆ័រ៩៩ ត្រូវបានបុរសម្នាក់ ក្រៀកយកទៅចាប់ រំលោភតែមិន<br />បានសម្រេច នៅពេលដែល នារីរងគ្រោះ កំពុងតែដើរម្នាក់ឯងទៅផ្ទះ របស់ខ្លួន ក្រោយពីត្រឡប់<br />មកចូលរួមពិធី ខួបកំណើតកូន ថៅកែហាង ។</p>
<p>ករណីចាប់រំលោភ មិនបានសម្រេចខាង លើនេះ បានកើតឡើង កាលពីវេលាម៉ោង ៣ទៀបភ្លឺ <br />ថ្ងៃទី៣០ ខែមិថុនា ឆ្នាំ២០១៣ ស្ថិតនៅតាមផ្លូវលំក្នុងភូមិត្រញំងឈូក សង្កាត់ទឹកថ្លា ខណ្ឌសែន<br />សុខ។ ជនសង្ស័យ រូបនេះ ត្រូវបានអ្នកជិតខាងជួយចាប់ប្រគល់ ជូនសមត្ថកិច្ចមូលដ្ឋាន នៅពេល<br />នារីរងគ្រោះ បានស្រែកឱ្យគេជួយ ។</p>
<p>យោងតាមរបាយការណ៍របស់នគរបាល ខណ្ឌសែនសុខបានឱ្យដឹងថា ជនសង្ស័យរូបនេះ ឈ្មោះ<br /> សុខ ជា អាយុ ៣៧ឆ្នាំ មុខរបរ នៅផ្ទះ មានស្រុកកំណើត នៅស្រុកចំការ លើ ខេត្ដកំពង់ចាម រីឯ<br />នារីរងគ្រោះឈ្មោះ ស.ល អាយុ ២១ឆ្នាំ មុខរបរ ជាអ្នករត់តុ នៅហាងអាន់ឆ័រ ៩៩ ។</p>
<p>យោងតាមរបាយការណ៍ដដែលមុនពេលកើតហេតុ ពោលនៅយប់ថ្ងៃទី២៩ ខែ មិថុនា ឆ្នាំ ២០១៣<br /> នៅក្នុងហាងផឹកស៊ីខាង លើនេះ មានកម្មវិធីខួបកំណើតដែលជាកូន របស់ម្ចាស់ហាង ពេលនោះ<br />អ្នកធ្វើការនៅ ក្នុងហាង ព្រមទាំងនារីរងគ្រោះបានចូលរួម ទាំងអស់គ្នា ។ លុះពេលកម្មវិធីចប់នារី<br />រងគ្រោះត្រូវបានម្ចាស់ហាង ដឹកតាមរថយន្ដ ជូនមកកាន់លំនៅដ្ឋាន ប៉ុន្ដែ បានឈប់នៅ ច្រកចូល<br />ផ្ទះ ។ ក្រោយពីឈប់រួច នារីរង គ្រោះបានដើរទៅផ្ទះជួលរបស់ខ្លួន ប្រមាណ ៣០០ម៉ែត្រពីច្រក<br />ចូល ក៏លេចមុខជនសង្ស័យ រូបនេះចូលទៅក្រៀកក រួចហើយចាប់ផ្ដួល បំណងរំលោភ ប៉ុន្ដែត្រូវ<br />បាននារីរងគ្រោះ ស្រែកឱ្យគេជួយ ក៏ឮដល់អ្នកជិតខាងចេញ មកជួយអន្ដរាគមន៍ វាយមួយដៃមួយ<br />ជើង ហើមមុខហើមមាត់ រួចប្រគល់ឱ្យសមត្ថកិច្ច តែម្ដងទៅ។ បច្ចុប្បន្នជនសង្ស័យរូបនេះត្រូវបាន<br />ឃុំខ្លួនជាបណ្ដោះអាសន្ននៅអធិការដ្ឋាននគរបាល ខណ្ឌសែនសុខ ដើម្បីកសាងសំណុំរឿងបញ្ជូន<br />ទៅតុលាការចាត់ការតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0022.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>