<p><strong>ភ្នំពេញៈ</strong> ក្រោយពីគេហទំព័រ LookingTODAY បានចេញផ្សាយអត្ថបទមួយ មានចំណងជើងថា<br /> “ ភិន សុដាលីស មិនចង់រំឭកពីរឿងផ្តាច់ពាក្យ ជាមួយអតីតគូដណ្តឹង ” ចេញផ្សាយ កាលពីថ្ងៃទី<br />២៦ ខែកញ្ញា កន្លងទៅនេះ ស្រាប់តែ គូដណ្តឹងរបស់ ភិន សុដាលីស លោក ប៉ែន តុលា បានចេញ<br />មុខបកស្រាយទទួលស្គាល់កំហុស និងបង្ហាញសញ្ញាចង់ត្រូវរ៉ូវគ្នាវិញ ជាមួយអតីតគូដណ្តឹងវ័យ<br />ក្មេង ដែលលោកគិតថា គ្រាន់តែមានជម្លោះប្រកាន់ពាក្យសម្ដីគ្នាបន្តិចបន្ទួច មិនគួរត្រូវឃ្លាតឆ្ងាយ<br />ពីគូដណ្ដឹង ធ្លាប់សាងអនុស្សាវរីយ៍រាប់មិនអស់ជាមួយគ្នាបែបនេះទេ ។</p>
<p>តារាសម្តែងបុរសរូបសង្ហាមាឌធំ លោក ប៉ែន តុលា បានចេញមុខប្រាប់ LookingTODAY នៅថ្ងៃទី<br />២៧ ខែកញ្ញា ឆ្នាំ២០១៣នេះថា លោកទទួលស្គាល់កំហុស គ្រប់បែបយ៉ាង ដែលកើតឡើងកន្លងមក<br /> រហូតធ្វើឲ្យចំណងស្នេហ៍របស់លោក ឈានដល់ការបែកបាក់គ្នា និងដល់ថ្នាក់ត្រូវផ្តាច់ពាក្យជាមួយ<br />គ្នា មិនបានគិតមុខគិតក្រោយ ។ ពេលនេះធ្វើឲ្យលោកមានអារម្មណ៍ស្តាយក្រោយ ចង់ធ្វើគ្រប់យ៉ាង<br />ប៉ះប៉ូវជូសជុលកំហុសឆ្គង និងចង់បង្ហាញក្ដីស្នេហ៍ថា នៅអាល័យ ចំពោះបណ្ដូលចិត្តគូដណ្ដឹង មិន<br />អាចបំភ្លេចចំណងស្នេហ៍មួយនេះងាយៗបានឡើយ ។</p>
<p>តារាសម្តែង និងជាតារាបង្ហាញម៉ូដ ប្រចាំក្រុម Sun Super Model លោក ប៉ែន តុលា បានប្រាប់ឲ្យដឹង<br />ថា “បញ្ហាគ្រប់យ៉ាង ដែលកើតឡើង ធ្វើឲ្យខ្ញុំ និង ដាលីស មានភាពរកាំរកូស ឈ្លោះប្រកែកគ្នា ដល់<br />ថ្នាក់មានបញ្ហាធំដុំបែបនេះ ដោយសារតែមានចរិតឆេវឆាវ ខឹងច្រឡោត យកកំហឹងទល់នឹងកំហល់<br /> មិនបានគិតមុខគិតក្រោយ ។ ខ្ញុំទទួលស្គាល់កំហុសគ្រប់បែបយ៉ាង ធ្វើឲ្យយ៉ាងណាឲ្យតែទំនាក់ទំនង<br />រវាងខ្ញុំ និងអូនដាលីសវិលមកចាប់ផ្តើមជាមួយគ្នាជាថ្មីម្តងទៀត ព្រោះថាបញ្ហារបស់ពួកខ្ញុំ កើតឡើង<br />ពីបញ្ហាតិចតួចទេ ពោលគឺប្រកាន់ចរិតរឹងរួសរៀងៗខ្លួន។ ម្យ៉ាងទៀតពួកខ្ញុំនៅក្មេង មិនចេះគិតវែង<br />ឆ្ងាយ ក៏បញ្ចេញកំហឹងដាក់គ្នា ធ្វើឲ្យមាន រឿងវែងឆ្ងាយបែបនេះទៅ... ” ។</p>
<p>ដោយឡែក ម្ចាស់ផលិតកម្ម មហាហង្ស និងជាឪពុកបង្កើតកញ្ញា ភិន សុដាលីស លោក អ៊ិន សុភិន<br /> បានប្រាប់ LookingTODAY ឲ្យដឹងថា លោកមានការសោកស្តាយ ដែលកូនស្រីរបស់លោក និងគូ<br />ដណ្តឹងត្រូវជាកូនធម៌របស់លោក មានបញ្ហានឹងគ្នា ខណៈដែលលោកបានដឹងពីជម្លោះយូរមកហើយ<br /> តែមិនមានសិទ្ធអ្វីបង្ខំកូនឲ្យបែក ឬបង្ខំឲ្យជួបនោះទេ ពោលគឺនៅលើកូនៗជាអ្នកសម្រេចចិត្ត ទាំង<br />អស់គ្នា។ តែគ្មានឪពុកម្ដាយឯណា ចង់ឲ្យកូនបែកគ្នានោះទេ គឺក៏ចង់ឲ្យកូនទាំងពីរនាក់ត្រូវគ្នាវិញ ។</p>
