<div class="article-content">
<p>មណ្ឌគិរី៖ ភ្ញៀវចូលច្រៀង កំសាន្តនៅខារ៉ាអូខេ យីហោ វង្ស ភ័ក្រ្តធារី ស្ថិតនៅក្បែរ រង្វង់មូលដៃ<br />ប្រាំបី ផ្លូវចូល ភ្នំដោះក្រមុំ ត្រូវភ័យខ្លាចយ៉ាងស្លន់ស្លោរ បង្កភាព ភ្ញាក់ផ្អើលដល់មន្រ្តី អាវុធហត្ថ<br />ខេត្ត-ក្រុង និង នគរបាលតែពេលសមត្ថកិច្ចចុះទៅពិនិត្យ មិនមានអ្វីគួរឲ្យសង្ស័យនោះទេ ។ <br />ហេតុការណ៍នេះបានកើតឡើង កាលពីយប់ថ្ងៃទី០៩ ខែមេសា ឆ្នាំ២០១៣ វេលាម៉ោង០៩ និង<br />២៥នាទី។</p>
<p>លោក ឆេង សូរីយា មេបញ្ជាការរង កងរាជអាវុធហត្ថខេត្ត បានដឹកនាំកំលាំងចុះប្រតិបត្តិការនេះ<br />បានឲ្យដឹងថា ចំពោះភ្ញៀវ ដែលចូលទៅច្រៀង កំសាន្តនៅខារ៉ាអូខេ ខាងលើនេះ គឺពុំមានបញ្ហា<br />នោះទេ គ្រាន់តែសុំឲ្យសមត្ថកិច្ចជួយការពារសន្តិសុខខ្លាចមានបញ្ហាកើតឡើង ។ បន្ទាប់មកលោក <br />ឆេង សូរីយា ក៍បានបញ្ជាឲ្យ កំលាំងសមត្ថកិច្ច ដកថយមួយចំនួន រីឯមួយចំនួនទៀត ចូលទៅការ<br />ពារភ្ញៀវ ដែលកំពុងច្រៀងសប្បាយ ។</p>
<p>លោក វង្ស រចនា នាយការិល័យព្រហ្មទ័ណ្ឌ អាវុហត្ថខេត្តបាន ឲ្យដឹងថា ហេតុការណ៍ ដែលនាំឲ្យ<br />ភ្ញៀវ មានការភ័យខ្លាចនេះ បានកើតឡើងតាំងពីយប់ថ្ងៃទី០៨ ខែមេសា ឆ្នាំ២០១៣ មកម៉្លេះ ដោយ<br />ប្រមូលព័ត៌មាន បានពីភ្ញៀវចូល ទៅច្រៀងកំសាន្តនៅទីនោះ និងបានដឹងតាមរយៈនាងៗនៅទីនោះ<br />ថា មានមនុស្សម្នាក់ មានតួនាទីជាមន្ត្រីនគរបាលម្នាក់បានកាន់កាំភ្លើងនៅឈររេរា ពេលភ្ញៀវបាន<br />លឺ ក៍មានការភ័យខ្លាច រួចក៍រាយការណ៍ ដល់សមត្ថកិច្ចតែម្តងទៅ ។ ហើយករណី នេះពេលសមត្ថ<br />កិច្ចចុះទៅដល់ទីតាំងនេះ បន្ទាប់ពីមានការស្រាវជ្រាវទើបដឹងថា ពុំមានការឈាន ទៅប៉ះទង្គិចគ្នា<br />រហូតដល់ការផ្ទុះអាវុធអ្វីនោះទេ ។ </p>
<p>អ្នកស្រី លីលី ម្ចាស់ហាងខារ៉ាអូខេខាងលើ និង លោក យិម ឆន ហៅប្រុស នាយរងការិយាល័យ<br />ប្រឆាំងបទល្មើស សេដ្ឋកិច្ច នៃស្នងការដ្ឋាននគរបាលខេត្តត្រូវ ជាប្ដីអ្នកស្រី លីលី បានប្រាប់ថា <br />នៅទីនេះគ្មាន រឿងអ្វីកើតឡើងនោះទេ។</p>
<p>លោក សូ សុវណ្ណ ស្នងការរងខេត្តបានឲ្យដឹងថា ករណីខាងលើនេះ លោកកំពុងដាក់កំលាំង ដើម្បី<br />ធ្វើការស្រាវ ជ្រាវនូវបញ្ហាដែលបានកើតឡើង ហើយយ៉ាងណាៗ នោះលោកនឹងចាត់ការទៅតាម<br />ច្បាប់៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-011/Hong-0164.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-011/Hong-0165.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-011/Hong-0166.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>