<p><span style="color: #000000;"><strong>(ភ្នំពេញ)៖</strong> ករណីយល់ច្រឡំមួយបានកើតឡើងបង្កឲ្យមានការភ្ញាក់ផ្អើលដល់សមត្ថកិច្ចស្ទើរតែទូទាំងខណ្ឌទួលគោក ដោយសារតែរថយន្ត Lexus-570 ប៉ះគ្នាជាមួយរថយន្ត Camry បាឡែន បណ្តាយឲ្យដាច់កង់មុខខាងឆ្វេងហើយចុះមកជជែកវែកញែកគ្នា ខណៈនេះមានរថយន្តកាមរីឆ្លាម១គ្រឿងជាមិត្តភក្តិរបស់ម្ចាស់រថយន្តកាមរីបាឡែនមកដល់ ក៏ចុះពីឡានដោយមានកាន់ជើងកាមេរ៉ាមកជាមួយផង ភ្លាមៗនោះម្ចាស់រថយន្ត Lexus មើលទៅស្មានថាកាន់កាំភ្លើងអាកាក៏ឡើងឡានបើកចេញបាត់ ហើយទូរស័ព្ទប្តឹងសមត្ថកិច្ច ។</span></p>
<p><span style="color: #000000;">ករណីយល់ច្រលំនេះកើតឡើងកាលពីវេលាម៉ោង១០៖៤០នាទីយប់ ថ្ងៃទី២៨ ធ្នូ ឆ្នាំ២០១៥ នៅមុខ សាលតិចណូ តាមបណ្ដោយមហាវិថីសហពន្ធរូស្ស៊ី ស្ថិតក្នុងសង្កាត់ទឹកល្អក់ទី១ ខណ្ឌទួលគោក ។</span></p>
<p><span style="color: #000000;">បន្ទាប់ពីម្ចាស់រថយន្ត Lexus ទូរស័ព្ទប្តឹងថា មានគេកាន់កាំភ្លើងអាកាមកគំរាមដោយសារតែគ្រោះថ្នាក់ប៉ះរថយន្តគ្នាបន្តិចបន្តួចសោះបែបនេះ សមត្ថកិច្ចស្ទើរតែទូទាំងខណ្ឌទួលគោកបានចុះមកអន្តរាគមន៍ភ្លាមៗនៅកន្លែងកើតហេតុ ប៉ុន្តែអ្វីដែលធ្វើឲ្យសមត្ថកិច្ចហួសចិត្តនោះគឺ ពុំមានកាំភ្លើងអាកាដូចការរាយការណ៍ឡើយ គឺគ្រាន់តែជើងកាមេរ៉ាដែលមានដាក់ស្រោមពណ៌ខ្មៅមួយប៉ុណ្ណោះ ។</span></p>
<p><span style="color: #000000;">ក្រោយពេលសមត្ថកិច្ចធ្វើការពិនិត្យរថយន្ត Camryឆ្លាមរួចហើយ ក៏បានធ្វើការបញ្ជាក់ប្រាប់អ្នកសារព័ត៌មានទាំងអស់ថា នេះគ្រាន់តែជាការយល់ច្រលំតែប៉ុណ្ណោះ ការពិតពុំមានយកកាំភ្លើងអាកាគំរាមដូចការាយការណ៍នោះទេ គឺគ្រាន់តែជាជើងកាមេរ៉ាប៉ុណ្ណោះ ព្រោះពួកគាត់ទើបចេញមកពីស៊ីការគេ។</span></p>
<p><span style="color: #000000;">ក្រោយពេលពិនិត្យរួចរាល់អស់ហើយ និងបញ្ជាក់ថាគ្រាន់តែជាការយល់ច្រឡំនោះ សមត្ថកិច្ចក៏អនុញ្ញាតឲ្យរថយន្តទាំង២គ្រឿងបន្តដំណើរទៅផ្ទះទៅ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/29/12-29-2015-9-30-08-am-29-12-2015--09-40-05.png"><img src="/FileManager/Articles/mce/2015/12/29/12-29-2015-9-30-08-am-29-12-2015--09-40-05.png" alt="" /></a></span></p>
<p><a class="thickbox" title="" href="/FileManager/Commons/2015/12/29/12-29-2015-9-30-24-am-29-12-2015--09-40-16.png"><img src="/FileManager/Articles/mce/2015/12/29/12-29-2015-9-30-24-am-29-12-2015--09-40-16.png" alt="" /></a></p>
<p><a class="thickbox" title="" href="/FileManager/Commons/2015/12/29/12-29-2015-9-30-41-am-29-12-2015--09-40-25.png"><img src="/FileManager/Articles/mce/2015/12/29/12-29-2015-9-30-41-am-29-12-2015--09-40-25.png" alt="" /></a></p>
<p><a class="thickbox" title="" href="/FileManager/Commons/2015/12/29/12-29-2015-9-30-56-am-29-12-2015--09-40-35.png"><img src="/FileManager/Articles/mce/2015/12/29/12-29-2015-9-30-56-am-29-12-2015--09-40-35.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ហ្វ្រេសញ៉ូវអាស៊ី</span><span style="color: #000000;"><br /></span></p>