<p>រូបលោក ក៏ដូចជាឪពុកម្តាយរបស់ តុលា ក៏សប្បាយចិត្ត លោកមិនមានការខឹងសម្បារអនាគតកូន<br />ប្រសាររូបនេះដែរ។ លោកថា “ធម្មតាចាស់ទុំទាំងសងខាង មិនថាខ្ញុំ និងឪពុកម្តាយរបស់តុលាទេ <br />មានអារម្មណ៍មិនសប្បាយ ចិត្ត ពេលមានបញ្ហាបែបនេះ ហើយ ពេលនេះមានតែរង់ចាំមើល គេទាំង<br />ពីរនាក់ ជួបនិយាយគ្នាដោះស្រាយបញ្ហាមួយវគ្គសិន ហើយខ្ញុំ គិតថាបើសិនជាពួកគេម្នាក់ៗចេះ អត់<br />ឱនព្រមនិយាយគ្នា វែកញែករកខុសត្រូវ អាចធ្វើឲ្យពួកគេទាំងពីរនាក់ វិលមកចាប់ផ្តើមជាមួយគ្នាឡើង<br />វិញ ហើយខ្ញុំក៏រីករាយពេញចិត្ត មិនចាប់ទោសអូសដំណើរ កូនម្នាក់ណាដែរ.. ” ។</p>
<p>ជាមួយគ្នានេះដែរ លោក ប៉ែន តុលា ក៏បានព្រលយពាក្យសម្តីថា “ខ្ញុំចង់ជួបគ្នាជាមួយ ដាលីស ដើម្បី<br />និយាយគ្នា ហើយខ្ញុំសុខចិត្ត ធ្វើគ្រប់យ៉ាងឲ្យតែគូដណ្តឹង និងចំណងស្នេហារបស់ខ្ញុំ ត្រឡប់មកចាប់<br />ផ្តើមដូចដើមវិញ មិនថាត្រូវធ្វើអ្វី ឬជួបការលំបាកប៉ុណ្ណាខ្លះទេ ខ្ញុំសុខចិត្តតស៊ូជានិច្ច..! ” ៕</p>
<p><a href="/News/Detail/81360/iphone-5s-gold-continue-reducing-price-alot-in-cambodia"><span style="color: #0000ff;">អាន៖ មិនទាន់បានមួយសប្តាហ៍ស្រួលបួលផង iPhone 5S Gold ស្រកថ្លៃជិត ៥០០ ដុល្លារ</span></a><br /><a href="/News/Detail/74813/selena-gomez-show-concert-without-underwear-make-fans-have-a-big-surprise"><span style="color: #0000ff;">អាន៖ Justin Bieber ត្រូវពិធីករដោះខ្សែក្រវ៉ាត់វាយ នៅក្នុងកម្មវិធីផ្ទាល់តែម្តង (មានវីដេអូ)</span></a></p>
<p><a href="/News/Detail/74813/selena-gomez-show-concert-without-underwear-make-fans-have-a-big-surprise"><span style="color: #0000ff;">អាន៖ Selena Gomez ឡើងឆាកអត់ស្លៀកខោក្នុង ធ្វើឲ្យអ្នកគាំទ្រចងចាំមិនភ្លេច</span></a><br /><a href="/News/Detail/67415/facebook-allows-to-update-status-registered"><span style="color: #0000ff;">អាន៖ Facebook អនុញ្ញាតឲ្យអ្នកប្រើប្រាស់ អាចធ្វើការកែសម្រួលកំហុស ក្នុងការសរសេរ ដែលបាន</span><br /><span style="color: #0000ff;">បង្ហោះរួច បានហើយ (Edit Status)</span></a><strong><a href="/News/Detail/49172/monkey-was-famous-when-he-touched-breast-beautiful-female-reporter"><span style="color: #0000ff;"><br /></span></a></strong></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-065/PISETH-0637.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-065/PISETH-0638.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-065/PISETH-0639.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-065/PISETH-0640.jpg" alt="Looking Today" width="600" /></p>
<p style="text-align: left;"><strong><span style="color: #000000;">ព័ត៌មានកំសាន្ត ស្តីពីតារាៗ គួរឲ្យចាប់អារម្មណ៍ជាច្រើនទៀត</span> <a href="/News/Category/5/entertainment"><span style="color: #0000ff;">សូមចុចត្រង់នេះ !!!</span></a></strong></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>